Matiu 7:11 - U Bulunagana U Niga

¹¹ Alimiou e ka memiou a markato a omi, kaba limiou e hala noa has namiou a manka man niga tara galapien i tamilimiou. Na e Tamamilimiou i Kolö e hala has ranoui limiou a manka a man niga te singo uamia limiou i tanen.

Matiu 7:11 Iomraidhean Croise

Matiu 23:9

Ba limiou tema tatei ngöemi ta töa ta katununa i puta e Tamamilimiou, taraha alimiou e ka memiou a töa puku a Tamamilimiou, te kana i Kolö.

Matiu 7:10

Na esi te tatei hale nei a pien i tanen a kökötsi te singoenen ta iena?

U Bulungana u Niga tere Iesu Kristo te kolotein e Jon 3:16

E Sunahan e taatagi sil koru rema u katuun hoboto me hala nenama a töa koru a Pien Tson i tanen. Na katuun te hamana uana i tanen ema antunan tia noi romana kaba ena ka menou a nitöatöa te ka nitöana.

U pas te koloto menai e Pol turu kristenira i Rom 3:19

Ara e atei silera a mamanaka te ranga nena a Lo tere Mosis e la uana turu katuun te kukuteier a Lo teka. A ka teka e hapiou rena u katuun hoboto te ngilin poeier, “Alia e möa ta markato ta omi.”

U pas te koloto menai e Pol turu kristenira i Rom 3:9

Na lia e hohou rangata leligu, a nikaka turu Jiu e niga bala nena a nikaka turu katuun tema Jiu ri? E möa koru. U katuun hoboto, na u Jiu na pala tema Jiu ri, nori e ka hoboto mer a markato a omi.

U pas te koloto menai e Pol turu kristenira i Rom 8:32

Nonei ema peits hasnai a Pien Tson i tanen, kaba nonei e hala sile meien i puta tegomi mate sil meraien ra hoboto. Te katoe men a ka teka, ba nonei te hala has ranoui ra a mamanaka.

Galesia 3:22

U Buku u Göagono e mar ranga uana teka, a markato a omi e karabus raiena u katuun hoboto i puta tara nitagala i tanen. A ka teka i kato sile ii u katuun te hamana uaier tere Iesu Kristo egi lui a ka te ranga hamanein e Sunahan.

Jemis 1:17

A mamana markato a niga na matskö e tuhana nama iasa. E Sunahan te hala rena men, na nonei te katoe u mamana u alesalana i Kolö. Nonei ema antunan palis nei na ema antunan kukutenei u oho i tanen.

1 Jon 3:1

Tara, e Tamarara e Sunahan e ngil koru ranoura, bate ngö raneira a galapien i tanen. Na u mana koru, ara a galapien hamana koru tere Sunahan. U katunura i puta tema pala uari tere Sunahan ema atei sil has rarira, taraha nori ema atei sil haserien.

1 Jon 4:10

A mouna u ngilngil hamana e mar butu uu teka: ara tima ngil mame ii e Sunahan. E möa. E Sunahan te ngil mam raioura ba nonei e taatagi ranoura me hala nenama a Pien Tson i tanen, tegomi lupouts meraien ra tara man markato a man omi i tarara.