Matiu 4:25 - U Bulunagana U Niga

²⁵ Bu katuun u parpara koru e kukutier e Iesu: u katunura i Galili na i Dikapolis na i Jerusalem na i Judia na turu tsiktsiki i hapalana a ramun i Jodan.

Matiu 4:25 Iomraidhean Croise

Matiu 12:15

Na pöata te atei sileia e Iesu a ka teka, ba nonei e la ba nena a han teka, ba parpara koru a katuun e kukute nen. Ba nonei e kato haniga hoboton töa rena u katuun ti kamei a siki.

Matiu 19:2

Ba u katuun u parpara koru e kukutie ren, ba nonei e kato haniga pouts ranen ti kaien.

Matiu 4:15

Ba nonei e poeiena, “U katunura turu tsiktsiki i Sebulun na turu tsiktsikina i Naptali, te ka ria tara maroro pan te la uana i tasi na turu tsiktsiki te kana i hapalana ramun i Jodan, na turu tsiktsikina i Galili te ka has ria u katuun tema Jiu ri.

Matiu 5:1

A pöata te tareia e Iesu u katuun u parpara koru i gonoma, ba nonei e sei uana iasa turu pokus, me gumuna ba u katunun tsitsilo i tanen e larima, ba nonei e tanian hihatutsna i taren.

Matiu 8:1

Pöata te koul putama e Iesu turu pokus ba parpara koru a katuun e kukutie nanen.

U Bulungana u Niga tere Iesu Kristo te kolotein e Mak 5:20

Ba katuun teka e lauana tara man han iahana provins i Dikapolis (a solo teka e poeiena a Maloto a Taun). Ba nonei ena habulungana nena a ka te kato beien e Iesu. Ba u katuun hoboto e asingoto korur.

U Bulungana u Niga tere Iesu Kristo te kolotein e Mak 6:2

Na turu Lan u Göagono nonei e tanian hihatutsia tara luman lotu. U katuun u parpara ti kaia tara luma teka i hengoeien me asingoto korur. Ba u katuun e hiarangrangatar, “Ime te lueien a man raranga teka? Na a saha mar niatei teka ti haleien? Na ime te markato mena neien a man mirakol teka?

U Bulungana u Niga tere Iesu Kristo te kolotein e Mak 7:31

Be Iesu e laba nena a taun i Taia mena silana tara taun i Saidon te la uu tara ramun a perperere i Galili, tara makum i Dikapolis.

U Bulungana u Niga tere Iesu Kristo te kolotein e Luk 6:17

Be Iesu e koul gono mere namen turu pokus, ba nonei e tuol gono merena u katunun tsitsilo u parpara i tanen tara töa makum a tataabala. U katuun u parpara koru i ka has, u katuun ti lama tara mamana han iahana provins i Judia na tara taun i Jerusalem, na pala has ti lama i tasi tara taun i Tair na i Saidon.

U Bulungana u Niga tere Iesu Kristo te kolotein e Luk 6:19

U katuun hoboto i torohanan hasebeleia i tanen. Taraha? A nitagala e butuma i tanen me kato haniga pouts ranen hoboto.