Matiu 9:15 - U Bulunagana U Niga

¹⁵ Ba e Iesu e ranga palis ranen me poeiena, “U katuun te karia tara hahitöl, e tatei taatagi hasir tara pöata te kagono merien a tson te hitöluna? Kaba e kamena a man lan e la nama romana ba tson te hitöluna te luba rarien. Ba nori te töan agonor romana.”

Matiu 9:15 Iomraidhean Croise

Matiu 9:14

Tara pöata teka ba u katunun tsitsilo tere Jon a Tsonun Baptais e la uarima tere Iesu memi poeier, “Taraha tsiponi ba lam na u Parasi te roron agono nem a kannou te singo uamulam tere Sunahan, ba u katunun tsitsilo i tamölö tema agonori?”

Matiu 9:16

Be Iesu e poeiena, “A katuun ema tatei hasamapenei a makumun labalaba a tsi tsimus tara tabutu turu labalaba u toutounei. Te markato uanen teka ba pöata te galuse rien ba makumun labalaba a tsimus te roropitsina bate takis ba nena a makumun labalaba a toutounei, ba tabutu te pan koru len talanou.

U Bulungana u Niga tere Iesu Kristo te kolotein e Mak 2:19

Be Iesu e poeiena i taren, “Tara pöata te katoeria a hitöl, ba tson te katsin hitölina te kana, a pala tara tson ema tatei agonori. E möa. Tara pöata te ka noana a tson te katsin hitöluna tara kannou, a pala tara tson tema antunan agonoroi.

U Bulungana u Niga tere Iesu Kristo te kolotein e Mak 2:20

Kaba te luba tala naroua a tson te katsin hitöluna, ba pala i tanen te töan agono riou nonei tara pöata.”

U Bulungana u Niga tere Iesu Kristo te kolotein e Luk 17:22

Be Iesu e poeiena turu katunun tsitsilo, “E ka menou a pöata i murimuri te ngilin tara koru namoia limiou alia turu töa u lan, alia tu butun Katunuma, kaba alimiou ema tare moi lia.

U Bulungana u Niga tere Iesu Kristo te kolotein e Luk 5:34

Be Iesu e poeiena i taren, “Tara pöata te hiakökoto gono meria a halis, a tsonun hitöl te kana na pala tara tson ema tatei agonori. E möa.

U Bulungana u Niga tere Iesu Kristo te kolotein e Luk 5:35

Kaba a pöata e la nama romana ba tsonun hitöl te luba nariou. Ba pala i tanen te agono riou nonei tara pöata.”

U Bulungana u Niga tere Iesu Kristo te kolotein e Jon 16:6

Kaba limiou e taatagi namou u raranga te hatei ragu lei lia limiou.

U Bulungana u Niga tere Iesu Kristo te kolotein e Jon 3:29

E Iesu e here nei a tsonun tölo na lia e heregi a tsonun hitaguhu i tanen. Pöata te hitöl mena a tson a tahol i tanen, ba tsonun hitaguhu te tuol hatalisina bate sasaala koruna te hengo mena neien u ranga tara tsonun tölo. Te markato uanen teka ba lia te sasaala koru hasigu.

Aposol 14:23

Tara mamana taun i murina ti hopö kap hakapa raien u katunun pepeito kap i taren ti hamana uu tara Tsunono. Ba nori e agono ner a kannou me singo sil raren, me haka rarien tara nipepeito kap tara nitagala tara Tsunono tega tatei tara kap raien.

1 Korin 7:5

Möa tu peits nai a hahikapien i tamölö a peisamölö, kaba turu hia hanhaniga i tamilimiou ba limiou tema tatei hiakaka gono bumi bate singo hatagala uamiou tere Sunahan, ba limiou te töan ka gono pouts lel mou. E Satan ena mots torohana ranou limiou bate tara haroho miou.

2 Korin 11:27

Alia u kamits koru mei a toukui pan i tar. A para a bong alia u namala soho ii. Alia u bes koru na u maka koru has. Tara parpara a pöata alia uma kamei ta kannou na tu hasobö na ta makumun soho.

Revelesin 19:9

Ba nonei a angelo e poeiena i tar, “Alö go kolotein a ka teka: U katuun ti hangö merai tara kannouna tara hitöl tara Tunan Sipsip egi sasaala!” Ba nonei e pei hasena, “Nonei u raranga hamana tere Sunahan teka.”

Revelesin 21:2

Ba lia e taregu a Taun a Göagono, a Jerusalem a tsimus, bate koul nama i Kolö te kana e Sunahan. Nonei e tara haniga here ii a tahol te hitöl mena a tson i tanen bate haseiena a man hasobö a man niga.