Matiu 9:11 - U Bulunagana U Niga

¹¹ Ba pöata ti tareia u Parasi a ka teka ba nori e poeier turu katunun tsitsilo tere Iesu, “E hana ba Tson Hihatuts i tamilimiou te nou gono meraiena u katuun te luluer a takis na u palair u katuun u omi?”

Matiu 9:11 Iomraidhean Croise

Matiu 11:19

Na lia tu butun Katunuma e nougu na e uagu. Kaba nori e poeier alia a katuun a nounou pala, na uaua pala. Na e kapiena has raiegu u katuun te lulueier a takis na u katuun u omi. Kaba a man markato turu katuun tere Sunahan e haröto nena te mana uana a niatei i tanen.”

Matiu 5:46

Aha te hala sile noi e Sunahan u hamatana i tamilimiou, te ngil puku merami limiou u katuun te ngil rariou limiou? U katuun te lulu takisir e markato has uar iesana.

Matiu 9:10

Be Iesu ena nou gono meraiena u katuun u parpara koru ti ron lului a takis na palair u katuun has i luma tere Matiu. Ba nori e gum gono mer e Iesu na u katunun tsitsilo i tanen me nou gono meraren.

U Bulungana u Niga tere Iesu Kristo te kolotein e Mak 2:16

A pöata ti tareia u tson hihatuts tara Lo (ti ngörai u Parasi) e Iesu e nou gono mer u katuun u omi na u katuun ti lului a takis, ba nori e rangata raier u katunun tsitsilo i tanen, “Taraha tsiponi be Iesu te nou gono meraiena u katuun te lulueier a takis na palair u katuun u omi?”

U Bulungana u Niga tere Iesu Kristo te kolotein e Luk 19:7

Ba u katuun ti tari a ka teka e tanian ranga haraharaha hobotor, “A katuun teka ena kana tara luma tara katuun a omi!”

U Bulungana u Niga tere Iesu Kristo te kolotein e Luk 5:30

Ba palair u Parasi na u tson hihatuts tara Lo e tara raren me ranga sil rer u katunun tsitsilo tere Iesu, “Taraha tsiponi ba limiou te nou gono mera miou u katuun te lulueier a takis na palair u katuun u omi?”

Aposol 11:3

Ba nori e poeier, “E hana balö e lauaiem turu luma turu katuun tema Jiu ri, balö tena nou gono mera men?”

Galesia 2:15

E manana ara i tuhanaia turu Jiu na ra ema katuun halhal rei te ngö rari u katuun u omi. E möa.

Hibru 5:2

Nonei a pris teka ema tagala kap nanei a man markato a man omi, taraha nonei a katuun tuun, ba nonei te tuatami na turu katuun ti moa ta niatei na tema kukutieri a maroro tere Sunahan.

2 Jon 1:10

Temi hihatuts nena ta katuun u raranga tema matskö neia turu hihatuts tere Kristo, ba limiou tema tatei lu mena mien i luma i tamilimiou, batema tatei ranga hatami has mia i tanen.