Matiu 9:2 - U Bulunagana U Niga

² Ba u katuun e söata menarimei a katuun a matekata i tanen, e opöma tara pöapöa. A pöata te tareia e Iesu u nihamana i taren, ba nonei e poeiena tara katuun a matekata, “A tsi pien, a torimölö e tatei tagolala poutsuna. A man markato a man omi i tamölö e luba hakapa nalila.”

Matiu 9:2 Iomraidhean Croise

Matiu 14:27

Be Iesu e ranga boroboro uana i taren me poeiena, “Alia ba. Möa tu matout iam!”

Matiu 4:24

Ba u katunura tara mamana han hoboto tara provins i Siria e hengo ner a toukui na u hihatuts te katoe e Iesu. Ba nori e la merarima u katuun hoboto ti ka mei a mamana mar siki, u katuun ti sagohi a mamana mar kamits, na u katuun u popolöana, nu katuun u kotskotsibong, nu katuun u matekata. E Iesu e kato haniga hoboto pouts raien.

Matiu 6:12

Alö go hapolasema u kato homi i tamulam te hapolasa has menamilam u kato homi ti katoeia u katuun i tamulam.

Matiu 8:10

Pöata te hengoeia e Iesu u raranga teka ba nonei e asingoto koruna. Ba nonei e ranga meraiena u katuun ti kukutieien me poeiena, “Alia e ranga hamana koru meragou limiou, alia uma sabie mei ta töa ta mar katuun teka i Israel tega kamei u mar nihamana te kamena a tson teka.

Matiu 8:16

Ba tara lahibong ba nori ena piou raria u katuun u para ti kamei u liliahanei, tere Iesu. Ba nonei e ranga tununa me tsuga baraiena u liliahanei u omi i taren. Ba nonei e kato haniga pouts has rena u katuun hoboto ti kamei a siki.

Matiu 9:22

Be Iesu e habiritsina me tara uana i tanen me poeiena, “E nigana, u nihamana i tamölö e kato haniga poutse lalou lö.” Ba nonei tara tsi pöata puku has teka ba tahol e niga poutsuna.

Matiu 9:5

Alimiou ema hanigami te poei mena gulei lia, ‘A markato a omi i tamölö e luba nalila?’ Tsi alia go pei aha? ‘Alö go takei bate lam?’

Matiu 9:6

Alia e haröto ragi limiou u mirakol teka, alia tu butun Katunuma e ka has megu a nitagala i puta teka tego luba menai lia a man markato a man omi.” Be Iesu e poeiena tara katuun a matekata, “Alö go takei bate söatem a pöapöa i tamölö ba lö te lam i han.”

U Bulungana u Niga tere Iesu Kristo te kolotein e Mak 1:32

Ba tara lahibong ba u katuun e la mera ruma u katuun u siki na u katuun ti kamei u liliahanei.

U Bulungana u Niga tere Iesu Kristo te kolotein e Mak 10:49

Be Iesu e tuoluna me poeiena, “Ngöe muma.” Ba nori e ngöeier a katuun a matakiou me poeier i tanen, “Nigana ba! Takei tala. Nonei e ngöe noulö.”

U Bulungana u Niga tere Iesu Kristo te kolotein e Mak 5:34

Be Iesu e poeiena i tanen, “A tsi tahol, a nihamana i tamölö e kato haniga poutse lalou lö. La talala, na torimölö e tatei tagolala poutsuna. A siki i tamölö e kapa.”

U Bulungana u Niga tere Iesu Kristo te kolotein e Mak 6:50

Nori hoboto i tareien ba nori e matout korur. Be Iesu e ranga mera nen, “Ma matoutmi. Alia ba.”

U Bulungana u Niga tere Iesu Kristo te kolotein e Jon 16:33

Alia e mar ranga uagula teka ba masalohana i tar te tatei ka gono mera nou limiou. E manana, a markatona i puta teka e habute nou romana u nikamits i tamilimiou, kaba limiou go tagalaiam, taraha alia u la karasa hakapi a markatona i puta.”

U Bulungana u Niga tere Iesu Kristo te kolotein e Jon 2:25

E möa ta katuun ga hatei ien ime te markato uana a torir u katuun. Taraha, nonei e atei sil aha te kaia i torir u katuun hoboto.

U Bulungana u Niga tere Iesu Kristo te kolotein e Jon 21:5

Ba nonei e poeiena i tamulam, “A galapien, alimiou e sooho hase muma ta iena?” Ba lam e poeiem, “E möa.”

Aposol 14:9

Nonei e hahengoia turu raranga te katoe e Pol. Pol e tari a katuun teka e kamei a nihamana te antunaia tegi kato haniga pouts menaien.

Aposol 19:12

U hangitsip tsi u labalaba te sebeli a tuenreina e Pol i söata menai turu katuun ti siki ba man siki taren te laba ranen, na u liliahanei u omi i koul ba hasir u katuun bate lar.

Aposol 23:11

Ba tara bong ba Tsunono e tuolna i rehina e Pol me poeiena, “Möa tu matout. Alö tu hatei nama lia i Jerusalem, alö ena markato has uamou teka i Rom.”

U pas te koloto menai e Pol turu kristenira i Rom 5:11

Ba ra te soloseiera e Sunahan bate sasaalara, taraha a Tsunono i tarara e Iesu Kristo te putin tegi ka haniga pouts gono menaira e Sunahan.

Jemis 2:18

A töa katuun e tatei poeiena, “A palai e hamana hanigar na palai e kamer a markato a niga.” Kaba, te hamana mia lö batema kamemi ta markato ta niga, ga ime temar atei sil megoi lia u nihamana i tamölö? Kaba, alö e tatei tara sila namia te hamana haniga uagu lia, tara markato i tar.