Matiu 9:31 - U Bulunagana U Niga

³¹ Kaba nori i lala mena habulungana laner e Iesu tara mamana a man han hoboto.

Matiu 9:31 Iomraidhean Croise

Matiu 14:1

Tara pöata teka e Herot a King e hengoen a man raranga hatei tara manka te katoe e Iesu.

Matiu 28:15

Ba u soldia e lueier a moni me katoer a ka ti ranga meraien tegi katoeien. Na nonei u raranga teka ti hatei rai u Jiu hoboto nonei tara pöata bate la nama na e hatei noahas naren i romana.

Matiu 4:24

Ba u katunura tara mamana han hoboto tara provins i Siria e hengo ner a toukui na u hihatuts te katoe e Iesu. Ba nori e la merarima u katuun hoboto ti ka mei a mamana mar siki, u katuun ti sagohi a mamana mar kamits, na u katuun u popolöana, nu katuun u kotskotsibong, nu katuun u matekata. E Iesu e kato haniga hoboto pouts raien.

Matiu 9:26

Ba u bulungana tara ka teka e tasata uana tara mamana han.

U Bulungana u Niga tere Iesu Kristo te kolotein e Mak 1:28

Ba mamanaka te katoi e Iesu e tasata boroboro tuun uana tara mamana han hoboto i Galili.

U Bulungana u Niga tere Iesu Kristo te kolotein e Mak 7:36

Be Iesu e ranga hatagalana i taren, tegima hahatei uaien, kaba nori ina hahatei noahas.

U Bulungana u Niga tere Iesu Kristo te kolotein e Luk 4:14

E Iesu e kopis pouts uu tara provins i Galili na nitagala turu Namnamei u Göagono e kaia i tanen. U katuun turu han hoboto ti sukusuku i hengo naien.

U Bulungana u Niga tere Iesu Kristo te kolotein e Luk 4:37

Ba u bulungana te hatein a manka te katoe e Iesu te taala hamanasa uana tara mamana han i rehina i Kapenium.

U Bulungana u Niga tere Iesu Kristo te kolotein e Luk 5:15

Kaba u bulungana te hatein a manka te katoe e Iesu e tasata uu i lehana. Ba u katuun u parpara e la sile rima tegimi hengo uaien na tego kato haniga pouts meraien man siki i taren.

U Bulungana u Niga tere Iesu Kristo te kolotein e Luk 7:17

Ba u raranga te hatein e Iesu e la hobotona tara provins i Judia na tara man han i sukusuku.