Matiu 8:2 - U Bulunagana U Niga

² Ba töa katuun te kamei a toba e la nama memi hatukunna i matanen me poeiena, “O Tsunono, te ngil mialö, balö te tatei kato hagogose mumoulia.”

Matiu 8:2 Iomraidhean Croise

Matiu 10:8

Alimiou go kato haniga pouts raiam u katuun te ka mer a siki na ego hatakei pouts has raiam u katuun ti mate. Ba limiou te kato haniga pouts ramiou u katuun u toba bate tsuga ba has ramiou u liliahanei u omi. Alimiou uma hole mi a nihitaguhu alimiou u lu pukpukuemen, na taguhu tala raiam u katuun bate ma luemi ta hihol.

Matiu 13:58

Na nonei ema katoei tu mirakol tu parpara i han i tanen, taraha u katuun i tanen e hahamana naren.

Matiu 14:33

Ba u katunun tsitsilo ti kaia tara tolaala e hatsunoner e Iesu me poeier, “U mana koru, alö a Pien Tson tere Sunahan!”

Matiu 15:25

Kaba a tahol e lama memi hatukunna i matanen me poeiena, “O Tsunono, taguhe moulia!”

Matiu 18:26

Ba katunun pepeitokap e tuhatukun nena i puta be ranga hataatagi tori koruna i tanen me poeiena, ‘Alö go hahaloso noa bum ba lia te palis poutse gou a man haroho hoboto i tamölö.’

Matiu 2:11

Ba nori e tasur iahana luma te kaia a pien na e tsinanen e Maria, mena hatukunur me hatsunono uar tara pien. Ba nori e kalater a man pora i taren me luer a manka a man niga me halerien a pien: a goul na u insens te haatser bate soka hamasi hanigan töana, na u uapi u soksoka.

Matiu 20:20

Be tsinar a galapien tson tere Sebedi e la uarima tere Iesu na huol a pien tson i tanen, be tsinaren e hatukunna i matana e Iesu, me rangata nena tega haniga mei e Iesu u ngilngil i tanen.

Matiu 26:6

E Iesu e kaia i Betani tara luma tere Saimon te ka mam mei a toba be niga poutsuna.

Matiu 28:17

Ba nori e tareier e Iesu me hatsunone ren, kaba palai i tareien me hula hakatsir.

Matiu 28:9

Be Iesu e sabe ranen i maroro me hatsi bongbong ranen. Ba nori e la uarima i tanen, memi pile ria i mounen me hatsunone ren.

Matiu 4:9

Be Satan e poeiena tere Iesu, “Te hatukun moa lö bate hatsunono uaiem i tar, ba lia te hale goi lö a mamana han hoboto teka.”

Matiu 8:1

Pöata te koul putama e Iesu turu pokus ba parpara koru a katuun e kukutie nanen.

Matiu 8:25

Ba u katunun tsitsilo ena gulie ren me poeier, “O Tsunono, alö go taguhu ramou lam! Ara e katsin ruku hamanasa talara!”

Matiu 9:18

Pöata te ranga noa naien a manka teka, ba töa tson pepeito turu Jiu e tasu nama me hatukunna i matanen me poeiena, “A pien tahol i tar e mate lala eni tuun. Kaba lö gona hatakopeia a limamölö i tanen ba nonei te töatöa poutsuna.”

U Bulungana u Niga tere Iesu Kristo te kolotein e Luk 4:27

Na tara pöata tere Ilaisa, a tana propet has, u toba i gonoia i Israel. Kaba e möa noa has ta töa i taren tegi kato haniga poutsi. E Neaman puku lasi na i Siria, tara pala tema Jiu ri.”

U Bulungana u Niga tere Iesu Kristo te kolotein e Jon 9:38

Ba katuun e poeiena, “O Tsunono, alia e hamanagu.” Ba nonei e hatukun na i matana e Iesu.

Aposol 10:14

Be Pita e poeiena, “O Tsunono, e möa koru! Taraha, alia e namala nouegi ta ka ta korkoriana na ta omi.”

Aposol 10:25

Tara pöata te tukuia e Pita, be Konilius e tupale nen me hatukunna i matanen me turu putana.

1 Korin 14:25

Te halakase noa a katuun tema hamananei a man hakats a man omi te hamouse nen, ba nonei te hatukununa bate hatsunono uana tere Sunahan ba nonei te poeiena, “E Sunahan e ka hamanana i gusumilimiou teka!”

Revelesin 19:10

Ba lia e hopöe gia a peisar i puta i mouna angelo me katsin hatsunone gen, ba nonei e poeiena i tar, “E möa tego markato uu lö teka! Alia has a katunun kui tere Sunahan. Na ra u katuun hoboto te pala uara tere Sunahan te pile kap nera u ranga hamana te rangein e Iesu. Alö go hatsunonei e Sunahan. U ranga hamana te rangein e Iesu nonei a mouna a ka te haranga rena u propet tere Sunahan.”