Matiu 4:23 - U Bulunagana U Niga

²³ E Iesu e hula laia tara man han hoboto i Galili, me hihatutsna tara man luman lotu turu Jiu. Nonei e hihatutsin u Bulungana u Niga tara Nipepeito tere Sunahan bate kato haniga pouts has raiena u katuun ti ka mei a mamana mar siki.

Matiu 4:23 Iomraidhean Croise

Matiu 11:5

U katuun u kiou e tara poutsur, na u katuun u mou omi e tataala poutsur, nu katuun u toba e gogoso poutsur, na u talinga tupu e hengo poutsur, nu katuun ti mate e töatöa poutsur. Na u Bulungana u Niga e lauama turu katuun papala.

Matiu 12:9

Be Iesu e la banena nonei a han mena tasuna tara luman lotu turu Jiu.

Matiu 13:19

U katuun te hengoer u raranga tara nipepeito kap ba tema atei silerien, e Satan ena la nama romana bate lubanena a tsi niatei te kana i tori milimiou. E herenei a man ngal ti tsihasa naia i maroro.

Matiu 13:54

Ba nonei e la pouts uana tara han i tanen i Nasaret. Ba nonei e tanian hihatutsna tara luman lotu turu Jiu. Ba u katuun ti hengoeien e asingoto korur me poeier, “Ime te luema a katuun teka a mar niatei na mar nitagala temar kato uana teka?

Matiu 14:14

Be Iesu ena hasunguna me koul ba nena a tolaala. Ba pöata te tara raien u katuun u parpara koru, ba torinen e taatagi koru ranen, ba nonei e kato haniga pouts rena u katuun ti kamei a siki.

Matiu 24:14

Ba u Bulungana u Niga teka tara Nipepeito tere Sunahan te hihatuts laneria romana tara mamana han i puta, ba man hun katuun hoboto te hengoe ren romana, ba i murinen ba kapakapana a pöata te töan butu nou.”

Matiu 3:2

Ba nonei e poeiena, “Alimiou go palis ba naiam a man markato a man omi. A Nipepeito tere Sunahan e sukusuku hakapa.”

Matiu 9:35

E Iesu e hula laia tara mamana taun na man han hoboto. Ba e hihatuts lana tara man luman lotu turu Jiu bate habulungana la nena u Bulungana u Niga tara Nipepeito tere Sunahan. Na nonei e kato haniga pouts hasir u katuun ti kamei a mamana mar siki.

U Bulungana u Niga tere Iesu Kristo te kolotein e Mak 1:14

I murina ti hakarabus naia e Jon be Iesu e la ualala i Galili mena hihatuts nena u Bulungana u Niga tere Sunahan.

U Bulungana u Niga tere Iesu Kristo te kolotein e Mak 1:21

Nori i la uu tara taun i Kapenium ba turu Lan u Göagono turu Jiu, be Iesu e tasuna tara luman lotu me hihatutsina.

U Bulungana u Niga tere Iesu Kristo te kolotein e Mak 1:39

Ba nonei e la uana tara mamana makum hoboto i Galili me hihatutsna tara man luman lotu me tsuga ba has rena u liliahanei.

U Bulungana u Niga tere Iesu Kristo te kolotein e Mak 3:10

Nonei e kato haniga hakapa poutsir u katuun u parpara, ba u katuun hoboto ti ka mei a siki e hiasösongo siler tegi sebele menaien e Iesu.

U Bulungana u Niga tere Iesu Kristo te kolotein e Mak 6:2

Na turu Lan u Göagono nonei e tanian hihatutsia tara luman lotu. U katuun u parpara ti kaia tara luma teka i hengoeien me asingoto korur. Ba u katuun e hiarangrangatar, “Ime te lueien a man raranga teka? Na a saha mar niatei teka ti haleien? Na ime te markato mena neien a man mirakol teka?

U Bulungana u Niga tere Iesu Kristo te kolotein e Mak 6:6

Ba nonei e asingoto koru nena ti hahamana uaien. Be Iesu e hula la na tara man han te hihatuts uaien turu katuun.

U Bulungana u Niga tere Iesu Kristo te kolotein e Luk 10:9

Alimiou go kato haniga pouts raiam u katuun te ka mer a siki nonei tara taun, bate mar ranga hatei meramien teka, ‘A nipepeito kap tere Sunahan e susuku hakapa uama i tamilimiou.’

U Bulungana u Niga tere Iesu Kristo te kolotein e Luk 13:10

Turu töa u Lan u Göagono e Iesu e hihatutsia tara töa luman lotu turu Jiu.

U Bulungana u Niga tere Iesu Kristo te kolotein e Luk 16:16

“A Lo tere Mosis na u nikoloto turu propet e tagala hantunaia tara pöata tere Jon a Tsonun Baptais. Kaba tara pöata tere Jon te noana i romana, u Bulungana u Niga tara Nipepeito tere Sunahan i hatei lan, ba u katuun hoboto e tagala sil koruer tegi tasu uaien.

U Bulungana u Niga tere Iesu Kristo te kolotein e Luk 20:1

Turu töa u lan, e Iesu e kaia tara Luman Lotu Pan me hatuts rena u katuun me hatei raneien u Bulungana u Niga. Ba u pris pan na u tson hihatuts tara Lo na u tsunono e la rima me mi poeier i tanen, “Hatei ramou lam, alö e ka mem a saha nitsunono ba lö te katoeiem a manka teka? Esi te hale ii lö a nitsunono?”

U Bulungana u Niga tere Iesu Kristo te kolotein e Luk 4:14

E Iesu e kopis pouts uu tara provins i Galili na nitagala turu Namnamei u Göagono e kaia i tanen. U katuun turu han hoboto ti sukusuku i hengo naien.

U Bulungana u Niga tere Iesu Kristo te kolotein e Luk 5:17

Turu töa u lan e Iesu e hihatutsia turu katuun. U Parasi nu tson hihatuts tara Lo tere Mosis i gum has. Nori i lama turu han hoboto i Galili na i Judia na i la hasma i Jerusalem. Na nitagala tere Sunahan e kaia tere Iesu tego kato haniga pouts meraien u katuun ti ka mei a siki.

U Bulungana u Niga tere Iesu Kristo te kolotein e Luk 6:17

Be Iesu e koul gono mere namen turu pokus, ba nonei e tuol gono merena u katunun tsitsilo u parpara i tanen tara töa makum a tataabala. U katuun u parpara koru i ka has, u katuun ti lama tara mamana han iahana provins i Judia na tara taun i Jerusalem, na pala has ti lama i tasi tara taun i Tair na i Saidon.

U Bulungana u Niga tere Iesu Kristo te kolotein e Luk 6:6

Turu tana u Lan u Göagono e Iesu e la uu tara töa luman lotu me hihatutsina. A töa katuun a pal matou i lima nen te mate e ka tara pöata teka.

U Bulungana u Niga tere Iesu Kristo te kolotein e Luk 7:22

Be Iesu e ranga palis ranen me poeiena, “La poutsiam batena hateie mi e Jon a manka te tare mula limiou na te hengoe mula limiou: u matakiou e tara haniga poutsur, na u mou omi e tataala haniga poutsur, nu toba e gogoso poutsur, na u talinga tupu e hengo poutsur, nu katuun ti mate e hatakei pouts rer bate töatöar, na u Bulungana u Niga e hatei naria turu katuun ti möa ta ka.

U Bulungana u Niga tere Iesu Kristo te kolotein e Luk 8:1

Tara tana pöata be Iesu e hula lauana tara man taun na man han, me hatei la nena u Bulungana u Niga tara Nipepeito tere Sunahan. A maloto na huol a katunun tsitsilo i la gono meien, na palair a touhaliou has ti tsuga barai a man liliahanei a man omi na man siki has. Nori a man touhaliou teka: e Maria Matalina, ti tsuga banai a tohit a liliahanei a omi.

U Bulungana u Niga tere Iesu Kristo te kolotein e Luk 9:11

Pöata ti hengo naia u katuun te kaia e Iesu ba nori e kukutie ren. Ba nonei e haniga ranen me ranga mera neien a Nipepeito tere Sunahan, me kato haniga pouts rena a pala ti siki.

U Bulungana u Niga tere Iesu Kristo te kolotein e Luk 9:60

Be Iesu e poeiena i tanen, “Hakar u mate bate kaho ner u mate pouts i taren. Kaba lö gona habulunganein a Nipepeito tere Sunahan.”

U Bulungana u Niga tere Iesu Kristo te kolotein e Jon 18:20

Be Iesu e poeiena i tanen, “Alia u roron rangaia i matar u katuun. Na lia u roron hihatutsia tara man luman lotu a man tetenei na tara a Luman Lotu Pan, a man makum ti roron gono hobotoia u Jiu. Alia uma ranga hamousi.

U Bulungana u Niga tere Iesu Kristo te kolotein e Jon 6:59

E Iesu e katoeia u ranga teka te hihatuts ien iahana luman lotu tara taun i Kapenium.

U Bulungana u Niga tere Iesu Kristo te kolotein e Jon 7:1

Ba i murinen be Iesu e hula lana iahana a provins i Galili. Nonei ema ngilin lauai tara provins i Judia, taraha a pal kapan turu Jiu i Judia i sake lan ta maroro tegi mar atung hamate sila menaien.

Aposol 10:38

E hatei nena e Iesu na i Nasaret. E Sunahan e hale meien u Namnamei u Göagono na nitagala has. Nonei e tataala bate taguhu rena u katuun na nonei e kato haniga pouts hasir u katuun hoboto ti ka mei a siki na u katuun te pile kapir e Satan, taraha e Sunahan e ka gono meien.

Aposol 18:4

Turu mamanu Lan u Göagono turu Jiu e Pol e la uu turu luman lotu i taren bate ranga gono mera nen. Nonei e ngilin habuti u nihamana u niga turu Jiu na turu katunura i Grik has.

Aposol 20:25

E Pol e ranga lel me poeiena, “I manasa tu tataala ia lia i gusumilimiou, ba lia te hatei negu u rangana tara Nipepeito tere Sunahan. Kaba lia e hatei ragou limiou, alimiou hoboto ema tara lele moui lia.

Aposol 28:31

Nonei e hihatutsin a Tsunono e Iesu Kristo na Nipepeito tere Sunahan. Nonei ema matout ii, na e möa ta katuun tega hapiou naien.