Matiu 6:10 - U Bulunagana U Niga

¹⁰ Alö gomi tsunone rilam. Alam go maniata uu i tamölö i puta te maniata has uar i tamölö i Kolö.

Matiu 6:10 Iomraidhean Croise

Matiu 12:50

Eresi te kukutieier u ngilngil tere Tamar i Kolö nori u toular na u hahinar nu tsinar.”

Matiu 16:28

Alia e hatei hamana ragou limiou, a palair u katuun te tuolur teka ema antunan materi, e antunana tegi tara menien Alia tu butun Katunuma ena la here gumei romana a king.”

Matiu 26:42

Be Iesu e la hahuol lenina mena singo uana tere Sunahan me poeiena, “O Tamar, tema antunan hatongo kap nami lö a kamits teka na tego sagoho koru menaien lia, balö te kato uem turu ngil i tamölö.”

Matiu 3:2

Ba nonei e poeiena, “Alimiou go palis ba naiam a man markato a man omi. A Nipepeito tere Sunahan e sukusuku hakapa.”

Matiu 4:17

Nonei tara pöata teka, e Iesu e tanian habulunganein a man raranga i tanen ba e poeiena, “Alimiou go palis ba naiam a man markato a man omi! Taraha, a Nipepeito tere Sunahan e sukusuku hakapa.”

Matiu 7:21

Be Iesu e rangana me poeiena, “Ema katuun hoboto nei te ranga ria i tar bate poeier ‘O Tsunono, O Tsunono,’ tena tasu roa tara Nipepeito tere Sunahan. Kaba u katuun puku lasi te kukuteier u ngilngil tere Tamar te kana i Kolö tena tasu riou.

U Bulungana u Niga tere Iesu Kristo te kolotein e Mak 11:10

E Sunahan e kalalena romana a katuun temar pepeito kap uana romana temar pepeito kap uu e tuburara e Devit i manasa. Solosei korue iam e Sunahan!”

U Bulungana u Niga tere Iesu Kristo te kolotein e Mak 3:35

Eresi te markato uaier turu ngil tere Sunahan, nori u toular na u hahinar na u tsinar.”

U Bulungana u Niga tere Iesu Kristo te kolotein e Luk 19:11

Pöata ti hahengo nouaia u katuun tere Iesu, be Iesu e ranga nena u haharuei teka. Taraha, Nonei e susuku hakapaia i Jerusalem, na nori i hakatsin a Nipepeito tere Sunahan e katsin butu hamanasa.

U Bulungana u Niga tere Iesu Kristo te kolotein e Luk 19:38

Ba nori e poeier: “Kalaleiam a king te la menama a solo tara Tsunono! A masalohana ega kaia i Kolö, na solona e Sunahan ega pan koru!”

U Bulungana u Niga tere Iesu Kristo te kolotein e Jon 4:34

Be Iesu e ranga uana i taren me poeiena, “Alia e kato begu a toukui tere Sunahan te tula na moulia, e antunana tena kapa nen. Nonei a kannou i tar teka.

U Bulungana u Niga tere Iesu Kristo te kolotein e Jon 6:40

Nonei koru a ka te ngilena e Tamar, u katuun hoboto te tare riou lia na te hamana uar i tar, nori egina lueiou a nitöatöa te ka nitöana. Na lia e hatakei pouts ragoen romana tara tou mate tara kapakapana pöata.”

U Bulungana u Niga tere Iesu Kristo te kolotein e Jon 7:17

A katuun te ngilin kukuteiena u raranga tere Sunahan e atei sil peise nou u hihatuts teka e la nama tere Sunahan tsi e la peisa nama i tar.

Aposol 13:22

Be Sunahan e tsugena e Sol me hakeiena e Devit a king i taren. Nonei e mar ranga menai e Devit teka: ‘Alia e tara sabiegu e Devit a pien tere Jesi nonei a mar katuun te ngile gulia. A torir e ngil korue nen. Nonei te kukute hanige nou u mamana u ngil hoboto i tar.’ E Sunahan temar ranga uu teka.

Aposol 21:14

Nonei e tagala sil koru tega la uaien ba lam e hanöam me poeiem, “E Sunahan e tatei kato mena neien turu ngil i tanen.”

Aposol 22:14

Ba nonei e poeiena, ‘E Sunahan ti hatsunoni u tuburara e hopö kap naiou lö tego atei sil menai lö u ngil i tanen, na tego tara menai lö a Katuun a Matskö i tanen, na tego hengo menai lö u raranga i rung nen pepeisa.

U pas te koloto menai e Pol turu kristenira i Rom 12:2

Alimiou goma kukutiemi a markato tara han i puta teka. E möa. E Sunahan e ngilin hala ranei limiou u hakats u tsimus bate habiritsena a torimilimiou ba limiou te atei sile mou u ngil tere Sunahan bate hanigei men, a ka te nigana na ka te sasaala mena e Sunahan na ka te matskö nitöana.

Epesis 6:6

Alimiou goma tatei kui sil tuun nemi a toukui teka tegi haniga merai limiou u katuun te pepeito kap rariou limiou. E möa. Kaba limiou go kui memien u tori u niga bate kukutie miou u ngilngil tere Sunahan.

Kolosi 1:13

Taraha, nonei e luba raiara tara nitagala turu kuhil me haka renara tara nipepeito tara Pien Tson i tanen te ngil korue nen.

Kolosi 1:9

Nonei koru a ka, te taniama tara pöata tu hengo naien limiou, alam uma hanöan singo sil rai limiou, tu rangata menai lam e Sunahan ega hatuts raiou limiou bate atei haniga sile miou u ngilngil i tanen. Alam u singo sil hasi tega hala menai u Namnamei i tanen u hakhakats u niga, ba limiou te antunan kato uamou temar ngil uana a Tsunono bate kato hasasaale men. Ba limiou te katoe mou a mamana markato a niga bate atei susul sile miou e Sunahan.

1 Tesalonaika 4:3

E Sunahan e ngilena a torimilimiou na markato i tamilimiou ega gogoso. E markato uana teka ba limiou te ka halehana ba namiou a markatona te tsikolo uar na te lulu tson has uar.

1 Tesalonaika 5:18

Haniga nitöa uaiam tere Sunahan tara mamanaka hoboto te butuna. Taraha, alimiou u katuun tere Iesu Kristo, na e Sunahan e ngilena alimiou go haniga nitöa uaiam i tanen.

Hibru 1:14

U angelo u saha u mar katuun? Nori hoboto a man namnamei te kui beier e Sunahan. Nonei e hala sil rameien tegi taguhu meraien u katuun te katsin lu pouts rena e Sunahan.

Hibru 10:36

Alimiou go hamana hatagala koruiam bate kukute miou u ngil tere Sunahan ba limiou te lue miou a ka a niga te ranga hamana naien.

Hibru 10:7

Na lia e mar ranga uagu teka, O Sunahan, alia i la sile ma tegomi kato menai lia u ngil i tamölö, ti mar koloto has menaien turu bukuna tara Lo.

1 Pita 2:15

Taraha, e Sunahan e ngilena alimiou go kato hanigaiam bate kato hakakamoto remiou u katuun u tutu te roron ranga homi rariou limiou.

1 Pita 4:2

Te markato tala uanen teka ba limiou tema tatei kato lenemi a markatona turu ngilngilina i puta. E möa. Na turu mamana u lan alimiou go markato las uaiam temar ngil uana e Sunahan.

Revelesin 11:15

Ba hatohitina angelo e pihena a tuhil i tanen. Ba u raranga u panina i Kolö e poeiena: “A Tsunono i tarara na e Mesaia i tanen e tsunono hamanasa ner u han hoboto i puta, ba nonei te tsunono nitöa nou tara mamana pöata!”

Revelesin 12:10

Ba lia e hengoegu u töa u raranga panina i Kolö te pei: “E Sunahan e sakahis hamanasa rena u katuun i tanen na e haröto has nena a nitagala i tanen. Nonei a Tsunono Pan. Na e Mesaia has i tanen e haröto nena a nitsunono i tanen. Taraha? Nori i lapo ba hakapa nama a katuun a omi i Kolö te roron hahatein u hahatoulana i tarara i matana e Sunahan tara mamana pöata.

Revelesin 19:6

Ba lia e hengoegu a ka te ling here ii u ranga tara hun katuun pan. E olongo here ii u tasi na e tsipöho here hasi u gururu. Ba nori e poeier: “Soloseiem e Sunahan a Tsunono i tarara te tagala saluhena, na te tsunono panina.

Revelesin 20:4

Ba lia e taregu a man gumgum a man göagono na u katuun ti gum ia i taren. I hala rai a nitagala tegi ona meraien u katuun. Ba lia e tara hasegu a namnameir u katuun ti ngats pagoteir. U katuun teka i roron habulunganein u raranga hamana te rangein e Iesu na u raranga tere Sunahan, na nori ima hatsunone ii a ka a omi a töatöa na u kesa i tanen. Nori ima hatiti hasna ii a hatöatongo tara ka a omi a töatöa i poleren na i limaren. Ba nori e töatöa poutsur me tsunono gono meier e Kristo e antunaia turu 1,000 u hiningal.