Matiu 9:22 - U Bulunagana U Niga

²² Be Iesu e habiritsina me tara uana i tanen me poeiena, “E nigana, u nihamana i tamölö e kato haniga poutse lalou lö.” Ba nonei tara tsi pöata puku has teka ba tahol e niga poutsuna.

Matiu 9:22 Iomraidhean Croise

Matiu 15:28

E Iesu e atei sil temar hakats uu a tahol teka. Ba Nonei e ranga palisenen me poeiena, “U nihamana i tamölö e tagala koruna. Na ka te ngile mölö e butu hamanasana.” Ba pien tahol i tanen e niga pouts hamanasa hasina.

Matiu 17:18

Be Iesu e tsuga barena u liliahanei u omi ti kaia tara pien, ba nonei tara tsi pöata puku noahas ba pien tson e niga poutsuna.

Matiu 8:13

Be Iesu e poeiena tara tsunono turu soldia, “La tala. A ka ena mar butu has benoi lö turu mar nihamana i tamölö.” Ba nonei tara tsi pöata puku has teka ba katunun kui i tanen e niga poutsuna.

Matiu 9:2

Ba u katuun e söata menarimei a katuun a matekata i tanen, e opöma tara pöapöa. A pöata te tareia e Iesu u nihamana i taren, ba nonei e poeiena tara katuun a matekata, “A tsi pien, a torimölö e tatei tagolala poutsuna. A man markato a man omi i tamölö e luba hakapa nalila.”

Matiu 9:29

Ba nonei e sebeleiena a mataren me poeiena, “E tatei mar butu uana turu nihamana i tamilimiou.”

U Bulungana u Niga tere Iesu Kristo te kolotein e Mak 10:52

Be Iesu e poeiena i tanen, “La tala. A nihamana i tamölö e kato haniga poutse lalou lö.” Ba i murina pouts te rangaia e Iesu banonei te tara sokö pouts hasina, ba nonei e kukuteiena e Iesu i kalana.

U Bulungana u Niga tere Iesu Kristo te kolotein e Mak 5:34

Be Iesu e poeiena i tanen, “A tsi tahol, a nihamana i tamölö e kato haniga poutse lalou lö. La talala, na torimölö e tatei tagolala poutsuna. A siki i tamölö e kapa.”

U Bulungana u Niga tere Iesu Kristo te kolotein e Luk 17:19

Be Iesu e poeiena i tanen, “Takei, balö te lam. A nihamana i tamölö te kato haniga poutse lalou lö.”

U Bulungana u Niga tere Iesu Kristo te kolotein e Luk 18:42

Be Iesu e poeiena i tanen, “Bara, alö go tara pouts! A nihamana i tamölö te kato haniga poutse noulö.”

U Bulungana u Niga tere Iesu Kristo te kolotein e Luk 7:50

Be Iesu e poeiena tara tahol, “U nihamana i tamölö e lu poutse lalou lö! La tala, a torimölö e tatei tagolala poutsuna.”

U Bulungana u Niga tere Iesu Kristo te kolotein e Luk 8:48

Be Iesu e poeiena i tanen, “A tsi tahol, a nihamana i tamölö e kato haniga poutse lalou lö. La tala, na torimölö e tatei tagolala poutsuna.”

U Bulungana u Niga tere Iesu Kristo te kolotein e Jon 4:53

Ba tson e atei soköna, nonei lasi tara pöata teka te rangama e Iesu bate poeiena, “A pien i tamölö e töatöana na e niga poutsuna.” Ba nonei a tson na hun katuun hoboto i tanen e hamana uar tere Iesu.

Aposol 14:9

Nonei e hahengoia turu raranga te katoe e Pol. Pol e tari a katuun teka e kamei a nihamana te antunaia tegi kato haniga pouts menaien.

Aposol 16:18

A tahol teka e kato nitöa las uu teka turu mamana u lan. E Pol e sökana koru mei te rangan töa uu a tahol ba nonei e habiritsina me poeiena tara liliahanei, “Alia e ranga megou lö tara solona e Iesu Kristo, alö go koul ban a tahol teka.” Ba nonei tara tsi pöata puku has ba liliahanei e laba nanen.

Hibru 4:2

U Bulungana u Niga e la uama i tarara, temar la has uamen turu katuun teka i manasa. Nori i hengoe u bulungana, kaba u raranga teka ema taguhu raien, taraha nori i hengo papala tuneien bate hahamanar.