U Bulungana u Niga tere Iesu Kristo te kolotein e Mak 10:47 - U Bulunagana U Niga

⁴⁷ Ba pöata te hengoeien te la uama e Iesu na i Nasaret ba nonei e tanian ku hapanina me poeiena, “O Iesu a Hatutubunei tere Devit a King, alö go taatagi namoulia.”

U Bulungana u Niga tere Iesu Kristo te kolotein e Mak 10:47 Iomraidhean Croise

Matiu 1:1

Nonei teka u tubur e Iesu Kristo. E Iesu e tubunen e Devit, na e Devit a hatutubunei tere Abraham.

Matiu 12:23

Ba u katuun hoboto e asingoto korur me poeier, “Nonei toum a pien tson tere Devit?”

Matiu 15:22

Ba töa taholuna tara provins i Kenan te kaia tara han teka e la uana i tanen bena ranga hataatagina i tanen me poeiena, “O Tsunono, a Hatutubunei tere Devit! Alö go taatagi namou lia! U liliahanei u omi e karia tara pien tahol i tar!”

Matiu 2:23

Ba nonei ena kana tara töa taun te ngöeri i Nasaret. A ka teka e butu sil hasi tego hatara hamana menaien u raranga ti habulunganein u propet. Nori i mar ranga uu teka, “Nonei e ngöe roi a toun Nasaret.”

Matiu 20:30

Ba huol a katuun a matakiou te gum talaria i rehina kalana me hengoer te la karasa uu e Iesu ba nori e kur me poeier, “O Tsunono a Hatutubunei tere Devit! Alö go taatagi ramou lam!”

Matiu 21:11

Ba u katuun ti la gono meien e poeier, “Nonei e Iesu a propetina i Nasaret i Galili.”

Matiu 21:9

U katuun u parpara koru ti mamin e Iesu na u katuun has ti murimurima i tanen i ku bate poeier, “Hosana! Soloseiam a Hatutubunei tere Devit! E Sunahan ega kalali esi te la nama tara solona a Tsunono. Hosana! Solosei korueiam a solona e Sunahan iasa koru!”

Matiu 26:71

Ba pöata te lakasaien bena kana tara ololo i rehina tamana, ba tana taholun kui e tare nen me poeiena turu katuun ti tuol ia i sukusuku, “A katuun teka e ka gono hasmei e Iesu a toun Nasaret.”

Matiu 9:27

A pöata te la ba naia e Iesu a han teka, ba huol a katuun a matakiou e kukutie ren me ku hapanir me poeier, “A Hatutubunei tere Devit alö go taatagi ramou lam!”

U Bulungana u Niga tere Iesu Kristo te kolotein e Luk 4:16

E Iesu e la uu i Nasaret, a taun te pan ien. Ba turu Lan u Göagono turu Jiu nonei e la uu i luman lotu, te roron markato uaien. Ba nonei e tuol silena tego rit menaien u Buku u Göagono.

U Bulungana u Niga tere Iesu Kristo te kolotein e Jon 1:46

Be Nataniel e poeiena, “E möa ta ka ta niga tega tatei butuia i Nasaret.” Be Pilip e poeiena, “Lama balö temi tara peisam.”

U Bulungana u Niga tere Iesu Kristo te kolotein e Jon 19:19

Be Pailat e hakoloto nena a töa makumun raranga me hake rien tara kuruse. Na makumun ranga teka e pei: Iesu na i Nasaret, a King turu Jiu.

U Bulungana u Niga tere Iesu Kristo te kolotein e Jon 7:41

Ba palai e poeier, “Nonei e Mesaia.” Kaba palai i poe, “E Mesaia egoma la meia i Galili. E möa.

U Bulungana u Niga tere Iesu Kristo te kolotein e Jon 7:52

Ba nori e rangate ren, “Alö a toun Galili has? Na taratara hanigei u Buku u Göagono balö te tara peisa mou, e möa ta propet ga butuma i Galili.” Ba u katuun e taker me la kalakalar.

Aposol 6:14

Taraha, alam u hengoei te pei menaien, ‘Nonei e Iesu ni Nasaret e kato rure nou a Luman Lotu Pan bate palise nou a man markatona i manasa te hala raira e Mosis!’”

Revelesin 22:16

Be Iesu e poeiena, “Alia u haleiema a angelo i tar i tamölö tegana hatei menaien a hun katuun i tar a mamanaka hoboto teka. Alia e tubuna e Devit, na lia e hatubuna has gia i tanen. Alia a Tounlan te alesala hapanina.”