U Bulungana u Niga tere Iesu Kristo te kolotein e Mak 10:14 - U Bulunagana U Niga

¹⁴ Be Iesu e tarena ti markato uaien me raharaha koruna me poeiena turu katunun tsitsilo i tanen, “Haka ba raiam a galapien egi la uama i tar, alimiou goma hapiou ramien. Taraha, a Nipepeito tere Sunahan e kana tara markato te kato uana teka.

U Bulungana u Niga tere Iesu Kristo te kolotein e Mak 10:14 Iomraidhean Croise

Matiu 18:10

Be Iesu e poeiena, “Alimiou go haneiam möa tu sigaleiam ta töa tara galapien teka. Na lia e hatei ragou limiou, u angelo i taren e tarakapin töa raren te ka rien tere Tamar i Kolö.

Matiu 18:4

A katuun te hala puteiena a peisanen bate here nei a tsi pien a tsi tetenei teka, nonei te pan koru noa tara Nipepeito tere Sunahan.

Matiu 19:14

Be Iesu e poeiena, “Haka baraiam a galapien gi la uama i tar, ma hapiou rami, taraha a Nipepeito tere Sunahan e ka uana turu mar katuun teka.”

Matiu 5:10

Na u katuun te kato hamatskö ria i matana e Sunahan ba palair u katuun te kato homi raren egi sasaala. E Sunahan e ngö ranoien u katunun sasaala, taraha a Nipepeito tere Sunahan e ka uana i taren.

Matiu 5:3

Ba nonei e poeiena, “U katuun te kato hateteneier a peisaren egi sasaala. E Sunahan e ngö raneien u katunun sasaala, taraha a Nipepeito tere Sunahan e ka uana i taren.

U Bulungana u Niga tere Iesu Kristo te kolotein e Mak 3:5

Be Iesu e hula tara uana i taren ba nonei e raharaha koruna, taraha a torir u katuun teka e roto koru batema hahan ranga palis ri. Ba nonei e poeiena tara katuun a lima mate, “Hasoa nema a limamölö.” Ba nonei e hasoa nena a limanen ba limanen e niga poutsuna.

U Bulungana u Niga tere Iesu Kristo te kolotein e Mak 8:33

Kaba e Iesu e habirits me tara uana turu katunun tsitsilo i tanen me ranga hapiou nena e Pita me poeiena, “O Satan, la hatalisila. Alö ema hakats nami a manka tere Sunahan. Alö e hakats tuun nem a manka turu katuun tuun.”

U Bulungana u Niga tere Iesu Kristo te kolotein e Jon 3:3

Be Iesu e ranga palise nen me poeiena, “U mana koru alia e hatei hamana korue goulö, tema posa lele ria a katuun, nonei ema antunan atei sile nei a man kana tara Nipepeito tere Sunahan.”

U Bulungana u Niga tere Iesu Kristo te kolotein e Jon 3:5

Be Iesu e ranga palis uana i tanen me poeiena, “U mana koru alia e ranga mei goulö, tema pose ria a katuun turu ramun na turu namnamei, nonei ema antunan tasu nei tara Nipepeito tere Sunahan.

Aposol 2:39

U Bulungana u Niga teka e la uana i tamilimiou na tara galapien has i tamilimiou i murimuri. Na nonei e la has uana turu katuun hoboto te ka ria turu han i lehana na turu katuun hoboto te ngö rena e Sunahan.”

Aposol 3:25

Alimiou u pal katuun turu propet. Na limiou u katuun te lu hasemiou a manka turu ranga hamana te hale ii e Sunahan u tubumilimiou. Nonei e pei tere Abraham, ‘Alia e kalala sila ragoua a man hun katuun hobotora i puta tara pala i tamölö.’

U pas te koloto menai e Pol turu kristenira i Rom 11:16

Te hala naria a hamuna tere Sunahan, e here nei e Sunahan e teiena a huhua hoboto. Na te nigana a poloso turu ruei, ba man kala i tanen te niga hasir. Na e kato has uana iesana turu Jiu. U tuburen i manasa i pala uu tere Sunahan, na nori has e pala uariou tere Sunahan.

U pas te koloto menai e Pol turu kristenira i Rom 11:28

U Jiu e hereri u pakö tere Sunahan, taraha nori e tori tsuga ba ner u Bulungana u Niga. Na ka teka e taguhu ranou limiou u katuun tema Jiu mi. Kaba e Sunahan e hopö kap noa hasir u tuburen. Nonei e hakats nena a ka teka bate taatagi has rena u Jiu.

1 Korin 14:20

A matsi hatoulana, möa tu hakats here mi a pien. Kato here rami a galapien u tetenei te tutu ba ner a markato a omi. Kaba tara man palaina manka, mar hakats uaiam te hakats uana a katuun pan.

1 Korin 7:14

Taraha, a tson tema hamana nei e kato hagöagono sila naria tara tahol te hamanana na tahol tema hamana nei e kato hagöagono sila naria tara tson te hamanana. A galapien i tamilimiou ena mots ma gogoso ri, kaba tara markato teka ba galapien i tamilimiou te göagono hasir.

Epesis 4:26

Te raharaha mia limiou, haka ba neiam a raharaha. Ena mots kato ranou limiou ba limiou te kato homi miou. Alimiou go hakapeiam a raharaha i mam te tsiruku na a pitala.

2 Timoti 1:5

Alia e hakats pouts negu u nihamana i tamölö u tagala koru te ka noa mam ma tere tubumölö a tahol e Lois, be la lel nama tere tsinamölö e Eunis na lia e hamanegu e ka has na i tamölö.

2 Timoti 3:15

Tu tetenei noaia lö, alö i hatutse ii u Buku u Göagono te antunan hale noi lö a niatei temar lu pouts mera nei e Sunahan u katuun, te hamana uaren tere Iesu Kristo.

1 Pita 2:2

Alimiou go ngil korueiam u raranga u gogoso na u niga tere Sunahan, temar bes sil mena nei a pien ti hagou posei a sus. Nonei u raranga teka e taguhu ranou limiou bate katuun hatagala susul uamiou tara markato turu Namnamei, be Sunahan te lu pouts ranou limiou.

Revelesin 14:5

Nori ima gamogamo ii, na e möa ta ka ta omi i taren.