Matiu 4:3 - U Bulunagana U Niga

³ Be Satan emi torohane nen me poeiena i tanen, “Tego Pien uu lö tere Sunahan, ba lö te rangam, bu hatu teka te palis uar tara beret.”

Matiu 4:3 Iomraidhean Croise

Matiu 14:33

Ba u katunun tsitsilo ti kaia tara tolaala e hatsunoner e Iesu me poeier, “U mana koru, alö a Pien Tson tere Sunahan!”

Matiu 16:16

Be Saimon Pita e ranga palisenen me poeiena, “Alö e Mesaia te hopö kapiin e Sunahan. Alö a Pien Tson tere Sunahan te töatöa nitöana.”

Matiu 26:63

Kaba e Iesu e kakamoto ba nitöa raien. Ba tsunono e ranga lelna i tanen me poeiena, “Alia e rangate gia lö i matana e Sunahan, alö go hatei ramei lam, alö e Mesaia, a Pien Tson tere Sunahan?”

Matiu 3:17

Ba u töa u raranga e butu nama i Kolö me poeiena, “Nonei a Pien Tson koru i tar. Alia e ngil korue gen, na lia e sasaala koru has megen.”

U Bulungana u Niga tere Iesu Kristo te kolotein e Mak 1:1

Nonei teka u Bulungana u Niga tere Iesu Kristo a Pien Tson tere Sunahan: E Aisaia a propet e kolotonaien me poeiena, “Hengoiam, e Sunahan e mar ranga uu teka: ‘Alia e hala mam negou a katunun sösöata ranga i tar te mam nanou lö, ba nonei tena hamatsköe nou a maroro i tamölö.

U Bulungana u Niga tere Iesu Kristo te kolotein e Mak 3:11

Tara man pöata ti tara reia u katuun ti kamei u liliahanei e Iesu, ba nori te hatukun ria i matanen. Ba nori te ku hapanir bate poeier, “Alö a Pien Tson tere Sunahan!”

U Bulungana u Niga tere Iesu Kristo te kolotein e Mak 5:7

Ba nonei e ku hapanina me poeiena, “O Iesu, a Pien Tson tere Sunahan Iasa Koru, alö e katsin he mi lia? Alia e singo hataatagi koru gia i tamölö i matana e Sunahan, alö goma hahune ii lia.”

U Bulungana u Niga tere Iesu Kristo te kolotein e Luk 1:35

Ba angelo e poeiena i tanen, “U Namnamei u Göagono e la uanama romana i tamölö ba nitagala tere Sunahan temi sapute noulö. Ba pien a göagono te pose moulö te ngöe roui a Pien Tson tere Sunahan.

U Bulungana u Niga tere Iesu Kristo te kolotein e Luk 22:70

Ba nori hoboto e rangatar, “Alö banei a Pien Tson tere Sunahan?” Ba nonei e ranga palis ranen, “Alimiou peisa has te ranga miou.”

U Bulungana u Niga tere Iesu Kristo te kolotein e Luk 4:3

Be Satan e poeiena i tanen, “Tego Pien uu lö tere Sunahan, alö go ranga ba marats teka te palis uana tara beret!”

U Bulungana u Niga tere Iesu Kristo te kolotein e Luk 4:41

A man liliahanei a man omi i lakasa ba hasir u katuun u parpara, me ku hohomir me poeier tere Iesu, “Alö a Pien Tson tere Sunahan!” Be Iesu e ranga hatagala mera nen me hapiou nena tegima tatei ranga uaien. Taraha? Nori i atei sil nonei e Mesaia.

U Bulungana u Niga tere Iesu Kristo te kolotein e Luk 4:9

Be Satan e lu mena neien i Jerusalem me hatuole nen iasa koru i pungana tara Luman Lotu Pan me poeiena i tanen, “Tego Pien uu lö tere Sunahan, kurapa uu i puta.

U Bulungana u Niga tere Iesu Kristo te kolotein e Jon 1:34

Be Jon e poeiena, “Alia u tari a ka teka e butuia tere Iesu Kristo, na lia e hatei hamana ragi limiou, nonei a Pien Tson tere Sunahan.”

U Bulungana u Niga tere Iesu Kristo te kolotein e Jon 1:49

Be Nataniel e poeiena, “O Rabai, alö a Pien tere Sunahan! Alö a katuun te hopö kap bin e Sunahan tego Kingia i Israel!”

U Bulungana u Niga tere Iesu Kristo te kolotein e Jon 20:31

A man raranga teka i koloto sile ii tego hamana mena milimiou e Iesu nonei e Mesaia, a Pien Tson tere Sunahan. Na te hamana mia limiou i tanen ba limiou te lu sila has namoua a nitöatöa tara solo nen.

U Bulungana u Niga tere Iesu Kristo te kolotein e Jon 9:35

E Iesu e hengoein ti tsuga menaien ba nonei ena sabiena a katuun teka ba nonei e poeiena, “Alö e hamana has uam tara Pien tere Sunahan?”

Aposol 9:20

Ema lehana ii ba nonei e la uana turu luman lotu turu Jiu mena hatei raneien e Iesu me poeiena, “Nonei a Pien Tson tere Sunahan!”

2 Korin 1:19

Alam mere Silbanus na e Timoti u hihatutsia i tamilimiou me hatei rami limiou e Iesu Kristo a Pien Tson tere Sunahan. Nonei has ema tatei hatangana nei bu hakats i tanen te poeiena E möa. U raranga tere Iesu e roron mana nitöana.

Galesia 2:20

Alia i lu hakapi a nitöatöa a tsimus. Kaba nitöatöa teka ema nitöatöa uanei i tar. Emoa. Kaba e Iesu nonei te kana i tar. Na mamana markato na man toukui te katoe gialia i puta, alia e katoe gien tara marorona turu nihamana. Na lia e hamana gia tara Pien Tson tere Sunahan. E ngil korue ioulia me mate silena tego taguhu menaien lia.

1 Tesalonaika 3:5

Ba tara markato teka, alam uma antunan hahaloso leli, ba lam e tula namula e Timoti egona sakesake te popo hamanasana u nihamana i tamilimiou. Alia u toku sil korui e Satan e namots kato homi ranou limiou ba toukui i tamulam te lala pukuna.

Hibru 12:16

Alimiou go tara kap hanigaiam, batema tsikolo mi. Na limiou goma sigalemi e Sunahan te markato uu e Iso. Nonei a pien tson a hamua te ka mei a nikapan, kaba nonei e halan a nikapan i tanen tere toulanen a tetenei me hol tune neien a tsi kannou tuun.

Hibru 4:14

Aragi pile hakarapotein a ka te hamane rara. Taraha, ara e ka mera a pris a tsunono pan te la nitöa uu tara makum te kana e Sunahan. Nonei e Iesu, a Pien Tson tere Sunahan.

Hibru 7:3

E möa tu töa tu buku tega ranga hatein e Melkisedek e ka mei ta tamanen na ta tsinanen na ta tubunen, tsi tega ranga hatein nonei i posei, na tega ranga hatei hasiin nonei e mate. Nonei e here nei a Pien tson tere Sunahan. Nonei a pris na tara mamana pöata.

1 Jon 3:8

A katuun te kato homi nitöana nonei a pien tere Satan, taraha e Satan e solon kato homi i mam noahas batemi antunana i romana. Na a Pien Tson tere Sunahan e butu silema tegomi kato hatia menaien a toukui tere Satan.

Revelesin 2:10

Möa tu matouteiam a nikamits na u tori tiama te sagohe mou limiou. Hengoiam. E Satan ena haka ranoua limiou tara karabus ba limiou te torohana rariou. A niomi teka e antunana romana turu maloto u lan. Kaba limiou go tagala sil noa hase moulia, antunana tara pöata te atung hamate rarouen limiou, ba lia te hala ragoui limiou a nitöatöa hamana.