Matiu 5:18 - U Bulunagana U Niga

¹⁸ Na lia e hatei hamana ragou limiou, u kolö na u puta e tatei kapa nou, kaba e möa ta tsi töa ta tsi makumun raranga tega tia iou tara man Lo, e antunana tara pöata te butu hakapa noa a mamanaka.

Matiu 5:18 Iomraidhean Croise

Matiu 10:15

Alia e hatei hamana koru ragou limiou, a nihahuna tara taun teka e pan bala koru nanou a nihahuna tara taun i Sodom na i Gomora.”

Matiu 10:23

Na te kato homi raroa limiou tara töa taun, ba limiou te bus uamiou tara taina taun. Alia e hatei hamana nitöa ragou limiou, alimiou ema hakapa noa hase moi a toukui i tamilimiou tara mamana taun hoboto i Israel, ba lia tu butun Katunuma te la pouts guma romana.

Matiu 10:42

Na lia e hatei hamana nitöa ragou limiou, a katuun te tarena a tsi katuun papala koru i tar bate haue nen a tsi ramun, nonei ena lu korue nou u hamatana u niga tema antunan taia nei.”

Matiu 11:11

“Na lia e hatei hamana ragou limiou, e Jon a Tsonun Baptais nonei te pan balana turu katuun hoboto ti poseir te ka ria turu tsiktsiki. Kaba a katuun papala koru tara Nipepeito tere Sunahan nonei te pan bala has nena e Jon.

Matiu 13:17

Na lia e hatei hamana ragou limiou! U propet u para na u katuun u matsköra i manasa i ngilin tara korui a manka te tare milimiou, kaba nori ima antunan tareien. Na nori i ngilin hengo korui a manka te hengoe milimiou, kaba nori ima antunan hengoeien.”

Matiu 16:28

Alia e hatei hamana ragou limiou, a palair u katuun te tuolur teka ema antunan materi, e antunana tegi tara menien Alia tu butun Katunuma ena la here gumei romana a king.”

Matiu 17:20

Be Iesu e poeiena i taren, “Taraha, a tsi nihamana i tamilimiou e tetenei koruna. Na lia e hatei hamana koru ragou limiou, Sanena u nihamana i tamilimiou ega popoia tara ngalin mastet, alimiou e tatei peimiou turu pokus teka, ‘Takei ban a makum teka bate la uamula ili,’ ba nonei te takei hasina bate lana. Ba limiou te tatei katoe mou a mamanaka.”

Matiu 18:18

Be Iesu e poeiena, “Na lia e hatei hamana koru ragou limiou, a saha ka te kitse mialimiou i puta, e Sunahan e kits hasenouen i Kolö. Na saha ka te purese mialimiou i puta, e Sunahan e hapurese hase nouen i Kolö.

Matiu 19:23

Be Iesu e poeiena turu katunun tsitsilo i tanen, “Alia e ranga hamana koru mera goulimiou, a katuun te kamena a moni a parpara ema antunan tahongo boroboro neia tara Nipepeito tere Sunahan.

Matiu 19:28

Be Iesu e poeiena i taren, “Alia e ranga hamana koru meragou limiou, tara han a tsimus i murimuri, tena gum goa Lia tu butun Katunuma turu Gumgum u Göagono i tar, ba limiou u katuun te lala gono memou lia tena gum has moa turu maloto na u huol u gumgum u göagono turu king, bate taratarakap ramou u maloto na huol tara pal katunura i Israel.

Matiu 21:21

Be Iesu e poeiena i taren, “Alia e hatei hamana ragou limiou, Te hamana koru mia limiou batema hula torimi, alimiou e tatei markato uamiou te markato uagu la lia turu ruein fik teka, na limiou e tatei mar ranga has uamiou teka turu pokus, ‘Alö go takei balö te lapo ba namia a peisamölö i tasi,’ ba nonei temar kato has uanou te ranga uami limiou.

Matiu 21:31

“Esi i taren a huol te katoe u ngil tere tamaren?” Ba nori e poeier, “A pien tson a hamua.” Be Iesu e poeiena i taren, “Na lia e hatei hamana koru ragou limiou, e kato has uana iesana tara Nipepeito tere Sunahan. U katuun te lulueier a takis na u touhaliou u lulu tson pinopino ena tasu mammam raroua limiou iahana Nipepeito tere Sunahan.

Matiu 23:36

Alia e ranga hamana koru mera goulimiou, a nihahuna tara man markato teka e lue mou limiou u katunura i romana!”

Matiu 24:2

Be Iesu e poeiena i taren “Alimiou e tara hasemiou a mamanaka hoboto teka. Na lia e ranga hamana koru mera goulimiou, e möa lel nou ta töa ta hatu tega ka lel ia romana tara man makum te karien. A mamana hatu hoboto e tarura riou bate rusur i puta.”

Matiu 24:47

Na lia e ranga hamana koru mera goulimiou, a katuun pan i tanen e tatei hataratara kap nanoi a katunun kui teka a mamanaka hoboto te teie nen.

Matiu 25:12

Kaba a tson ti hahitölin e ranga palis raien me poeiena, ‘Alia e hatei hamana koru ragou limiou, alia ema atei sil ragi limiou.’”

Matiu 25:40

“Ba lia te ranga palis ragouen bate peigou i taren, ‘Na lia e hatei hamana koru ragou limiou, tu katoe mia limiou a markato teka ta töa tara man hahatoulana i tar, alimiou u kato be mien lia.’

Matiu 25:45

Ba lia te ranga palis meragouen bate peigou i taren, ‘Alia e hatei hamana koru ragou limiou, a pöata tu raman katoe mia limiou a markato teka ta töa tara man hahatoulana i tar, alimiou u raman kato be hase mien lia.’

Matiu 5:26

Na lia e hatei hamana korue goulö, alö ema antunan halakase roi tara karabus e antunana te hole moa lö u kout.”

Matiu 6:16

“Na pöata te agono mialö, alö goma mataloho ii. Te kato uar u katuun u gamogamo te matalohor bate kato siler u katuun egi tari te agono uaren. Alia e hatei hamana nitöa ragou limiou, nori i lu hakapa ban töani u hamatana i taren.

Matiu 6:2

“Hena, te hala namia lö a moni turu katuun te moar ta moni, alö goma katoeien i matar u katuun, te markato uar u katuun u gamogamo iahana luman lotu na i kalana. Nori e kato meri a ka teka i matar u katuun tegi solosei meraien. Na lia e hatei hamana nitöa ragou limiou, nori i lu hakapi u hamatana i taren.

Matiu 8:10

Pöata te hengoeia e Iesu u raranga teka ba nonei e asingoto koruna. Ba nonei e ranga meraiena u katuun ti kukutieien me poeiena, “Alia e ranga hamana koru meragou limiou, alia uma sabie mei ta töa ta mar katuun teka i Israel tega kamei u mar nihamana te kamena a tson teka.

U Bulungana u Niga tere Iesu Kristo te kolotein e Mak 10:15

Alia e hatei hamana koru ragou limiou, a katuun tema hengo hanige nei u raranga tere Sunahan temar hengo uana a pien, a katuun teka ema antunan tasu nei tara Nipepeito tere Sunahan.”

U Bulungana u Niga tere Iesu Kristo te kolotein e Mak 10:29

Be Iesu e poeiena, “Alia e hatei hamana ragou limiou, a katuun te laba nenama a luma i tanen tsi u toulanen na u hahinanen na e tsinanen ne tamanen na galapien i tanen na u tsiktsiki i tanen tara solo i tar na turu Bulungana u Niga, a katuun teka ena lu poutsena romana a mamanaka te para bala nanou a luma na u toulanen na u hahinanen na u tsinanen na galapien i tanen na u tsiktsiki i tanen. Na nonei ena kamits be hase nou lia romana. Ba tara pöata te la nama i murimuri, ba nonei tena lue nou romana a nitöatöa te ka nitöana.

U Bulungana u Niga tere Iesu Kristo te kolotein e Mak 11:23

Alia e hatei hamana koru ragou limiou, tego rangaia lö turu pokus teka, ‘takei balö te la uam i tasi,’ ba ka teka te butu hamana benoulö. Kaba a ka teka e butu hamana menou tegoma hula hakats uai lö.

U Bulungana u Niga tere Iesu Kristo te kolotein e Mak 12:43

Be Iesu e ngö gögono rena u katunun tsitsilo i tanen me poeiena i taren, “Alia e hatei hamana koru ragou limiou, a amoaba teka e hala nelala a moni te pan saluhe bala nena a man moni te hala nelila u katuun hoboto.

U Bulungana u Niga tere Iesu Kristo te kolotein e Mak 13:30

Alia e hatei hamana koru ragou limiou, a manka hoboto teka e butuna romana i mam tara tou mate tara palair u katuun te töatöar tara pöata teka.

U Bulungana u Niga tere Iesu Kristo te kolotein e Mak 14:18

Na tara pöata ti gumien bate nour be Iesu e poeiena, “Alia e hatei hamana koru ragou limiou, a töa i tamilimiou ena haröto nanoua lia turu pakö i tar, a katuun teka e nou gono has menou lia.”

U Bulungana u Niga tere Iesu Kristo te kolotein e Mak 14:25

Alia e hatei hamana koru ragou limiou, alia ema tatei ua lele goi u uain e antunana tara pöata te ue gia romana lia u uain u tsimus tara Nipepeito tere Sunahan.”

U Bulungana u Niga tere Iesu Kristo te kolotein e Mak 14:30

Be Iesu e poeiena tere Pita, “Alia e hatei hamana korue goulö, i mam te kekeretskö hahuol noua a keriou i bong teka, ba lö te holis namou tego atei sil menai lö alia tara topisa pöata.”

U Bulungana u Niga tere Iesu Kristo te kolotein e Mak 14:9

Alia e hatei hamana koru ragou limiou, tara mamana han hoboto i puta tena habulungana naroua u Bulungana u Niga, nori ena rarare riou a tahol teka bu katuun te hakats nariou a ka a niga teka te katoe lalen.”

U Bulungana u Niga tere Iesu Kristo te kolotein e Mak 3:28

“Alia e hatei hamana koru ragou limiou, e Sunahan e tatei luba nanou a man markato a man omi hoboto te katoeier u katuun, na man ranga man omi has te katoe ren.

U Bulungana u Niga tere Iesu Kristo te kolotein e Mak 6:11

Tema las hagum rarien limiou tsi tema hengo rarien limiou, ba limiou te tatei laba namiou a taun i taren bate tohu ba namiou u köahu i pitpitana moumilimiou. A ka teka e haröto nanou te raharaha mera neien e Sunahan.”

U Bulungana u Niga tere Iesu Kristo te kolotein e Mak 8:12

Be Iesu e sökana koru ranen me poeiena, “Taraha ba limiou u katunura i romana te ngilin tara namiou tu mirakol tega harötein, a nitagala tere Sunahan? Alia e hatei hamana ragou limiou, alia ema antunan haröto ragi limiou u katunura i romana tu mirakol.”

U Bulungana u Niga tere Iesu Kristo te kolotein e Mak 9:1

Be Iesu e ranga lelna i taren me poeiena, “Alia e hatei hamana ragou limiou, a palair u katuun te ka ria teka ema materi romana e popona tegi tara menaien a Nipepeito tere Sunahan te butu menama romana a nitagala pan.”

U Bulungana u Niga tere Iesu Kristo te kolotein e Mak 9:41

Alia e hatei hamana ragou limiou, a katuun te atei silena alimiou u katuun i tar bate haua ranoui limiou ta tsi ramun, a katuun teka e lu hamane nou u hamatana i tanen.”

U Bulungana u Niga tere Iesu Kristo te kolotein e Luk 12:37

Te sabie nen u katunun kui i tanen e hahalose ren bate ma sohori, ba u katunun kui te sasaala korur. Alia e ranga mera goulimiou, nonei a katuun pan e kato here nanoi a peisanen a katunun sösöata kannou, bate hagum ranen bate hanou ranen.

U Bulungana u Niga tere Iesu Kristo te kolotein e Luk 13:35

Ba han i tamilimiou te kaka pukuna romana. Alia e ranga mera goulimiou, alimiou ema tatei tara lele moi lia e antunana te pei moa limiou, ‘A katuun te la nama tara solona a Tsunono ega sasaala!’”

U Bulungana u Niga tere Iesu Kristo te kolotein e Luk 16:17

U kolö na u puta e antunan tia nou romana, kaba a tsi töa a tsi makum tara Lo ema antunan tia noi.

U Bulungana u Niga tere Iesu Kristo te kolotein e Luk 18:17

Alia e hatei hamana ragou limiou, a katuun tema hengo hanige nei u raranga tere Sunahan temar hengo haniga uana a pien, nonei ema antunan tasu noi tara Nipepeito tere Sunahan.”

U Bulungana u Niga tere Iesu Kristo te kolotein e Luk 18:29

Be Iesu e poeiena i taren, “Alia e ranga hamana mera goulimiou, a katuun te kato hatagala silena a Nipepeito tere Sunahan bate laba nena a luma i tanen tsi a tahol i tanen tsi u hatoulana i tanen tsi e tamanen tsi e tsinanen tsi a galapien i tanen, nonei e luena romana a ka a para koru lel tara mankana i romana, bate lu hase nou a nitöatöa te ka nitöana tara man pöata te la nama.”

U Bulungana u Niga tere Iesu Kristo te kolotein e Luk 23:43

Be Iesu e poeiena i tanen, “Alia e ranga hamana megou lö, i romana tuun has, alö ena ka gono memoua lia i Kolö.”

U Bulungana u Niga tere Iesu Kristo te kolotein e Luk 4:24

Be Iesu e pei hasena, “Alia e ranga hamana koru gia i tamilimiou, u katuun tara han tara propet ema hanige rien.

U Bulungana u Niga tere Iesu Kristo te kolotein e Jon 1:51

U mana koru alia e hatei ragou limiou, alimiou e tare mou romana u Kolö e kalata nou ba u angelo tere Sunahan te sei ria romana i tar bate koul pouts has rima romana i tar, Alia tu butun Katunuma.”

U Bulungana u Niga tere Iesu Kristo te kolotein e Jon 10:1

Be Iesu e poeiena, “U mana koru alia e hatei hamana ragou limiou, a katuun te raman tasuna tara tamana tara ololon sipsip bate aroho tuun na tara tana makum, nonei a katuun a kopkop.

U Bulungana u Niga tere Iesu Kristo te kolotein e Jon 10:7

Be Iesu e pei lelena i taren, “U mana koru alia e hatei hamana koru ragou limiou, u katuun e hererari u sipsip na lia e heregi a tamana tara ololon sipsip.

U Bulungana u Niga tere Iesu Kristo te kolotein e Jon 12:24

Alia e hatei hamana koru ragou limiou. Tema lebe ria a ngalin kannou, nonei e marka tuun las uanou teka. Kaba tena lebe roien ba nonei tena hua haparpara nou romana.

U Bulungana u Niga tere Iesu Kristo te kolotein e Jon 13:16

U mana koru alia e ranga hamana mera goulimiou, a katunun kui ema pan nanei a katuun pan i tanen. Na tson hibus ema pan has nanei a katuun te hale neien u ranga.

U Bulungana u Niga tere Iesu Kristo te kolotein e Jon 13:38

Be Iesu e hohou rangata uana i tanen me poeiena, “Alö e antunan mate hamana bemou lia? U mana koru alia e ranga megou lö, tara bong teka, i mam te kekeretskö noua a keriou a tson, alö e holis namou tego atei sil menai lö alia a topisa a pöata!”

U Bulungana u Niga tere Iesu Kristo te kolotein e Jon 14:12

U mana koru alia e hatei ragou limiou, a katuun te hamana uana i tar ena katoe nou a man toukui te katoe gulia. Na man toukui i tanen e la sei na nou a man toukui teka, taraha alia e la uagu tere Tamar.

U Bulungana u Niga tere Iesu Kristo te kolotein e Jon 16:20

U mana koru alia e ranga hamana mera goulimiou, alimiou e tabe mou bate har mou, kaba u katuun te ka mer u hakatsina i puta e sasaala riou. Alimiou e sagohe mou a kamits, kaba kamits i tamilimiou ena habirits ua nou tara nisasaala.

U Bulungana u Niga tere Iesu Kristo te kolotein e Jon 16:23

Nonei tara pöata, alimiou ema rangata lele moi lia ta ka. U mana koru alia e ranga hamana koru mera goulimiou, te singo sile mia limiou ta ka tere Tamar tara solor nonei e hala ranoien limiou.

U Bulungana u Niga tere Iesu Kristo te kolotein e Jon 21:18

U mana koru alia e ranga hamana megou lö, a pöata tu hitots noaia lö, alö u hula la mei u ngil peisa i tamölö. Kaba pöata te tsonpan mia romana lö, balö te hasoa nemou a limamölö ba palair u katuun te kitse riou lö bate na piou naria lö tara makum tema ngilin la uamilö.”

U Bulungana u Niga tere Iesu Kristo te kolotein e Jon 3:11

U mana koru alia e hateie goulö, alam e ranga nem a manka te atei sile mulam na lam e hahatei nem a manka tu tara hakapi lam, kaba alimiou e rama namiou a man raranga i tamulam.

U Bulungana u Niga tere Iesu Kristo te kolotein e Jon 3:3

Be Iesu e ranga palise nen me poeiena, “U mana koru alia e hatei hamana korue goulö, tema posa lele ria a katuun, nonei ema antunan atei sile nei a man kana tara Nipepeito tere Sunahan.”

U Bulungana u Niga tere Iesu Kristo te kolotein e Jon 3:5

Be Iesu e ranga palis uana i tanen me poeiena, “U mana koru alia e ranga mei goulö, tema pose ria a katuun turu ramun na turu namnamei, nonei ema antunan tasu nei tara Nipepeito tere Sunahan.

U Bulungana u Niga tere Iesu Kristo te kolotein e Jon 5:19

Be Iesu e poeiena i taren, “Alia e hatei hamana koru ragou limiou, a Pien ema antunan kato pepeisa nanei ta ka. E kato lasena a ka te tarenen te katoena e Tamanen, taraha a ka te katoena e Tamanen, nonei e kato hase nouen.

U Bulungana u Niga tere Iesu Kristo te kolotein e Jon 6:26

Be Iesu e poeiena i taren, “Alia e hatei hamana koru ragou limiou, alimiou ema sake memi lia tu tara mena mei limiou a man mirakol i tar. E möa, alimiou e sake memu mei lia tu hanou hamasul mera mei lia alimiou.

U Bulungana u Niga tere Iesu Kristo te kolotein e Jon 6:32

Be Iesu e poeiena i taren, “U mana koru alia e hatei ragou limiou, e Mosis ema hala nai a kannou te lama i Kolö turu tubumilimiou. E möa. E Tamar te hala na men. Na nonei e ngilin hala has ranei limiou a kannou hamanana i Kolö.

U Bulungana u Niga tere Iesu Kristo te kolotein e Jon 6:47

“U mana koru alia e hatei ragou limiou, a katuun te hamanana e ka menou a nitöatöa te ka nitöana.

U Bulungana u Niga tere Iesu Kristo te kolotein e Jon 6:53

Be Iesu e ranga palis ranen me poeiena, “U mana koru, tema nou moilimiou turu tuenrei i tar na tema ua moilimiou turu rahatsing i tar alimiou ema antunan töatöa moi. Na lia e hatei hamana koru ragou limiou, e kato has uana iesana tara katuun te hahamana na i tar, alimiou go lu mena milia i torimilimiou, Alia tu butun Katunuma. Te möa nen, ba limiou tema antunan ka memoi a nitöatöa te ka nitöana.

U Bulungana u Niga tere Iesu Kristo te kolotein e Jon 8:34

Be Iesu e poeiena i taren, “U mana koru alia e hatei ragou limiou, a katuun te kato homi nitöana e herenei a katuun te karabusuna. Nonei e karabus na tara markato a omi te kato nitöa nanen.

U Bulungana u Niga tere Iesu Kristo te kolotein e Jon 8:51

U mana koru alia e hatei ragou limiou, a katuun te kukutiena u hihatuts i tar ema antunan mate noi!”

U Bulungana u Niga tere Iesu Kristo te kolotein e Jon 8:58

Be Iesu e poeiena i taren, “U mana koru alia e hatei hamana koru ragou limiou, alia u ka mam be Abraham e töan poseier.”

1 Pita 1:25

Kaba u raranga tara Tsunono e ka nitöana.” Na u raranga teka nonei u Bulungana u Niga ti habulungana naia i tamilimiou.

Revelesin 20:11

Na lia u tari u gumgum u hiaka u göagono te gum ia e Sunahan. U kolö na u puta e hatalis ban a matanen, me möa lenina ta makum i taren.