Matiu 9:18 - U Bulunagana U Niga

¹⁸ Pöata te ranga noa naien a manka teka, ba töa tson pepeito turu Jiu e tasu nama me hatukunna i matanen me poeiena, “A pien tahol i tar e mate lala eni tuun. Kaba lö gona hatakopeia a limamölö i tanen ba nonei te töatöa poutsuna.”

Matiu 9:18 Iomraidhean Croise

Matiu 14:33

Ba u katunun tsitsilo ti kaia tara tolaala e hatsunoner e Iesu me poeier, “U mana koru, alö a Pien Tson tere Sunahan!”

Matiu 15:25

Kaba a tahol e lama memi hatukunna i matanen me poeiena, “O Tsunono, taguhe moulia!”

Matiu 17:14

Pöata ti la uamen turu katuun, ba töa katuun e la uanama tere Iesu, me hatukunna i matanen me poeiena, “O Tsunono, alö go taatagi nema a pien tson i tar! Nonei e roron kotskotsibonguna na peisanen e omi koruna, na nonei e roron rus uana turu tula na iahana ramun.

Matiu 20:20

Be tsinar a galapien tson tere Sebedi e la uarima tere Iesu na huol a pien tson i tanen, be tsinaren e hatukunna i matana e Iesu, me rangata nena tega haniga mei e Iesu u ngilngil i tanen.

Matiu 28:17

Ba nori e tareier e Iesu me hatsunone ren, kaba palai i tareien me hula hakatsir.

Matiu 8:2

Ba töa katuun te kamei a toba e la nama memi hatukunna i matanen me poeiena, “O Tsunono, te ngil mialö, balö te tatei kato hagogose mumoulia.”

Matiu 8:25

Ba u katunun tsitsilo ena gulie ren me poeier, “O Tsunono, alö go taguhu ramou lam! Ara e katsin ruku hamanasa talara!”

Matiu 9:17

Na tegi osuleia uain u tsimus tara pikpiköna meme a toutounei. Ba pikpiköna meme te takalana ba uain te tatsuna ba pikpiköna meme te omi hasina. Kaba te osule mialö a uain a tsimus tara kaan osul a tsimus, ba huol te ka haniga habotor.”

Matiu 9:19

Be Iesu e takeina me la gono menen na u katunun tsitsilo has i tanen.

Matiu 9:24

Ba nonei e poeiena, “Laiam. A pien tahol ema mate nei. Nonei e soho tununa.” Pöata ti hengoeien temar ranga uu e Iesu teka, ba nori e golgol sileren.

U Bulungana u Niga tere Iesu Kristo te kolotein e Luk 13:14

Ba tson pepeito tara luman lotu e raharahena e Iesu te kato haniga pouts menaien a tahol turu Lan u Göagono. Ba nonei e poeiena turu katuun, “Ara e ka mera u tönomo u lan tegi kui meira. Alimiou e tatei la muma nonei tara man lan teka ba siki temi kato haniga poutseier, kaba turu Lan u Göagono e möa!”

U Bulungana u Niga tere Iesu Kristo te kolotein e Luk 18:18

Ba töa katuun pan turu Jiu e rangatena e Iesu, “O Tson Hihatuts a niga, aha tego kati lia bate luegou a nitöatöa te ka nitöana?”

U Bulungana u Niga tere Iesu Kristo te kolotein e Luk 7:2

A töa katuun pan turu soldia e kaia i Kapenium. Nonei e ka mei a tsonun kui te ngil bala korueien. A tsonun kui i tanen e ka mei a siki pan me katsin matena.

U Bulungana u Niga tere Iesu Kristo te kolotein e Jon 11:25

Be Iesu e poeiena i tanen, “Alia nonei a nitakei pouts turu katuun na nitöatöa. Esi te hamana uana i tar, noahasina te mate uaren romana, kaba nori ena töatöa pouts has riou romana.

U Bulungana u Niga tere Iesu Kristo te kolotein e Jon 11:32

Pöata te tukuia e Maria te kaia e Iesu me tare nen ba nonei e hatukun na i matanen me poeiena, “O Tsunono, sanena lö tu kaia teka, e hahinar sanena ema antunan mate ii!”

Aposol 13:15

I murina ti rit hakapeia u ranga tara Lo tere Mosis na palaina u raranga turu propet, ba tsunono na turu lotu e tuoluna me poeiena, “A matsi hatoulana, te ka memia limiou ta tsi rangan hitaguhu turu katuun, ba limiou te tatei hatei namen.”

Aposol 28:8

Tara pöata teka e tamana e Publius e opö mei a peisanen e lolanga mei a siki na e ka has mei u purus. Be Pol ena tare nen me singo uana tere Sunahan. Ba nonei e hatakopena a limanen i tanen me kato haniga poutse nen.