Matiu 6:6 - U Bulunagana U Niga

⁶ Kaba pöata te singo mia lö, alö go tasuia tara rum i tamölö bate hapiliem a tamana balö te singo mia tere Tamamölö tema tareri. Be Tamamölö te tarena a mamanaka te kato hamouse mölö, bate hale noilö u hamatana.

Matiu 6:6 Iomraidhean Croise

Matiu 14:23

I murina te hala kalakala raien u katuun, ba nonei e la sei pepeisa uana turu pokus tena singo uaien. Ba pöata te lahima a ka, ba nonei e ka pepeisana turu pokus.

Matiu 6:18

Ba u katuun tema antunan tara marei ri te agono uamölö. Kaba e Tamamölö puku tema tareri te atei silena te agono uamölö. Nonei has te tarenou a ka te kato hamouse mölö bate hale noilö u hamatana.”

Matiu 6:4

E markato uana teka, alö go hala hamousin a monin hitaguhu i tamölö. Be Tamamölö te tarena a mamanaka, bate hala hasenoi lö u hamatana.”

U Bulungana u Niga tere Iesu Kristo te kolotein e Jon 1:48

Be Nataniel e rangatena e Iesu, “Ime temar atei sil mena milö alia?” Be Iesu e ranga palise nen, “U hakhakats tuun i tar te tare lalou lö i mouna u ruein fik i mamina tena ngöe lala lö e Pilip.”

U Bulungana u Niga tere Iesu Kristo te kolotein e Jon 20:17

Be Iesu e poeiena i tanen, “Möa tu pile kap naiou lia, taraha alia ema la noa gi iasa tere Tamar. Kaba alö go la tara man hahatoulana i tar, u katuun te hamana ria i tar, balö tena hatei ramen alia e la uagu iasa tere Tamar na e Tamamilimiou has. Alia e la uagu tere Sunahan i tar na tere Sunahan has i tamilimiou.”

Aposol 10:30

Be Konilius e poeiena, “U tohats u lan te la hakapa, tara mar pöata teka, alia una singo tara 3 kilok tara lahi. Ba töa katuun e hasogi u hasobö u kankanaha nitöa e songots butuna me tuoluna i matar.

Aposol 10:9

Tara pal söasa turu hamahö ti la noaien i maroro me sukusukun tuku hamanasaria tara taun, be Pita e seina tara makumun roro ieluna luma tena singo uaien tere Sunahan tara söasa.

Aposol 9:40

Be Pita e halakasa hoboto ranen, ba nonei e hatukununa me singo uana tara Tsunono. Ba nonei e habirits uana tara tahol a mate me poeiena, “O Tabita, alö go takei!” Ba tahol e hakalatena a matanen. Ba pöata te tareien e Pita, ba nonei e gum seina.

U pas te koloto menai e Pol turu kristenira i Rom 8:5

Na u ngilngilina i puta e hatakuieiena u hakhakats tara katuun te kukute hasena u ngilngilina i puta. A ka teka nonei a maroro tara tou mate. Kaba u Namnamei tere Sunahan e hatakui hasena u hakats tara katuun te kukutiena u ngilngil tere Sunahan. A markato teka nonei a maroro tara nitöatöa na tara masalohana.

Epesis 3:14

Pöata te hakats nagia lia a manka teka, ba lia te hatukunugu bate singo uagu tere Tamar, nonei te katoe a mamanaka te kana i Kolö na i puta na nonei has te hala raien a man solo.