Matiu 7:21 - U Bulunagana U Niga

²¹ Be Iesu e rangana me poeiena, “Ema katuun hoboto nei te ranga ria i tar bate poeier ‘O Tsunono, O Tsunono,’ tena tasu roa tara Nipepeito tere Sunahan. Kaba u katuun puku lasi te kukuteier u ngilngil tere Tamar te kana i Kolö tena tasu riou.

Matiu 7:21 Iomraidhean Croise

Matiu 12:50

Eresi te kukutieier u ngilngil tere Tamar i Kolö nori u toular na u hahinar nu tsinar.”

Matiu 16:17

Be Iesu e poeiena i tanen, “O Saimon a pien tson tere Jona, e Sunahan e kalale noulö! Taraha a niatei teka ema hatei nelalei ta katuun tuun. Kaba e Tamar te kana i Kolö te hale nameien lö.

Matiu 18:10

Be Iesu e poeiena, “Alimiou go haneiam möa tu sigaleiam ta töa tara galapien teka. Na lia e hatei ragou limiou, u angelo i taren e tarakapin töa raren te ka rien tere Tamar i Kolö.

Matiu 18:19

Ba lia te hatei hamana koru len ragou limiou, tegi singo sileia ta huol i tamilimiou ta ka i puta teka, bate haniga hoboto naren, ba e Tamar i Kolö te kato beranoi limiou a ka te singo sile milimiou.

Matiu 18:35

“Nonei te markato has meranoi limiou, e Tamar i Kolö tegoma solopala mena milimiou a markato a omi tara palair u katuun, e antunana tena tara pouts ramouen limiou.”

Matiu 19:24

Na lia e hatei lel ragou limiou, ema antuna koru lasnei tega la uu a katuun te kamena a moni a parpara koru tara Nipepeito tere Sunahan, temar kato has uana a kemol te katsin sipina tara tsi tabutu tara salum.”

Matiu 25:10

“Ba pal touhaliou u tutu ena hol karasinir. Ba pöata ti tia noa men, ba tson tegi hahitölini e tukuna. Ba pala ti hahaloso e tasu gono mer a tson ti hahitöli tara kannouna tara hitöl, ba tamana e hapilie ier.

Matiu 25:21

Ba katuun pan i tanen e poeiena, ‘E niga nitöana, alö a tson pepeito kap hamana na lö u kato hanigan töani a toukui i tamölö. Alö u tara kap haniga koruni a matsi topisa koru a mats ka, na lia e ha taratara kap tala nagi lö a mamanaka a pannen. Tasu hongo tala uu tara nisasaala tara katuun pan i tamölö!’

Matiu 26:39

Ba nonei e gamon lana me tuhalakopo nena turu tsiktsiki me singona, “O Tamar, tego antuna ialö, balö te hatongo kap bane milia a kamits teka te katsin butuna i tar. Kaba alö goma kato uai turu ngil i tar. Alö go markato uu turu ngil i tamölö.”

Matiu 26:42

Be Iesu e la hahuol lenina mena singo uana tere Sunahan me poeiena, “O Tamar, tema antunan hatongo kap nami lö a kamits teka na tego sagoho koru menaien lia, balö te kato uem turu ngil i tamölö.”

U Bulungana u Niga tere Iesu Kristo te kolotein e Mak 3:35

Eresi te markato uaier turu ngil tere Sunahan, nori u toular na u hahinar na u tsinar.”

U Bulungana u Niga tere Iesu Kristo te kolotein e Luk 11:28

Be Iesu e ranga palisina me poeiena, “U katuun te hengoer u raranga tere Sunahan bate kukutie ren egi sasaala baba koru.”

U Bulungana u Niga tere Iesu Kristo te kolotein e Luk 13:25

A katuun terena luma e takeina romana bate hapiliena a tamana. Ba limiou tena tuol mia romana ielesala bate ku miou bate poei miou, ‘O Tsunono, kalata berai lam a tamana!’ Kaba nonei e ranga palis ranou limiou romana bate poeiena, ‘Alia ema atei silegi ime te la muma limiou!’

U Bulungana u Niga tere Iesu Kristo te kolotein e Luk 18:25

E palpal koruna tega tasu uu a katunun moni tara Nipepeito tere Sunahan, temar palpal has uana a kemol te katsin sipina tara tabutu tara salum.”

U Bulungana u Niga tere Iesu Kristo te kolotein e Luk 6:46

Be Iesu e poei hasena, “Taraha ba limiou te ngöe milia ‘O Tsunono, Tsunono,’ batema katoemi a manka ti hatei rai limiou?

U Bulungana u Niga tere Iesu Kristo te kolotein e Jon 14:7

Te atei sile mia limiou alia, alimiou e atei sil hasemiou e Tamar. Te taniana i romana alimiou e atei sil tale men na limiou u tara hakape men.”

U Bulungana u Niga tere Iesu Kristo te kolotein e Jon 15:23

A katuun te omie noulia e omi hasena e Tamar.

U Bulungana u Niga tere Iesu Kristo te kolotein e Jon 3:5

Be Iesu e ranga palis uana i tanen me poeiena, “U mana koru alia e ranga mei goulö, tema pose ria a katuun turu ramun na turu namnamei, nonei ema antunan tasu nei tara Nipepeito tere Sunahan.

U Bulungana u Niga tere Iesu Kristo te kolotein e Jon 5:17

Kaba e Iesu e palis raien me poeiena, “Te kato haniga poutse gula lia a katuun e haröto nena e Tamar e kui noana na lia e kui noa hasegu a toukui teka.”

U Bulungana u Niga tere Iesu Kristo te kolotein e Jon 6:40

Nonei koru a ka te ngilena e Tamar, u katuun hoboto te tare riou lia na te hamana uar i tar, nori egina lueiou a nitöatöa te ka nitöana. Na lia e hatakei pouts ragoen romana tara tou mate tara kapakapana pöata.”

U Bulungana u Niga tere Iesu Kristo te kolotein e Jon 7:17

A katuun te ngilin kukuteiena u raranga tere Sunahan e atei sil peise nou u hihatuts teka e la nama tere Sunahan tsi e la peisa nama i tar.

Aposol 14:22

Ba nori e hatagala raier a torir u kristen me hala ner u rangan hitaguhu i taren tegi pile hatagala menaien u nihamana i taren tara Tsunono. E Pol mere Barabas i pei hasi, a maroro te lauana tara Nipepeito tere Sunahan e ka mena u hakats u tiama u parpara i tanen.

U pas te koloto menai e Pol turu kristenira i Rom 12:2

Alimiou goma kukutiemi a markato tara han i puta teka. E möa. E Sunahan e ngilin hala ranei limiou u hakats u tsimus bate habiritsena a torimilimiou ba limiou te atei sile mou u ngil tere Sunahan bate hanigei men, a ka te nigana na ka te sasaala mena e Sunahan na ka te matskö nitöana.

U pas te koloto menai e Pol turu kristenira i Rom 2:13

U katuun te hengo tuun laser a Lo ema matskö ria i matana e Sunahan. E möa. U katuun lasi te kukuteier a Lo, nori te matskö ria i matana e Sunahan.

Epesis 6:6

Alimiou goma tatei kui sil tuun nemi a toukui teka tegi haniga merai limiou u katuun te pepeito kap rariou limiou. E möa. Kaba limiou go kui memien u tori u niga bate kukutie miou u ngilngil tere Sunahan.

Kolosi 4:12

Epapras e hala has mena nei u hanhaniga i tanen i tamilimiou. Nonei e pala has uana i tamilimiou na nonei a katunun kui has tere Iesu Kristo. Nonei e singo hatagalan töa sil ranou limiou, ba limiou te katoe miou a ka te ngilena e Sunahan.

1 Tesalonaika 4:3

E Sunahan e ngilena a torimilimiou na markato i tamilimiou ega gogoso. E markato uana teka ba limiou te ka halehana ba namiou a markatona te tsikolo uar na te lulu tson has uar.

1 Tesalonaika 5:18

Haniga nitöa uaiam tere Sunahan tara mamanaka hoboto te butuna. Taraha, alimiou u katuun tere Iesu Kristo, na e Sunahan e ngilena alimiou go haniga nitöa uaiam i tanen.

Taitus 1:16

Nori e pei laser nori e atei siler e Sunahan, kaba a markato i taren te haröto nena nori ema atei sileri e Sunahan. Nori e hipus korur, na nori ema antunan kato has nari ta ka ta niga. Na u katuun ema ngil koru has rarien.

Hibru 4:6

U katuun ti hengo mami u Bulungana u Niga ima la ii tara hanin husa tere Sunahan, taraha nori i hahamana. Kaba e Sunahan e haniga nena tegi la uu a palair u katuun tara hanin husa i tanen.

Jemis 1:22

Alimiou e namots gamoe miou a peisa milimiou bate hengo papalemiou u raranga teka. E möa. Alimiou go kato hamaneiam a ka te ranga nanen.

1 Pita 2:15

Taraha, e Sunahan e ngilena alimiou go kato hanigaiam bate kato hakakamoto remiou u katuun u tutu te roron ranga homi rariou limiou.

1 Pita 4:2

Te markato tala uanen teka ba limiou tema tatei kato lenemi a markatona turu ngilngilina i puta. E möa. Na turu mamana u lan alimiou go markato las uaiam temar ngil uana e Sunahan.

Revelesin 22:14

U katuun te galuser u hasobö i taren egi sasaala. Nori te tatei tasu ria tara tamana tara taun na e tatei nou ria tara huana u rueina tara nitöatöa.

Revelesin 3:5

Te tagala saluhe moalö, alö ena hasei hase mou u hasobö u hiaka temar hasei uaren. Alia ema antunan busa ba nagoi a solomölö turu bukuna tara nitöatöa. Alia ena hatei nagou a solomölö tere Tamar na u angelo u göagono i tanen.