Matiu 7:25 - U Bulunagana U Niga

²⁵ Ba langits te polona bu uolo te la nama, ba lomolomo pan te bahuna, kaba ema antunan gasenoui a luma teka. Taraha a luma i kuieia ioluna u lapo.

Matiu 7:25 Iomraidhean Croise

Matiu 16:18

Na lia e hateie goulö, alö e Pita, a hatu. Na ieluna a hatu teka alia e hatakeiegoa a luman lotu i tar i tanen. Na nitagala tara tou mate ema antunan tagala saluhe ba na nouien.

Matiu 7:24

Be Iesu e ranga lenina me poeiena, “A katuun te hengoena u raranga i tar, bate kukutie nen e here nei a katuun a atei te hatakeia a luma i tanen ieluna u lapo.

Matiu 7:26

Kaba u katuun te hengoer u raranga i tar batema kukute rien, nori e hereri a katuun a tutu te hatakeia a luma i tanen turu kotolana.

Matiu 7:27

Ba langits e polona ba uolo e la nama, ba lomolomo pan e bahuna, be gas harus homin töa nena a luma teka. Ba luma e takupuna be tarura hakapa nitöana.”

Aposol 14:22

Ba nori e hatagala raier a torir u kristen me hala ner u rangan hitaguhu i taren tegi pile hatagala menaien u nihamana i taren tara Tsunono. E Pol mere Barabas i pei hasi, a maroro te lauana tara Nipepeito tere Sunahan e ka mena u hakats u tiama u parpara i tanen.

Epesis 3:17

Na lia e singo sil hasegu e Kristo e tatei kana i torimilimiou, alimiou te hamana mia i tanen. A mouna ka te singo sil korue gulia, turu hakhakats na markato i tamilimiou: alimiou go hiangilngil iam.

Kolosi 2:7

Ba limiou te tuol hakarapoto miou bate hatagala susule muma a mouna u hakats na markato i tamilimiou. Alimiou go atei sil korueiam a markato i tanen bate hamana hatagala mia i tanen, ti mar hatuts merai limiou. Ba limiou te haniga nitöa uamiou i tanen.

Jemis 1:12

A katuun te hamana hanigana tara pöata te butuna a manka man omi i tanen ega sasaala. Taraha, pöata te tagala saluhe nanen a manka man omi, ba nonei tena lue nou a nitöatöa te ka nitöana te ranga hamanein e Sunahan turu katuun te ngil korue ren.

1 Pita 1:5

Na tara nihamana i tamilimiou na nitagala i tanen, nonei e tara kap ranou limiou, e antunana tena lue moua limiou a nihitaguhu teka te hahalosena tegi haröto menaien tara kapakapana a pöata.

1 Pita 1:7

A man torohana teka, e torohana tuneri u nihamana i tamilimiou, bate haröto nena a nimana i tanen. A goul has e tatei omina, kaba nori e nas haramune ren turu tula bate sakeier tega goul hamana uaien. Na e kato has uana iesana, u nihamana i tamilimiou e niga bala nena a goul, kaba e Sunahan ega torohaleien ba limiou te hamana hatagala koru lel miou. Ba pöata te butu nama romana e Iesu Kristo, be Sunahan te haniga ranou limiou bate solosei ranou limiou bate hapan ranou limiou.

1 Jon 2:19

U katuun teka i laba hakapa raioura, taraha nori ima katuun hamana uai tara hun katuun i tarara. Sanena nori ti katuun uu i tarara, nori sanena e ka haniga gono meraioura. Kaba pöata ti laba raienra, ba u katuun e atei sil taleier nori hoboton töa ema katuun uari tara hun katuun i tarara.