Matiu 5:30 - U Bulunagana U Niga

³⁰ Tega kato homieia ualima tara pal matou i tamölö, balö te ngats kotsemen bate ba namen! Taraha, e omi koruna tegi lapo ba menai u tuenrei hoboto i tamölö turu tulana i hel, kaba ema omi bala nei tego tia uu a tsi töa puku a tsi makum turu tuenrei i tamölö.”

Matiu 5:30 Iomraidhean Croise

Matiu 11:6

Na esi a katuun te hamana nitöa uana i tar e sasaala nou!”

Matiu 13:21

Kaba nori ema lu hongo menari u raranga tere Sunahan i taren, ba nori te ka taleier a tsitabubun pöata puku. Ba pöata te omi mera rien u katuun te hamana mena rien u raranga tere Sunahan bate kato hatiamer u hakhakats i taren, ba nori te tori polasa boroboro tuneren.

Matiu 16:23

Be Iesu e habiritsina me poeiena tere Pita, “Lau i murir o Satan! Alö e hatu kap namou lia. Taraha alö ema hakei mia u hakhakats i tamölö tere Sunahan. Alö e ka lasmem u hakatsin a katuun tuun!”

Matiu 17:27

Kaba, ara ena mots kato haraharaha raiera u katuun teka. Lala i ramun balö tena lase muma ta iena. A iena tutuun tena lase mölö alö na hoso hapange mou a rungunen bate sabie mou a töa a moni, balö tena lue mumen batemi hole mien a takis i tarara.”

Matiu 18:8

Tega kato homieia a limamölö tsi a moumölö alö, balö te ngats kotsemen bate banamen! Taraha, e niga bala nena tego kamei lö u töa puku u ualima, tsi u töa puku u mou, balö te töan luemou a nitöatöa te ka nitöana. Kaba ema niganei tego kamei lö u huol u ualima tsi u huol u mou balö te lapo baneria turu tulana i hel te ka nitöana.

Matiu 22:13

Ba e king e ranga merena u katunun kui i tanen, ‘Kits kap naiam a limanen na mounen ba limiou te lapo ba namien ielesala turu kuhil, tara makum te tabe hohomi nouen bate kutu hakarkarangakena a liho nen.’”

Matiu 25:20

Ba tson pepeito kap te lui a tolima a talen moni, e la nama memi hala nena a moni i tanen me hala gono meneien a tana a tolima a talen moni i tanen me poeiena, ‘O tsunono, alö u hale lei lia a tolima a talen moni i tamölö. Tara! A tana a tolima a talen moni has teka tu lui lia.’

Matiu 26:31

Be Iesu e poeiena i taren, “Alimiou hoboto e matout mou bate laba namou lia i bong teka. Taraha, e Sunahan e mar ranga uu teka turu Buku u Göagono: ‘Alia e atung hamate gou romana a katunun taratarakap ba heis sipsip te bus kalakalar romana.’

Matiu 5:22

Kaba alia e hatei ragou limiou, te raharahe mia lö e toulamölö, alö e la mou turu kout. Na te ranga hohomi koru namia lö e toulamölö, alö e la uamou turu kout pan. Na katuun te ngöe nei e toulanen a momolö ena mots lauana turu tulana i hel.

Matiu 5:29

Tega kato homieia a pal mata tara pal matou i tamölö, balö te hasemen bate ba namen! Taraha, ema niga korunei tegi lapo ba mei u tuenrei hoboto i tamölö turu tula i hel, kaba ema omi bala nei tego tia uu a tsi töa a tsi makum turu tuenrei i tamölö.

U Bulungana u Niga tere Iesu Kristo te kolotein e Mak 9:43

Na tega kato homieia lö a limamölö, ngats kotsi balö te ba namen. E niga bala nena tego kamei lö u ualima u korus balö te lueiem a nitöatöa te ka nitöana. Kaba e omi koruna tego ka menai lö u huol u ualima balö te lauam tara hanin hahuna i hel, turu tula tema antunan hoso nari.

U Bulungana u Niga tere Iesu Kristo te kolotein e Luk 12:5

Alia e hatei ragi limiou esi tego matouteiam limiou: alimiou go matouteiam e Sunahan. Taraha? Nonei e antunan kato hamatiena u tuenrei, na nonei e ka has mena a nitagala tego lapo ba meraien u katuun i hel! Aa, alia e ranga mera goulimiou, nonei tego matouteiam limiou!

U Bulungana u Niga tere Iesu Kristo te kolotein e Luk 17:2

Kaba tega kato homieia ta katuun ta töa tara galapien teka te hamana uaier i tar ba pien te kato homina, e niga balana tegi kits menai ta hatu pan i totongolona a katuun teka batena harukue ria i loul!

U pas te koloto menai e Pol turu kristenira i Rom 9:33

Ti mar koloto has menaien turu Buku u Göagono: “Tara. Alia e hake gou a hatu i Saion, a hatu te tutu ranoua u katuun. Ba u katuun te hamana ria romana i tanen tema tatei hamatsingolo raroien.”

1 Korin 8:13

Te kato homie na a markato tara kannou e toular, alia ema tatei nou lenegi u benö. Alia ena mots kato homiegi e toular a markato tara kannou teka.

Galesia 5:11

A matsi hahatoulana i tar, tego hatei noahas merai lia u katuun egi hapö, ba taraha tsiponi ba nori te kato homi noahas ria i tar? Na tego hatei merai lia u katuun egi hapö, bara ba u raranga tara kuruse tema tatei kato homie nei u hakhakats i taren.

1 Pita 2:8

Na tana makum turu Buku u Göagono e mar ranga has uana teka, “Nonei a hatu teka te tutu ranoua u katuun.” U katuun te tutu rana tara hatu e haharuei ner u katuun te tori hasoalaner e Iesu, taraha nori ema kukutieri u ranga. Nori e markato uaier teka ti mar hopö kap noahas meraien i manasa.