Matiu 9:8 - U Bulunagana U Niga

⁸ Pöata ti tareia u katuun u parpara koru a ka teka ba nori e matout korur. Taraha nori i tari te hala menai e Sunahan a mar nitagala teka tara katuun, ba nori e töan soloseier e Sunahan.

Matiu 9:8 Iomraidhean Croise

Matiu 12:23

Ba u katuun hoboto e asingoto korur me poeier, “Nonei toum a pien tson tere Devit?”

Matiu 15:31

Ba u katuun e asingoto koruner ti hengo menaien ti ranga uu biru, na ti tara meraien u katuun u korus na u katuun tima antunan tataalai i niga pouts, na u katuun u matakiou i tara pouts. Ba nori i soloseier e Sunahan a Tsunonona i Israel.

Matiu 28:18

Be Iesu e la hasukusuku uama i taren me poeiena, “E Sunahan e halei lia a nitsunono hobotona i Kolö na i puta.

Matiu 5:16

Na u ualesala i tamilimiou ega kato has uu iesana bate alesala uana turu katuun. Ba nori te tare riou a markato a niga i tamilimiou bate soloseier e Tamamilimiou i Kolö.”

Matiu 9:7

Ba nonei e takeina me lauana i han i tanen.

U Bulungana u Niga tere Iesu Kristo te kolotein e Mak 2:12

Ba katuun teka e takeina me söatena a pöapöa i tanen i matar u katuun hoboto me lana. Ba u katuun e asingoto korur me soloseier e Sunahan me poeier, “Ara ima mala tarei ta ka tego markato uu teka!”

U Bulungana u Niga tere Iesu Kristo te kolotein e Mak 7:37

U katuun hoboto i asingoto koruni a ka teka, ba nori te poeier, “A mamanaka hoboto te katoenen e nigana. Nonei e kato haniga pouts rena u talingatu ba nori te hengo poutsur, na nonei e kato haranga pouts has rena u katuun u biru ba nori te ranga haniga poutsur.”

U Bulungana u Niga tere Iesu Kristo te kolotein e Luk 13:13

Ba nonei e hatakopena a limanen i tanen ba tahol e tuol sei hamatskö soköna me hatsunonena e Sunahan!

U Bulungana u Niga tere Iesu Kristo te kolotein e Luk 17:15

Kaba a töa i taren e tara sabi te gogoso uaien me habirits poutsina me ranga hapanina te hatsunono menaien e Sunahan.

U Bulungana u Niga tere Iesu Kristo te kolotein e Luk 17:18

E möa ta taina ta katuun tega kopisima batemi soloseiena e Sunahan, a töa puku lasi teka a katununa tara tana han?”

U Bulungana u Niga tere Iesu Kristo te kolotein e Luk 18:43

Ba nonei tara tsi pöata puku has teka ba nonei e tara poutsuna, me kukutiena e Iesu me haniga uana tere Sunahan. Ba pöata ti tareia u katuun a ka teka, ba nori e soloseier e Sunahan.

U Bulungana u Niga tere Iesu Kristo te kolotein e Luk 2:20

Ba u katunun pepeito kap turu sipsip e la poutsur me solosei meri e Sunahan a manka hoboto ti hengoeien na ti tareien. A manka teka e mar butu hamana has uu temar ranga uu a angelo.

U Bulungana u Niga tere Iesu Kristo te kolotein e Luk 23:47

Ba katuun pan turu soldia e tarena a manka teka, ba nonei e soloseiena e Sunahan me poeiena, “U mana koru, nonei a katuun a niga!”

U Bulungana u Niga tere Iesu Kristo te kolotein e Luk 7:16

U katuun hoboto i matout koru, me solo seier a solona e Sunahan me poeier, “A propet te kamena a solo pan e butu hakapaia i gusurara! E Sunahan e la silema e gomi taguhir u katuun i tanen!”

U Bulungana u Niga tere Iesu Kristo te kolotein e Jon 15:8

Pöata te katoe mia limiou a markato a niga ba man markato teka te soloseiena e Tamar, ba limiou te haröto has namiou alimiou u katunun tsitsilo hamana i tar.

Aposol 11:18

Pöata ti hengoien u ranga tere Pita, ba nori e haniga korue ren. Ba nori e soloseier e Sunahan me poeier, “U mana, e Sunahan e haniga hasir u katuun tema Jiu ri tegi habirits ba menaien a man markato a man omi ba nori te töatöa has riou!”

Aposol 21:20

Pöata ti hengo naien a ka teka, ba nori e soloseier e Sunahan. Ba nori e poeier i tanen, “A tsi hatoulana, alö e atei silem u Jiu te hamana ria tere Iesu e para korur na nori hoboto e kukute hanigeier a man Lo tere Mosis.

Aposol 4:21

Ba pal kapan e ranga hatagala lel mera ren me töan hapurese raren. Nori ima sabe ii ta markato tegi mar hahuna sila meraien, taraha u katuun hoboto i ranga me soloseier e Sunahan tara ka te butu.

2 Korin 9:13

Aa, nori e haniga uariou tere Sunahan, taraha alimiou e tangana ramen na palai has. A markato has teka te haröto nanou alimiou e kukute hanige miou u Bulungana tere Kristo te hamane milimiou ba nori te soloseie riou e Sunahan.

Galesia 1:24

Ba nori e solosei sila naria e Sunahan, tara manka te butuia i tar.

1 Pita 2:12

Alimiou go kato haniga koru las mia i gusur u katuun te hahamanar. Ba pöata te ranga homi rien i tamilimiou bate poeier alimiou e katoemiou a markato a omi, ba nori te tatei tarer a markato a niga tego katoeiam limiou, bate soloseier e Sunahan tara pöata te la namen romana.