Matiu 8:16 - U Bulunagana U Niga

¹⁶ Ba tara lahibong ba nori ena piou raria u katuun u para ti kamei u liliahanei, tere Iesu. Ba nonei e ranga tununa me tsuga baraiena u liliahanei u omi i taren. Ba nonei e kato haniga pouts has rena u katuun hoboto ti kamei a siki.

Matiu 8:16 Iomraidhean Croise

Matiu 12:22

Ba nori emi piou naria a katuun a matakiou na biru tere Iesu. Be Iesu e kato haniga poutse nen, ba nonei e tarana me ranga pouts hasina.

Matiu 14:14

Be Iesu ena hasunguna me koul ba nena a tolaala. Ba pöata te tara raien u katuun u parpara koru, ba torinen e taatagi koru ranen, ba nonei e kato haniga pouts rena u katuun ti kamei a siki.

Matiu 8:15

Be Iesu e sebeleiena a limanen, ba kamits i bakunen e kapana. Ba nonei e takeina me kato benei e Iesu a tsi kannou.

Matiu 8:33

Ba u katunun taratarakap turu poum e busur. Ba nori ena butu ria tara taun me habulungana ner a ka te butuia tara huol a katuun ti kamei u liliahanei u omi na mamanaka hoboto te butu.

Matiu 9:2

Ba u katuun e söata menarimei a katuun a matekata i tanen, e opöma tara pöapöa. A pöata te tareia e Iesu u nihamana i taren, ba nonei e poeiena tara katuun a matekata, “A tsi pien, a torimölö e tatei tagolala poutsuna. A man markato a man omi i tamölö e luba hakapa nalila.”

U Bulungana u Niga tere Iesu Kristo te kolotein e Mak 5:8

Nonei e markato uu teka taraha e Iesu e ranga hakapa meien, “Koul ba naiam a katuun teka.”

U Bulungana u Niga tere Iesu Kristo te kolotein e Mak 9:25

Pöata te tareia e Iesu a katuun a parpara i piata gögonoma, ba nonei e hakopiseiena a liliahanei me poeiena, “Alö a liliahanei te kato habiruem na te hasiköem a pien teka, alia e ranga megou lö, koul bani balö tema antunan ka lel mia i tanen.”

U Bulungana u Niga tere Iesu Kristo te kolotein e Luk 13:12

Tara pöata te tareia e Iesu nonei a tahol teka, ba nonei e ngöe nen me ranga menen, “A tsi tahol, a siki i tamölö e kapa!”

U Bulungana u Niga tere Iesu Kristo te kolotein e Luk 4:40

I murina te tsirukuia a pitala bu katuun hoboto, a pala i taren ti ka mei a saha mar siki e la mera rimei tere Iesu. Ba nonei e hatakopena a limanen i taren hoboto a man tötöa me kato haniga pouts hoboto ranen.

U Bulungana u Niga tere Iesu Kristo te kolotein e Luk 4:41

A man liliahanei a man omi i lakasa ba hasir u katuun u parpara, me ku hohomir me poeier tere Iesu, “Alö a Pien Tson tere Sunahan!” Be Iesu e ranga hatagala mera nen me hapiou nena tegima tatei ranga uaien. Taraha? Nori i atei sil nonei e Mesaia.

Aposol 5:15

Ba u katuun e söata halakasa merari u katuun ti ka mei a siki i kalana mena hopö rarien tara man inana na man holholasa. Nori i markato uu teka ba pöata te la ma e Pita ba u oho tanen te kopo rena a palai i taren bate kato haniga pouts ranen.