Matiu 4:24 - U Bulunagana U Niga

²⁴ Ba u katunura tara mamana han hoboto tara provins i Siria e hengo ner a toukui na u hihatuts te katoe e Iesu. Ba nori e la merarima u katuun hoboto ti ka mei a mamana mar siki, u katuun ti sagohi a mamana mar kamits, na u katuun u popolöana, nu katuun u kotskotsibong, nu katuun u matekata. E Iesu e kato haniga hoboto pouts raien.

Matiu 4:24 Iomraidhean Croise

Matiu 12:22

Ba nori emi piou naria a katuun a matakiou na biru tere Iesu. Be Iesu e kato haniga poutse nen, ba nonei e tarana me ranga pouts hasina.

Matiu 14:1

Tara pöata teka e Herot a King e hengoen a man raranga hatei tara manka te katoe e Iesu.

Matiu 15:22

Ba töa taholuna tara provins i Kenan te kaia tara han teka e la uana i tanen bena ranga hataatagina i tanen me poeiena, “O Tsunono, a Hatutubunei tere Devit! Alö go taatagi namou lia! U liliahanei u omi e karia tara pien tahol i tar!”

Matiu 17:18

Be Iesu e tsuga barena u liliahanei u omi ti kaia tara pien, ba nonei tara tsi pöata puku noahas ba pien tson e niga poutsuna.

Matiu 4:23

E Iesu e hula laia tara man han hoboto i Galili, me hihatutsna tara man luman lotu turu Jiu. Nonei e hihatutsin u Bulungana u Niga tara Nipepeito tere Sunahan bate kato haniga pouts has raiena u katuun ti ka mei a mamana mar siki.

Matiu 8:28

Pöata te butuien i hapalana Ramun i Galili tara makumun tsiktsikina i Gadara. Ba huol a katuun i kamei a liliahanei e buturima turu kahokaho ti roron kaien, me hitupali mer e Iesu. A huol a katuun teka i hie homi koru batema ron ngileri ta katuun ega silaia tara maroro teka.

Matiu 8:33

Ba u katunun taratarakap turu poum e busur. Ba nori ena butu ria tara taun me habulungana ner a ka te butuia tara huol a katuun ti kamei u liliahanei u omi na mamanaka hoboto te butu.

Matiu 9:26

Ba u bulungana tara ka teka e tasata uana tara mamana han.

Matiu 9:35

E Iesu e hula laia tara mamana taun na man han hoboto. Ba e hihatuts lana tara man luman lotu turu Jiu bate habulungana la nena u Bulungana u Niga tara Nipepeito tere Sunahan. Na nonei e kato haniga pouts hasir u katuun ti kamei a mamana mar siki.

U Bulungana u Niga tere Iesu Kristo te kolotein e Mak 1:28

Ba mamanaka te katoi e Iesu e tasata boroboro tuun uana tara mamana han hoboto i Galili.

U Bulungana u Niga tere Iesu Kristo te kolotein e Mak 1:32

Ba tara lahibong ba u katuun e la mera ruma u katuun u siki na u katuun ti kamei u liliahanei.

U Bulungana u Niga tere Iesu Kristo te kolotein e Mak 2:4

A mamana makum e saputu koru tara katuun ba tohats a katuun teka ema antunan söata menarien tere Iesu. Ba nori ena luba ner a töa makum tara luma i pungana te matina ia tere Iesu. Pöata ti kato hakapeien a tabutu, ba nori e hakouler a katuun te opöia tara pöapöa.

U Bulungana u Niga tere Iesu Kristo te kolotein e Mak 2:9

Alia go mar ranga uu ime tara katuun a matekata? ‘A man kato homi i tamölö e luba hakapa nalila?’ Tsi, alia go mar ranga uu, ‘Alö go takei bate söatem a holholasa i tamölö bate tataalam?’ U saha u mar ranga te hahan kana?

U Bulungana u Niga tere Iesu Kristo te kolotein e Luk 2:2

Nonei a pöata tutuun ti katoeien u nihakoloto teka, a pöata te gamman hasia e Kuirinias tara provins i Siria.

U Bulungana u Niga tere Iesu Kristo te kolotein e Luk 4:14

E Iesu e kopis pouts uu tara provins i Galili na nitagala turu Namnamei u Göagono e kaia i tanen. U katuun turu han hoboto ti sukusuku i hengo naien.

U Bulungana u Niga tere Iesu Kristo te kolotein e Luk 4:38

Be Iesu e laba nena a luman lotu me la uana tara han tere Saimon. A halis a tahol tere Saimon e opö mei a peisanen e hiski koru, ba nori e hatei rien e Iesu.

U Bulungana u Niga tere Iesu Kristo te kolotein e Luk 5:15

Kaba u bulungana te hatein a manka te katoe e Iesu e tasata uu i lehana. Ba u katuun u parpara e la sile rima tegimi hengo uaien na tego kato haniga pouts meraien man siki i taren.

U Bulungana u Niga tere Iesu Kristo te kolotein e Luk 5:24

Alia e haröto ragi limiou, alia tu butun Katunuma e ka megu a nitagala i puta tego luba has menai lia a markato a omi tara katuun.” Be Iesu e ranga mena a katuun a matekata me poeiena, “Alia e ranga megou lö, takei, ba lö te söatem a holholasa i tamölö bate laam i han!”

U Bulungana u Niga tere Iesu Kristo te kolotein e Luk 7:17

Ba u raranga te hatein e Iesu e la hobotona tara provins i Judia na tara man han i sukusuku.

U Bulungana u Niga tere Iesu Kristo te kolotein e Jon 10:21

Kaba palai i pei, “E möa. A katuun te ka mena a liliahanei ema tatei ranga uanei teka. A liliahanei e antunan kato hakalata hasena a matakiou? E möa!”

Aposol 10:38

E hatei nena e Iesu na i Nasaret. E Sunahan e hale meien u Namnamei u Göagono na nitagala has. Nonei e tataala bate taguhu rena u katuun na nonei e kato haniga pouts hasir u katuun hoboto ti ka mei a siki na u katuun te pile kapir e Satan, taraha e Sunahan e ka gono meien.

Aposol 15:23

Nori i hala gono meraien u pas temar ranga uu teka: “Alam u aposol na pal kapan, alam a töa pala has i tamilimiou te hamana uaiem tere Iesu. Alam e koloto menami u pas teka i tamilimiou a matsi hahatoulana tu tuhana ma tara pala tema Jiu ri, te ka mia tara taun i Antiok na tara provins i Siria na i Silisia.

Aposol 15:41

Ba nori e sila ria tara provins i Siria na i Silisia, mena hatagala raier u kristen tara man makum teka.

Aposol 28:9

Pöata te kato uaien teka ba u katuun hoboto tara tolo teka ti ka mei a siki e la uarima i tanen banonei emi kato haniga pouts has ranen.

Aposol 8:7

U liliahanei u omi i ku hapan koru bate lakasa ba raruma u katuun u para ti ka ien. Na u katuun u para ti matekata na ti mou omi i kato haniga pouts hasir.