U Bulungana u Niga tere Iesu Kristo te kolotein e Mak 3:5 - U Bulunagana U Niga

⁵ Be Iesu e hula tara uana i taren ba nonei e raharaha koruna, taraha a torir u katuun teka e roto koru batema hahan ranga palis ri. Ba nonei e poeiena tara katuun a lima mate, “Hasoa nema a limamölö.” Ba nonei e hasoa nena a limanen ba limanen e niga poutsuna.

U Bulungana u Niga tere Iesu Kristo te kolotein e Mak 3:5 Iomraidhean Croise

Matiu 12:13

Be Iesu e poeiena tara katuun, “Alö go haparori a limamölö.” Ba nonei e haparorena a limanen, me niga pouts here nei a hapalana a limanen.

U Bulungana u Niga tere Iesu Kristo te kolotein e Mak 3:4

Ba nonei e rangata rena u katuun, “A Lo i tarara e ranga nena aha tegi kati ra turu Lan u Göagono? Aragi kato a markato a niga tsi aragi kato a markato a omi? Aragi taguhi a katuun te katsin matena tsi aragi atung hamateien?” Kaba nori ima ranga paliseien.

U Bulungana u Niga tere Iesu Kristo te kolotein e Luk 13:15

Ba e Iesu e mar ranga palis mena neien teka, “Alimiou u katuun u gamogamo! Ga limiou e ron la uamiou tara luman bulmakau turu Lan u Göagono bate purese miou a man bulmakau tsi a man rongki i tamilimiou batena haua ramun ramen, boka?

U Bulungana u Niga tere Iesu Kristo te kolotein e Luk 17:14

Be Iesu e tara ranen me poeiena i taren, “La mula, ba limiou tena hatara namiou a peisa milimiou turu pris.” Ba pöata ti la noaien i maroro, ba peisaren e gogosona!

U Bulungana u Niga tere Iesu Kristo te kolotein e Luk 6:10

Ba nonei e hula tara uana i taren hoboto me poeiena tara katuun, “Hasoa nema a limamölö!” Ba nonei e hasoa nena a limanen me niga poutsuna.

U Bulungana u Niga tere Iesu Kristo te kolotein e Jon 9:7

Be Iesu e poeiena i tanen, “La tala, ba lö tena galusem a matamölö tara kioun ramun i Siloam.” Ba nonei ena galusena a matanen, ba pöata te kopis pouts men nonei e tara haniga pouts.

U pas te koloto menai e Pol turu kristenira i Rom 11:25

A matsi hahatoulana, alimiou goma pei mi alimiou e atei korumiou. Alia e ngilegu alimiou go atei sileiam u raranga u mana teka te mous i manasa: e kato uana teka, a nihihipus tara tei Israel ema ka nitöa noi romana. E möa. E antuna noa romana tara pöata te onoto noua u hihase turu katuun tema Jiu ri te pala uaier tere Sunahan.

2 Korin 3:14

Kaba u hakats i taren i kato hatutu hatagala korui, te la noahasina i romana, a bakur u Jiu e tutu noahasina tegi atei sil menaien a nimana. A bakuna a katuun e kalata las mena a pöata te hamana uanen tere Kristo.

Epesis 4:18

Nori e ka halehana ba ner a nitöatöa tere Sunahan. Na bakuren e kuhilina na e kamer u tori u omi, taraha, nori e hipus korur bate kato hatutueier u hakats i taren.

Epesis 4:26

Te raharaha mia limiou, haka ba neiam a raharaha. Ena mots kato ranou limiou ba limiou te kato homi miou. Alimiou go hakapeiam a raharaha i mam te tsiruku na a pitala.

Epesis 4:30

Alimiou goma kato hataatagemi u Namnamei u Göagono tere Sunahan, taraha nonei a hatöatongo tere Sunahan te haröto nena te hanöa ba mena milimiou romana a manka man omi hoboto.

Hibru 3:10

Ba nori u katuun teka e kato haraharaha korue riou lia, ba lia e poeiegu, ‘Nori e roron tori hasoalar. Ba nori tema kukutieri a maroro i tar.’

Hibru 3:17

Na eresi u katuun ti raharahi e Sunahan turu tohats u maloto u hiningal? Nonei e raharaher u katuun ti kato homi bate mater, bate laba rarien tara makum a palaka.

Hibru 5:9

Be Sunahan e katoe neien a pris te niga saluhe koru. Ba nonei te taguhu rena u katuun hoboto ti hengoeien bate hala raneien a nitöatöa te ka nitöana.

Revelesin 6:16

Ba nori e ku uaier tara pokus na turu hatu me poeier, “Rus uamuma ielumulam bate hamous ba rami lam a matana e Sunahan e gumna turu gumgum u göagono. Hamous barami lam a raharaha pan tara Tunan Sipsip.