Matiu 6:2 - U Bulunagana U Niga

² “Hena, te hala namia lö a moni turu katuun te moar ta moni, alö goma katoeien i matar u katuun, te markato uar u katuun u gamogamo iahana luman lotu na i kalana. Nori e kato meri a ka teka i matar u katuun tegi solosei meraien. Na lia e hatei hamana nitöa ragou limiou, nori i lu hakapi u hamatana i taren.

Matiu 6:2 Iomraidhean Croise

Matiu 15:7

Alimiou u katuun u gamogamo! E propet Aisaia e ranga hamana koruia tara markato i tamilimiou, me poeiena, ‘U katuun teka e hatsunono tune ria lia turu ranga tuun i taren, kaba i toriren na turu hakhakats i taren e ka halehana ba koru nariou lia.

Matiu 16:3

Ba tara bongbong, ba limiou te pemiou, ‘A langits e polo nou i romana, taraha u kolö e röröna na e ruruhanana bate tara here nei a langits.’ Alimiou e atei silemiou te mouna uana a mar nitaratara i kolö. Kaba limiou ema atei silemi te mouna uana a man hiharöto tara kapakapana pöata.

Matiu 22:18

Kaba e Iesu e atei sil hakapi u hakhakats u omi i taren, ba nonei e poeiena, “Alimiou u gamogamo! Aha te katsin torohana sile milimiou alia?

Matiu 23:5

“A mamanaka te roron katoe ren e kato silerien tegi tara meraien u katuun. Hena, nori e roron hakits naria a matsi bokis i poleren na i limaren te kamena u raranga tere Sunahan iahanen. Na nori e kato hanigan töa ner a man runguna a man hasobö a man ngahangaha i taren bate tataabala koruna.

Matiu 23:6

Na nori e ron ngilin gum ria turu gumgum tara pal kapan tara pöata tara kannou, na e ron ngilin gum koru has ria turu gumgum u niga koru na i luman lotu.

Matiu 24:51

Ba katuun pan te hahune noen, ba nonei tena haka gono mera neien u katuun u gamogamo. Tara makum tena tabe hohomi rouen bate kutu hakarkarangaker a liho ren.”

Matiu 5:18

Na lia e hatei hamana ragou limiou, u kolö na u puta e tatei kapa nou, kaba e möa ta tsi töa ta tsi makumun raranga tega tia iou tara man Lo, e antunana tara pöata te butu hakapa noa a mamanaka.

Matiu 6:16

“Na pöata te agono mialö, alö goma mataloho ii. Te kato uar u katuun u gamogamo te matalohor bate kato siler u katuun egi tari te agono uaren. Alia e hatei hamana nitöa ragou limiou, nori i lu hakapa ban töani u hamatana i taren.

Matiu 6:3

Kaba pöata te hala namia lö a moni tara katuun te moana ta moni, möa tu hatein a ka te katoena a pal matou i tamölö turu hapalana u ualima.

Matiu 6:5

“Na tara pöata te singo mia limiou, alimiou goma hererami u katuun u gamogamo. Te ngiler u katuun egi tara raien tara pöata te singo rien tara man luman lotu na tara man la hagiono i maroro. Alia e hatei hamana nitöa ragou limiou, nori i lu hakapi u hamatana i taren.

Matiu 7:5

Alö a katuun a gamogamo, alö go luba mamin a makumun palang i matamölö pouts, ba lö te töan tara haniga mou bate luba nem a tsi köahu i matana e toulamölö.

U Bulungana u Niga tere Iesu Kristo te kolotein e Mak 12:39

Nori e ngilin gum has ria turu gumgum tara pal kapan i luman lotu na turu gumgum tara pal kapan tara kannou pan.

U Bulungana u Niga tere Iesu Kristo te kolotein e Mak 7:6

Be Iesu e ranga palis ranen, “E Aisaia e ranga hamana sil raiou limiou i manasa, alimiou u katuun u gamogamo me mar koloto uana teka, ‘U katuun teka e hatsunono meri lia u ranga tuun i taren, kaba a toriren e lehana ba nanou lia.

U Bulungana u Niga tere Iesu Kristo te kolotein e Luk 11:41

Kaba alimiou go hala naim a manka te ka memi limiou tara katuun te möa ta ka, ba limiou te töan gogoso hamana miou.

U Bulungana u Niga tere Iesu Kristo te kolotein e Luk 11:43

“Alimiou u Parasi, a nomi pan e butuna romana i tamilimiou. Alimiou e ngil korue miou ego gum mia turu gumgum tara pal kapan tara luman lotu, na limiou e ngil hase miou u katuun egi hapan raia limiou tara töana.

U Bulungana u Niga tere Iesu Kristo te kolotein e Luk 12:33

Hahol naiam a manka i tamilimiou bate hala namiou a moni turu katuun ti möa ta ka. Alimiou go kui hatagala sileiam a manka tema tatei omiri, a manka man niga na i Kolö te ka nitöana, na u katuun u kopkop ema antunan lue rien romana, ne möa ta kokoros tega kato homieien.

U Bulungana u Niga tere Iesu Kristo te kolotein e Luk 12:56

Alimiou e tatei röto uamiou turu tsiktsiki na i kolö bate atei sile mou ime te mar mouna uanen. Kaba limiou u gamogamo! Taraha ba limiou tema atei silemi te mouna uana a manka te butuna i romana?”

U Bulungana u Niga tere Iesu Kristo te kolotein e Luk 13:15

Ba e Iesu e mar ranga palis mena neien teka, “Alimiou u katuun u gamogamo! Ga limiou e ron la uamiou tara luman bulmakau turu Lan u Göagono bate purese miou a man bulmakau tsi a man rongki i tamilimiou batena haua ramun ramen, boka?

U Bulungana u Niga tere Iesu Kristo te kolotein e Luk 6:24

Kaba a nomi pan e ka uanou i tamilimiou u katuun te ka mer a moni a parpara i romana. Alimiou u lu hakapeiam a pöatan sasaala i tamilimiou.

U Bulungana u Niga tere Iesu Kristo te kolotein e Luk 6:42

Aha te pei mölö tere toulamölö, ‘Alia ego luban a tsi köahu i matamölö’ ba lö tema taremi a makumun ruei i matamölö pouts? Alö a gamogamo! Luba mam bin a makumun ruei te kana i matamölö, ba lö te tara haniga mou bate töan luba nem a tsi köahu i matana e toulamölö.”

U Bulungana u Niga tere Iesu Kristo te kolotein e Jon 13:29

E Judas e roron pepeito kapiin a man moni turu katunun tsitsilo, ba palai e poeier e Iesu e ranga mei e Judas tegona hol menaien a man kana tara kannou, ba palai te poeier nonei e gana hala toumin ta tsi moni turu katuun ti möa ta moni.

U Bulungana u Niga tere Iesu Kristo te kolotein e Jon 5:41

“Alia ema hakats nagi tegi hapan menai u katuun alia.

U Bulungana u Niga tere Iesu Kristo te kolotein e Jon 5:44

Alimiou e mar hamana uamou i me te lu mena mi limiou a nipan te hala nena a taina a katuun, ba limiou tema sake mi a nipan te la nama tere Sunahan a töa puku tega kato hapan raiou limiou.

U Bulungana u Niga tere Iesu Kristo te kolotein e Jon 7:18

A katuun te ranga peisa mena u ngil i tanen e ngilin hapan nena a peisanen. Kaba a katuun te ngilin hapan nena a katuun te haleie men, e ranga hamanana, nonei ema gamo nei.

Aposol 10:2

Nonei e hamanaia tere Sunahan, na nonei na u katuun hoboto i luma tanen i hatsunoni e Sunahan. Nonei e roron hala ni a moni tina taguhu merai u Jiu ti möa ta moni, na nonei e roron singo has uu tere Sunahan.

Aposol 10:31

Ba nonei e poeiena, ‘O Konilius, e Sunahan e hengo hakapi a man singosingo i tamölö, na nonei e hakats kap has nena te roron hala mena milö a moni turu katuun ti möa ta moni.

Aposol 10:4

Be Konilius e tara tötoso nitöa mena a nimatout me poeiena, “O tsunono, aha nonei?” Ba angelo e poeiena i tanen, “U singosingo na nihalhala moni i tamölö, e Sunahan e hengoeien na e tari a manka teka me sasaala menen.

Aposol 11:29

Ba man tötöa man kristen hobotor i Antiok e kitser u ranga tegi hala hapopo naien u monin hitaguhu turu kristenira i Judia.

Aposol 24:17

Be Pol e ranga lenina me poeiena, “Tara man hiningal te la hakapa alia u kaia tara palaina u han, ba lia e töan la pouts uagu i Jerusalem. Alia u la mema u moni tegona taguhu merai lia u katuun ti möa ta ka, na lia u la sil hasi tegona haats uu lia tere Sunahan.

Aposol 9:36

Tara taun i Jopa e kamei a tahol te hamana uu tere Iesu a solonen e Tabita, turu HaGrik nori i ngöeien e Dokas. Tara mamana pöata nonei e roron kato a markato a niga, bate taguhu has rena u katuun ti möa ta ka.

U pas te koloto menai e Pol turu kristenira i Rom 12:8

Te ka memia lö a nitagala tego hatagala menai lö a nihamana tara palai, balö te kato hasemen. Te hitaguhu mia lö tara moni, alö a tatangana. Te tara kap ramia lö a palai, ba lö te hipakoko hanigam batema karousmi. Te taatagi sile mia lö a palai, balö te taguhu ramen bate sasaalam.

1 Korin 13:3

Alia e tatei hala ba negu a mamanaka hoboto i tar, na lia e tatei hala has negu a peisar batena haatser. Kaba tema ngil mena gi lia a taina katuun, a man markato teka ema taguhe noi lia.

Galesia 2:10

Nori i hatei puku railam tego taguhu merai lam u katuun tima kamei taka na ti kaka puku, na nonei koru has u ngilngil i tar.

Epesis 4:28

A katuun a kopkop ega hanöa ban a tou kop bate tanian kuina. Nonei ega kuin a limanen peisa, ba nonei te ka menou a mamanaka bate taguhu hasena a katuun te moana ta ka.

1 Tesalonaika 2:6

Alam ema kui silemi a solo pan te aposol uamulam. E möa. Alam ema ngilemi alimiou go hapan ramou lam na lam ema ngil hasemi a tana katuun ega hapan raiou lam. E möa.

1 Timoti 6:18

Hateiri egi kato haniga bate katoeier a mamana markato a niga. Nori egi tatangana bate hia halhala ner a manka i taren.

Pilimon 1:7

A tsi toular, a torir e sasaala koru me masa mena tu hengo menai lia te ngil koru merami lö u katuun tere Sunahan bate haniga ramen.

Hibru 13:16

Alimiou goma solopalemi tego kato haniga mera milimiou a palair u katuun bate hiatagtaguhu miou. A markato teka e ngil korue nen na e kato hasasaalena e Sunahan.

1 Pita 4:11

A katuun te ka mena a nitagala tega habulungana menaien u raranga, ega habulungana hamatskön u raranga tere Sunahan. Na katuun te roron hitaguhuna ega hitaguhu mei a nitagala te lue nen tere Sunahan. Ba tara mamanaka a solona e Sunahan e hala sei sila naroa tere Iesu Kristo, nonei te ka nitöa mena a nikapan na nitagala tara mamana pöata. U mana.