Matiu 4:10 - U Bulunagana U Niga

¹⁰ Be Iesu e ranga menen me poeiena, “Satan, alö go laba naiou lia! Turu Buku u Göagono i koloto hasiin, ‘Alö go hatsunono uu tere Sunahan. Nonei puku a töa a Tsunono i tamölö tego kukuti lö.’”

Matiu 4:10 Iomraidhean Croise

Matiu 16:23

Be Iesu e habiritsina me poeiena tere Pita, “Lau i murir o Satan! Alö e hatu kap namou lia. Taraha alö ema hakei mia u hakhakats i tamölö tere Sunahan. Alö e ka lasmem u hakatsin a katuun tuun!”

U Bulungana u Niga tere Iesu Kristo te kolotein e Mak 1:13

Ba nonei ena kana tara makum a palaka turu tohats u maloto u lan me ka gono meraiena a mamanaka a hie, be Satan e torohane nen kaba u angelo tere Sunahan i ka gono meien.

U Bulungana u Niga tere Iesu Kristo te kolotein e Luk 10:18

Be Iesu e ranga palis ranen, “Aa, alia u tari e Satan e rus here mei u kanaha i Kolö.

U Bulungana u Niga tere Iesu Kristo te kolotein e Luk 11:18

Na tegi hiatatung poutsia a pala tere Satan, ga ime temar tuol hakarapoto uanou a nipepeito i tanen? Nonei a ka temar ranga sila uagu lia teka, te pei mena milimiou e Belsebul te hale nei lia a nitagala tego tsuga ba merai lia u liliahanei u omi.

U Bulungana u Niga tere Iesu Kristo te kolotein e Luk 13:16

Na tahol teka, a töa hatutubunei tere Abraham, e Satan e pile kapiin a tahol teka turu maloto nu töal u hiningal, ema tatei purese ba has nari a tou kits i tanen turu Lan u Göagono?”

U Bulungana u Niga tere Iesu Kristo te kolotein e Luk 22:3

Be Satan e seina tere Judas Iskariot, a töa tara maloto na huol a katunun tsitsilo tere Iesu.

U Bulungana u Niga tere Iesu Kristo te kolotein e Luk 22:31

Be Iesu e poeiena tere Pita, “Saimon, Saimon, hengo! E Satan e rangata hatagala sil tega torohana meraien limiou hoboto, be Sunahan e hanigana. A nitorohana tere Satan teka e here nei a katuun te lu katena a kannou a niga na bita.

U Bulungana u Niga tere Iesu Kristo te kolotein e Luk 4:8

Be Iesu e ranga palise nen me poeiena, “I koloto hasiin, ‘Alö go hatsunono uu tere Sunahan. Nonei a Tsunono pan i tamölö, na nonei puku lahas a töa tego hengoei lö.’”

U Bulungana u Niga tere Iesu Kristo te kolotein e Jon 13:27

Pöata te lu hakapeia e Judas a tsi makumun beret, be Satan e seina i tanen. Be Iesu e poeiena i tanen, “Kato borobori a ka te katsin katoe mölö.”

Aposol 26:18

Alia e hala sile goui lö tegona hatuts meraien lö u raranga i tar na tegi habirits ba menaien a man markato a man omi te here nei u kuhil. Alia e hala mena goui lö i taren tegi habirits uaien tara markato a niga te here nei u ualesala, ba lö tena habirits ba ramien a nitagala tere Satan ba nori te habirits uaier tere Sunahan. Ba lia te luba negou a man markato a man omi turu katuun te hamana ria i tar, ba nori te lue riou a makum i taren i gusuna u katuun te hopö kap berai e Sunahan a peisanen.’”

Aposol 5:3

Be Pita e poeiena i tanen, “O Ananias, aha tu hengo sile ii lö u hiamus tere Satan balö te gamoeiem u Namnamei u Göagono? Alö u pile kap pouts sil nai a hapalana moni ti hole ii u tsiktsiki, aha?

1 Korin 5:5

Na limiou go hakei mia a katuun teka i limana e Satan tegi kato homi menai a peisanen na markato a omi i tanen, be Sunahan te tatei lu poutsena romana u namnamei i tanen turu Lan Pan tara Tsunono i murimuri.

1 Korin 7:5

Möa tu peits nai a hahikapien i tamölö a peisamölö, kaba turu hia hanhaniga i tamilimiou ba limiou tema tatei hiakaka gono bumi bate singo hatagala uamiou tere Sunahan, ba limiou te töan ka gono pouts lel mou. E Satan ena mots torohana ranou limiou bate tara haroho miou.

2 Korin 11:14

E manana, e Satan e kato here has nai a peisanen a angelona turu ualesala.

2 Korin 12:7

Alia i hatare ii a man para a man hiharöto pan koru tere Sunahan. Nonei ema ngile ii tego hakats sesei menai lia a peisar, ba nonei e haniga nena tego sagoho menai lia a kamits i peisar. Nonei a kamits teka e here nei a katunun kui tere Satan te hakamitse noulia bate hatu kap nena tego hakats sesei koru menai lia a peisar.

2 Korin 2:11

Be Satan tema tatei gamo ranei ra. Ara e atei silera temar gamo mera neien u katuun.

Jemis 4:7

Ba limiou te haka putemiou a peisa milimiou tere Sunahan. Alimiou go tuol kakap neiam e Satan ba nonei te bus ba ranou limiou.

1 Pita 5:9

Ka hatagala mia turu nihamana i tamilimiou bate tuol kakap nemiou e Satan, taraha u toulamilimiou u kristen te ka ria tara mamana han i puta e sagoho haser a mar nikamits te sagohe milimiou.