U Bulungana u Niga tere Iesu Kristo te kolotein e Mak 13:11 - U Bulunagana U Niga

¹¹ “Na pöata te pile kap rarien limiou bate las mera rilimiou turu kout, alimiou goma hakats hapara mam nami a manka tena ranga namou limiou. Ranga naiam a saha ka te hatei raroui limiou tara pöata, taraha, ema limiou nei te ranga miou, kaba u Namnamei u Göagono.

U Bulungana u Niga tere Iesu Kristo te kolotein e Mak 13:11 Iomraidhean Croise

Matiu 10:17

Haneiam, u katuun ena pile kap rariou limiou bate lu mera rilimiou turu kout, ba nori tena lahus raroua limiou turu luman lotu i taren.

U Bulungana u Niga tere Iesu Kristo te kolotein e Mak 13:12

U katuun e hala naroua u toularen turu katuun bate atung hamate raren, bu tamaren te kato has uariou iesana tara galapien i taren. A galapien e hiatatung gono has merariou u tamaren na u tsinaren bate hala mera rien turu katuun te atung hamate raren romana.

U Bulungana u Niga tere Iesu Kristo te kolotein e Mak 13:9

“Alimiou go hanei iam, taraha u katuun e pile kap rariou limiou bate hala mera roi limiou turu kout, ba nori te atung raroua limiou tara man luman lotu. Na limiou ena tuol möa i matar u gamman na u king, taraha alimiou e hamana mia i tar, ba limiou te hatei ramouien u Bulungana u Niga.

U Bulungana u Niga tere Iesu Kristo te kolotein e Luk 21:12

Kaba i mamina te butu noua a manka teka, ba limiou te pile kap rariou bate kato hohomi pinopino rariou. Alimiou e kout raria romana iahana a man luman lotu turu Jiu bate haka raria tara karabus. Na limiou e lu merari romana i matar u king na turu gamman te hamana uami limiou i tar.

U Bulungana u Niga tere Iesu Kristo te kolotein e Jon 3:27

Be Jon e ranga palis ranen me poeiena, “A katuun e lu puku lase nou a ka te hale neien e Sunahan i Kolö.

Aposol 2:4

Ba nori e saputu hoboto meier u Namnamei u Göagono tere Sunahan, te haranga raien na te hala raien a niatei na nitagala tegi antunan ranga uaien tara man taina man ranga.

Aposol 3:13

A Sunahan tere Abraham mere Aisak na e Jekop na u tuburara i hala sei a solona a katunun kui i tanen e Iesu. Nonei a katuun teka tu hala mena milimiou turu katuun ti paköeien. Na e Pailat a gamman e ngilin purese e Iesu bate lana, kaba limiou u tori tsuga namen i matana e Pailat.

Aposol 4:31

Tara pöata ti singo hakapaien, ba makum ti gono ien e tagasina. Nori hoboto i saputu mei u Namnamei u Göagono me tanian hatei ner u raranga tere Sunahan, nori ima matout ii.

Aposol 6:10

Kaba u Namnamei tere Sunahan e hale ii e Stiven a niatei a niga koru, nori ima antuna ii temar ranga sila uu e Stiven.

Aposol 6:15

U katuun hoboto ti gum ia turu Kout i tara tötoso uu tere Stiven me tarer a matanen e here ii a matana a angelo.

Aposol 7:55

U Namnamei u Göagono e saputi e Stiven, ba nonei tara tötoso uana i Kolö me tarena u ualesala pan tere Sunahan, na e Iesu e tuol ia tara pal matou tere Sunahan.

1 Korin 2:13

Ba lam tema ranga nami u raranga tara niatei turu katuun tuun. E möa. Alam e ranga nem u raranga te hatuts railam u Namnamei tere Sunahan bate hatarare nem a manka tere Sunahan turu katuun te ka mer u Namnamei tere Sunahan.

Epesis 3:5

I manasa a ka teka ima hatei rai u katuun, kaba i romana u Namnamei tere Sunahan e haröto naien turu aposol na turu propet u niga i tanen.

Jemis 1:5

Te möa na ta töa i tamilimiou tu hakhakats tu niga, nonei ego singo nitöa uu tere Sunahan be Sunahan te hale nen. Taraha, e Sunahan e tangana koru rena u katuun hoboto na ema lohale noi ta katuun te singo uana i tanen.

1 Pita 1:12

E Sunahan e haröto raien a toukui i taren, kaba egoma ka sile ii tega taguhu pouts meraien, ega ka sil tega taguhu meraien limiou. Na manka teka i habulungana has menai i tamilimiou. E Sunahan e haleiema u Namnamei u Göagono bate haranga rena u katuun ti habulunganen u Bulungana u Niga i tamilimiou. Na u angelo has e ngil koruer tegi atei sil menaien a manka teka.