U Bulungana u Niga tere Iesu Kristo te kolotein e Mak 1:27 - U Bulunagana U Niga

²⁷ U katuun hoboto i asingoto koru me hia rangrangatar me poeier, “Aha nonei teka? U mar hihatuts u tsimus? A katuun teka e ka mena a nitagala tego ranga meraien u liliahanei ba nori te hengoe ren!”

U Bulungana u Niga tere Iesu Kristo te kolotein e Mak 1:27 Iomraidhean Croise

Matiu 15:31

Ba u katuun e asingoto koruner ti hengo menaien ti ranga uu biru, na ti tara meraien u katuun u korus na u katuun tima antunan tataalai i niga pouts, na u katuun u matakiou i tara pouts. Ba nori i soloseier e Sunahan a Tsunonona i Israel.

Matiu 8:9

Taraha, i tar peisa alia e atei silegu alia e ka puta gia tara töa pal tsunono, na töa pal soldia e ka puta has ria i tar. Na tego ranga meia lia ta töa balia te poeiegu, ‘Alö go la,’ ba nonei te la hasina. Na tego ranga meia lia ta tabi balia te poeiegu, ‘Alö go lama,’ ba nonei te la has nama. Na lia go ranga mei a katunun kui i tar, ‘Alö go kato a toukui teka,’ ba nonei te kato hase nen. Na u raranga tuun has i tamölö e ka mena a nitagala.”

Matiu 9:33

Be Iesu e tsuga ba nena a liliahanei a omi ba katuun e töan ranga poutsuna. Ba u katuun e asingoto korur me poeier, “E möa koru ta töa ta marka teka tego butu noa buia i Israel!”

U Bulungana u Niga tere Iesu Kristo te kolotein e Mak 1:26

Ba liliahanei e hula gas nena a tson me ku hapan nitöana me koul ba nanen.

U Bulungana u Niga tere Iesu Kristo te kolotein e Mak 1:28

Ba mamanaka te katoi e Iesu e tasata boroboro tuun uana tara mamana han hoboto i Galili.

U Bulungana u Niga tere Iesu Kristo te kolotein e Mak 10:24

Bu katunun tsitsilo e asingoto koru ner u ranga i tanen. Kaba e Iesu e ranga lel me poeiena, “A matsi galapien, e palpal koruna tegi tasu uu tara Nipepeito tere Sunahan.

U Bulungana u Niga tere Iesu Kristo te kolotein e Mak 10:32

Nori i tataalaia i maroro te la uu i Jerusalem, e Iesu e mam raien kaba u katunun tsitsilo i tanen i hatutu hoboto na u katuun ti murimurima i matout hoboto. Be Iesu e lu halhal lel rena a maloto na huol a katunun tsitsilo i tanen be hatei raneien a manka tegona butuia i tanen me poeiena, “Hengoiam, ara e la uara i Jerusalem, na Alia tu Butun Katunuma ena hala naroua turu pris pan na turu tson hihatuts tara Lo. Ba nori tena kout sile riou lia tegona mate uu lia bate hala naroua lia tara pala tema Jiu ri.

U Bulungana u Niga tere Iesu Kristo te kolotein e Mak 16:5

Pöata ti tasuien tara kioun mate ba nori e tarer a töa tson a hitots te kamei u hasobö u hiakan töa e gumia tara pal matou. Ba nori e asingotor me matout korur.

U Bulungana u Niga tere Iesu Kristo te kolotein e Mak 16:6

Kaba nonei e ranga meraien me poeiena, “Alimiou goma asingotomi na goma matoutmi. Alimiou e sakiemiou e Iesu na i Nasaret ti nila naia tara kuruse? Nonei ema ka lel nei. Nonei e takei pouts hakapa lala. Taraiam tara makum ti hopöeien.

U Bulungana u Niga tere Iesu Kristo te kolotein e Mak 7:37

U katuun hoboto i asingoto koruni a ka teka, ba nori te poeier, “A mamanaka hoboto te katoenen e nigana. Nonei e kato haniga pouts rena u talingatu ba nori te hengo poutsur, na nonei e kato haranga pouts has rena u katuun u biru ba nori te ranga haniga poutsur.”

U Bulungana u Niga tere Iesu Kristo te kolotein e Luk 4:36

Ba u katuun hoboto e asingotor me hiararangar, “U saha u mar raranga teka? Nonei e tatei hala nena u raranga u mal u tagala turu liliahanei u omi, ba nori te hengoe ren bate lakasa ba ner a katuun!”

U Bulungana u Niga tere Iesu Kristo te kolotein e Luk 9:1

E Iesu e ngö gögoneir a maloto na huol a aposol i tanen me hala raneien a nitagala pan tegi tatei tsuga ba meraien u liliahanei u omi hoboto na tegi kato haniga pouts has merai u katuun ti ka mei a man siki.

Aposol 17:19

Ba nori e luer e Pol mena piou narien turu töa u hagum te kaia tara makumun hagum ti ngöei u Ariopagas. Ba nori e poeier, “Alam e ngilin atei silem u hihatuts u tsimus te la memuma lö.