Matiu 5:22 - U Bulunagana U Niga

²² Kaba alia e hatei ragou limiou, te raharahe mia lö e toulamölö, alö e la mou turu kout. Na te ranga hohomi koru namia lö e toulamölö, alö e la uamou turu kout pan. Na katuun te ngöe nei e toulanen a momolö ena mots lauana turu tulana i hel.

Matiu 5:22 Iomraidhean Croise

Matiu 10:17

Haneiam, u katuun ena pile kap rariou limiou bate lu mera rilimiou turu kout, ba nori tena lahus raroua limiou turu luman lotu i taren.

Matiu 10:28

Na limiou goma matout rami u katuun te atung hamateier u tuenrei, nori ema atung hamatieri u namnamei. Kaba limiou go matouteiam e Sunahan, nonei te antunan kato homi nitoeiena u tuenrei na u namnamei i hel.

Matiu 12:24

Pöata ti hengo naia u Parasi a ka teka ba nori e poeier, “Tara nitagala tere Belsebul, a tsunono turu liliahanei, ba nonei te antunan tsuga bara lala u liliahanei u omi.”

Matiu 17:5

Tara pöata te ranga noaien, bu köasi u alesala koru emi hoho ranen ba u töa u raranga e butu nama turu köasi me poeiena, “Nonei a Pien Tson a tsomi koru i tar teka. Alia e haniga korue gen. Alimiou ego hengoe men!”

Matiu 18:21

Be Pita e la uanama tere Iesu me rangatenen, “O Tsunono, a lahisa pöata tego ranga hataatagi ia lia tere toular bate solopalena a markato a omi i tanen, bate tara poutse noulia? Ega para hapopoia tara tohit a pöata?”

Matiu 18:35

“Nonei te markato has meranoi limiou, e Tamar i Kolö tegoma solopala mena milimiou a markato a omi tara palair u katuun, e antunana tena tara pouts ramouen limiou.”

Matiu 23:15

“Alimiou u tson ateira tara lo na u Parasi, alimiou u gamogamo! Alimiou e roron la koru uamiou turu tsiktsikina i lehana na i tasi, tego kato menami ta töa ta katuun, a katunun tsitsilo i tamilimiou. Kaba pöata te lu sabe tsipone mia limiou a töa, ba limiou te kato tsipone mien a katuun a omi koru tena hahune ria romana i hel. Na limiou e katoe men ba nonei te omi bala koru len ranou limiou.

Matiu 23:33

“Alimiou u katunur tara kökötsi a omi na u gamogamo! E möa koru tego antunan bus ba mena milimiou romana a nihahuna i hel.

Matiu 25:41

“Ba lia te ranga meragou u katuun tara pal keruka i tar, ‘U katuun te hamalir e Sunahan, laba nemou lia ba limiou te la uamiou turu tula te ka nitöana, ti kato hahaloso bei e Satan na u angelo i tanen.

Matiu 26:59

Ba u pris pan na u katuun hoboto ti kaia turu Kout Pan e sakier ta maroro na tu mar gamo tegi kout mei e Iesu bate atung hamateier.

Matiu 3:17

Ba u töa u raranga e butu nama i Kolö me poeiena, “Nonei a Pien Tson koru i tar. Alia e ngil korue gen, na lia e sasaala koru has megen.”

Matiu 5:34

Kaba lia e hatei ragou limiou, alimiou goma hamana uami i Kolö, taraha u Kolö a makum tara nitsunono tere Sunahan.

Matiu 5:44

Kaba alia e hatei ragou limiou, alimiou go ngil raiam u katuun te pakö rariou limiou, ba limiou te singo sile miou u katuun te kato hakamits rariou limiou.

U Bulungana u Niga tere Iesu Kristo te kolotein e Mak 14:55

U pris pan na u katuun hoboto ti kaia turu Kout Pan i sake tu ranga tegi kout mei e Iesu bate atung hamateier. Kaba nori ima sabiei ta ka.

U Bulungana u Niga tere Iesu Kristo te kolotein e Mak 15:1

Tara bongbong koru ba u pris pan na pal kapan na u tson hihatuts tara Lo na u katuun hoboto turu Kout Pan e hagumur. Ba nori e kits kap ner e Iesu me la meren mena hala narien tere Pailat a gamman.

U Bulungana u Niga tere Iesu Kristo te kolotein e Luk 12:5

Alia e hatei ragi limiou esi tego matouteiam limiou: alimiou go matouteiam e Sunahan. Taraha? Nonei e antunan kato hamatiena u tuenrei, na nonei e ka has mena a nitagala tego lapo ba meraien u katuun i hel! Aa, alia e ranga mera goulimiou, nonei tego matouteiam limiou!

U Bulungana u Niga tere Iesu Kristo te kolotein e Luk 22:66

Tara bongbong ba u tsunono turu Jiu na u pris pan nu tson hihatuts tara Lo e gono hobotor, be Iesu e lu menari turu hagum i taren.

U Bulungana u Niga tere Iesu Kristo te kolotein e Jon 11:47

Ba u Pris pan na u Parasi e ngö gögono rer a pal kapan turu Kout Pan turu Jiu ba nori e poeier, “Aha te katoe rou ra? A katuun teka e katoena a man hiharöto a man para!

U Bulungana u Niga tere Iesu Kristo te kolotein e Jon 15:25

Nori e markato uar teka ba u raranga ti koloto naia turu Buku u Göagono te manana te poeiena, ‘Alia uma katoi taka ta omi, kaba nori i omi noa haseiou lia.’

U Bulungana u Niga tere Iesu Kristo te kolotein e Jon 7:20

Ba u katuun e ranga palise ren me poeier, “Alö e momolö korum! E möa ta katuun tega ngilin atung hamate naiou lö!”

U Bulungana u Niga tere Iesu Kristo te kolotein e Jon 8:48

Ba u Jiu e poeier i tanen, “Alam ema gamo mi te pei mena milam alö a toun Samaria, na lö e kamem a liliahanei!”

Aposol 17:18

Nonei e hiararanga gono has mer u tson hihatuts turu huol u mar hihatuts ti ngöe ii u Epikurian na u Stoik. Ba palai e poeier, “Aha nonei te ranga nena a katuun a borera teka?” Ba palai e poeier, “Nonei e ranga toum nena a tana got halhal.” Nori i mar ranga uu teka, taraha e Pol e hatei raien e Iesu me poeiena nonei e takei poutsia tara tou mate.

Aposol 22:30

A tsunono turu soldia e ngilin atei sil koruni a ka ti kout sil mei u Jiu e Pol. Ba turu hamahö ba nonei e hapurese nena a tsien tere Pol, ba tsunono e ranga merena u pris pan na pal kapan hoboto tegi gono hoboto uaien. Ba nonei e luena e Pol mena hatuole rien i mataren.

Aposol 23:1

Be Pol e tara hamatskö uana tara pal kapan me poeiena, “Man hatoulana, alia u ka mei u hakats u alesala nitöa i matana e Sunahan te la noa hasina i romana, a torir ema pei töe ii ‘Alö e kato homim.’ E möa.”

Aposol 24:20

Te möa nen, ba u katuun teka te hatei rilö a saha a nomi ti sabeien i tar, tara pöata tu tuol ia lia i matana u Kout Pan turu Jiu.

Aposol 4:15

Ba nori e ranga meraier a huol a aposol egi lakasa, ba nori te hirari ria i taren pouts. Ba nori e poeier, “A saha ka te katoe roura i taren? U katuun hoboto te ka ria i Jerusalem e atei siler ti kato menaien u mirakol pan teka, na ra ema tatei holis narien.

Aposol 5:21

Pöata ti hengoeien u raranga teka, ba nori e la uaier tara Luman Lotu Pan tara bongbong koru mena hihatuts ria turu katuun. Ba tsunono pan turu pris na pal kapanira i Israel e ngö gögono merari a pal kapan hoboto turu Jiu turu hagum turu Kout Pan, ba nori e hala ner u ranga tara luman karabus tegimi piou meraien u aposol i mataren.

Aposol 5:27

Ba nori emi piou pouts raria u aposol i gusuna u Kout Pan, ba tsunono pan turu pris e rangrangata ranen me poeiena, “Alam u hapiou hatagala koruni tegoma hihatuts mena milimiou a solona e Iesu. Kaba limiou u hasaputu hobotemi u hihatuts i tamilimiou a han i Jerusalem. Alimiou e hasösö noahas mera milam a nimate tere Iesu.”

Aposol 6:12

Ba nori e hala ner u ranga te kato haraharahir u tsunono na u tson hihatuts tara Lo. Ba nori ena tarer e Stiven me pile kap naren mena piou narien i matana u Kout Pan.

Aposol 6:15

U katuun hoboto ti gum ia turu Kout i tara tötoso uu tere Stiven me tarer a matanen e here ii a matana a angelo.

Aposol 7:37

Nonei e Mosis te hateir u katunura i Israel me poeiena, ‘E Sunahan e hatuolenou a töa propet turu katuun i tamilimiou i murimuri, kato has uanou temar hatuol menaien lia.’

U pas te koloto menai e Pol turu kristenira i Rom 12:10

Hiangilngil iam te kato uar a man hahatoulana hamana. Na limiou go hapaneiam a tai i tamilimiou.

1 Korin 6:10

Na u kopkop na u katuun te gono beri a peisaren a manka na u katuun te roron spakir na u katuun te tuts siler a tai ema antunan tahongo has roi tara Nipepeito tere Sunahan.

1 Korin 6:6

Kaba limiou ena kout namiou u hahatoulana i tamilimiou bate haniga namiou tega ona menaien a tsonun ona tema kristen nei.

1 Tesalonaika 4:6

Alimiou goma kato homi uami teka bate kato homie miou a tana katuun. E möa. Alam u hatei hakapa railimiou, a Tsunono e hahuna rena romana u katuun te markato uar teka.

Taitus 3:2

Nori egima ranga hohomi nai a taina katuun na egima hatapoia tara man hiaraharaha. Nori egi tuatamia turu katuun hoboto bate kapiena raren.

Hibru 12:25

Na limiou go haneiam. Alimiou goma raman hengo nami e Sunahan te ranga uanen i tamilimiou. U katuun tima ngilin hengo ii tara pöata te ranga ien i puta, nori ima antunan bus hamous banari a nihahuna i tanen. Na ra ema antunan bus hamous ba narien romana tega ranga uamen i tarara te kanen i Kolö.

Hibru 5:9

Be Sunahan e katoe neien a pris te niga saluhe koru. Ba nonei te taguhu rena u katuun hoboto ti hengoeien bate hala raneien a nitöatöa te ka nitöana.

Jemis 2:20

Alimiou u katuun u tutu tema atei silemi a ka teka: a katuun te poeiena nonei e hamana hanigana kaba nonei ema kato haniga nei, nonei e mastein hamanana.

Jemis 3:6

Na u mia i tarara e kato has uana turu tula. Nonei a töa puku a makum turu tuenrei, kaba u mia i tarara e antunan kato homi pouts has ranoura, na ra e tatei kato homi pouts hasera a peisarara. Ara e antunan kato homiera a nikaka hoboto i tarara te ranga homi uana u mia i tarara. U mia e kato uana tara han a omi i hel te haranga rena u katuun u omi ba nori te ranga homi nitöar, e here nei u tula pan te roron habutena u tana u tula u parpara.

1 Pita 2:23

Nori i hahakosia i tanen kaba nonei ema palise ii u hahakos. Tara pöata te kamits ien, nonei ema kato sile ii ega paliseien. Kaba nonei e haka mei a peisanen tere Sunahan te ona hamatsköena a mamanaka.

1 Pita 3:9

Alimiou goma palisemi a man markato a man omi te katoe ria tamilimiou, na limiou goma hipou has mia turu katuun te kato homi ria i tamilimiou. E nigana tego hamatana mena milimiou a nikalkalala, taraha a nikalkalala nonei a ka te rangein e Sunahan tega hala raien limiou tara pöata te ngö raien limiou.

1 Jon 2:9

A katuun te poeiena nonei e kana turu ualesala, kaba e paköeiena a hahatoulana i tanen, nonei e ka noa hasna turu kuhil.

1 Jon 3:10

A ka teka e haröto nena a katuun te pien uana tere Sunahan na katuun te pala uana tere Satan: a katuun tema kato haniga nei ema pien uanei tere Sunahan. Na katuun tema ngile nei a hahatoulana i tanen ema pala has uanei tere Sunahan.

1 Jon 5:16

Te tare mialö a töa katuun tara pala te hamana ria tere Iesu e kato homina ba limiou te singo silemen tere Sunahan, be Sunahan te hale noien a nitöatöa. Kaba te kato homi koru nen bate laba nena a nitöatöa tere Sunahan, alia ema ranga nagi alimiou ego singo sileiam a katuun teka tere Sunahan.

U pas te kolotein e Jut 1:9

Kaba e angelo Maikol, a tsunono pan turu angelo, ema mar ranga homi uai teka. Pöata ti hiararanga sileien u tuenrei tere Mosis, e Maikol ema ranga homi nai e Satan. Nonei e ranga meien me poeiena, “A Tsunono peisa te hapiou na noulö.”

Revelesin 20:14

Ba Tou Mate na Han turu Mate e lapo raria iahana a kiou pan te saputi u tula. A kiou teka nonei a hahuoluna a tou mate.