Matiu 8:27 - U Bulunagana U Niga

²⁷ Nori i asingoto koru me poeier, “A saha a mar katuun koru teka? A lomolomo na u ramun e hengo korueren!”

Matiu 8:27 Iomraidhean Croise

Matiu 14:33

Ba u katunun tsitsilo ti kaia tara tolaala e hatsunoner e Iesu me poeier, “U mana koru, alö a Pien Tson tere Sunahan!”

Matiu 15:31

Ba u katuun e asingoto koruner ti hengo menaien ti ranga uu biru, na ti tara meraien u katuun u korus na u katuun tima antunan tataalai i niga pouts, na u katuun u matakiou i tara pouts. Ba nori i soloseier e Sunahan a Tsunonona i Israel.

Matiu 8:10

Pöata te hengoeia e Iesu u raranga teka ba nonei e asingoto koruna. Ba nonei e ranga meraiena u katuun ti kukutieien me poeiena, “Alia e ranga hamana koru meragou limiou, alia uma sabie mei ta töa ta mar katuun teka i Israel tega kamei u mar nihamana te kamena a tson teka.

Matiu 8:26

Ba nonei e poeiena i taren, “U nihamana i tamilimiou e tetenei koruna! Aha te matout memilimiou?” Ba nonei e takeina me abis hatagalena a lomolomo ba ramun e selohona. Ba lomolomo e hanöana, ba ramun e maraha poutsuna.

Matiu 8:28

Pöata te butuien i hapalana Ramun i Galili tara makumun tsiktsikina i Gadara. Ba huol a katuun i kamei a liliahanei e buturima turu kahokaho ti roron kaien, me hitupali mer e Iesu. A huol a katuun teka i hie homi koru batema ron ngileri ta katuun ega silaia tara maroro teka.

U Bulungana u Niga tere Iesu Kristo te kolotein e Mak 1:27

U katuun hoboto i asingoto koru me hia rangrangatar me poeier, “Aha nonei teka? U mar hihatuts u tsimus? A katuun teka e ka mena a nitagala tego ranga meraien u liliahanei ba nori te hengoe ren!”

U Bulungana u Niga tere Iesu Kristo te kolotein e Mak 6:51

Ba nonei e osa gono mera nen tara tolaala ba lomolomo e selohona. U katunun tsitsilo i hatutu koru.

U Bulungana u Niga tere Iesu Kristo te kolotein e Mak 7:37

U katuun hoboto i asingoto koruni a ka teka, ba nori te poeier, “A mamanaka hoboto te katoenen e nigana. Nonei e kato haniga pouts rena u talingatu ba nori te hengo poutsur, na nonei e kato haranga pouts has rena u katuun u biru ba nori te ranga haniga poutsur.”