U Bulungana u Niga tere Iesu Kristo te kolotein e Mak 10:34 - U Bulunagana U Niga

³⁴ Nori ena hahakos nariou lia romana bate kahuse riou lia bate lahuse riou lia bate atung hamatie riou lia. Ba i murina u topisa u lan ba lia te takei pouts gou.”

U Bulungana u Niga tere Iesu Kristo te kolotein e Mak 10:34 Iomraidhean Croise

Matiu 16:21

Tara pöata teka e Iesu e tanian hatei ri u katunun tsitsilo i tanen tega mate uen ba nonei e poeiena, “Alia e la uagou i Jerusalem balia tena sagoho kamits goa i limar u tsunono, na u pris pan, na u tson hihatuts tara Lo. Ba nori tena atung hamate riou lia, ba lia te takei pouts gou turu hatopisana u lan.”

Matiu 26:67

Ba nori e kahuseier a matanen me muke ren. Ba palai e tapale ren me poeier, “Bora! Tego Mesaia uu lö, balö te markato uem te kato uana a propet. Poa talei esi te muke lalou lö.”

Matiu 27:63

Ba nori e poeier, “O Tsunono, alam e hakats kap nem u raranga te kati e Iesu a katuun a gamogamo tara pöata te töatöa noa ien ba nonei e poeiena, ‘I murina u topisa u lan ba lia te takei pouts gou.’

U Bulungana u Niga tere Iesu Kristo te kolotein e Mak 14:63

Ba tsunono pan turu pris e kiisena u hasobö i tanen me poeiena, “Ara ema tatei ngö lele roi ta katuun tega kout gono meien.

U Bulungana u Niga tere Iesu Kristo te kolotein e Mak 14:65

Ba palai e tanian kahuseier e Iesu me kits kap ner a matanen me muke ren. Ba nori e poeier i tanen, “Poa talei esi te muke lalou lö.” U tson taratarakap i lu haseien me atunge ren.

U Bulungana u Niga tere Iesu Kristo te kolotein e Mak 9:31

taraha nonei e hatutsir u katunun tsitsilo i tanen. Ba nonei e poeiena i taren, “Alia tu butun Katunuma ena hala naroua tara pal tson tena ranga hohomi nariou lia romana. Nori ena kato hamate riou lia, ba i murina u topisa u lan ba lia te takei pouts gou.”

U Bulungana u Niga tere Iesu Kristo te kolotein e Luk 23:11

Be Herot na u soldia i tanen e hahakos ner e Iesu me maman ranga naren. Ba nori e hasei rien u hasobön king me hala pouts mena rien tere Pailat.

U Bulungana u Niga tere Iesu Kristo te kolotein e Jon 1:17

E Sunahan e hala silanama a Lo tere Mosis, kaba u pannen u nihitaguhu na nimana tere Sunahan i habutu sila nama tere Iesu Kristo.

1 Korin 15:4

Na e Kristo i kahoein me takei poutsuna turu hatopisana u lan, temar ranga uana u Buku u Göagono.