Matiu 3:7 - U Bulunagana U Niga

⁷ Be Jon e tara rena u Parasi na u Sadiusi u parpara koru i la silema tegimi habaptais uen, ba nonei e poeiena i taren, “Alimiou u katunura tara kökötsi a omi, alimiou u katuun u gamogamo! Alimiou ema antunan bus ba namoi a raharaha tere Sunahan te butu nou!

Matiu 3:7 Iomraidhean Croise

Matiu 12:24

Pöata ti hengo naia u Parasi a ka teka ba nori e poeier, “Tara nitagala tere Belsebul, a tsunono turu liliahanei, ba nonei te antunan tsuga bara lala u liliahanei u omi.”

Matiu 12:34

Alimiou u katuun tara kökötsi. Ime te tatei mar ranga mena milimiou a manka man niga te katuun omi uamilimiou? A ka te kana turu tori, u rung te ranga halakasa nanen.

Matiu 15:12

Ba u katunun tsitsilo e la uarima i tanen memi poeier, “U Parasi ema hanigeri u raranga te katoe mula lö ba nori e raharahar.”

Matiu 16:1

Na tara pöata ti lama u Parasi na u Sadiusi tere Iesu. Ba nori e rangate rien tegi hatara meraien tu mirakol tego harötein a nitagala tere Sunahan.

Matiu 16:6

Be Iesu e poeiena i taren, “Alimiou go tarakap hanigaiam bate hanei silemou u is turu Parasi na u Sadiusi.”

Matiu 22:15

Ba u Parasi e lakasar mena hiararanganer ime tegi mar gamo menaien e Iesu tara man raranga i tanen.

Matiu 22:23

Nonei noahas turu lan ba u Sadiusi e la uarima tere Iesu. A pal katuun teka nori i pei e möa ta tou takei pouts tara tou mate. Ba nori i poeier tere Iesu, “Tson Hihatuts, i manasa e Mosis te poei, ‘Tega mateia ta tson bate möana ta pien, e toulanen e tatei tölena a amoaba, ba nori te hatuhaner romana ta pien tena luenou a solo tara tson te mate.’

Matiu 22:34

Ba pöata ti hengoeia u Parasi te rangau e Iesu turu Sadiusi, ba nori e kakamoto nitöar.

Matiu 23:33

“Alimiou u katunur tara kökötsi a omi na u gamogamo! E möa koru tego antunan bus ba mena milimiou romana a nihahuna i hel.

Matiu 5:20

Alia e hatei ragou limiou, te ngilin tasu mia limiou tara Nipepeito tere Sunahan, alimiou ego kukute hanigeiam u raranga i tanen, kaba te kukute mia limiou a markato turu tson hihatuts tara Lo na turu Parasi, alimiou ema antunan tasu moi tara Nipepeito tere Sunahan.”

U Bulungana u Niga tere Iesu Kristo te kolotein e Mak 12:13

Ba nori e tula rarima a palair u Parasi na palair u katuun tere Herot tegimi maman gamo menaien e Iesu ba nonei te ranga nena tu ranga tu omi tegi kout meien e Iesu.

U Bulungana u Niga tere Iesu Kristo te kolotein e Mak 12:18

U Sadiusi i la uama tere Iesu. Nori u katuun teka te rangar bate poeier u katuun ema takei pouts roi i murina a tou mate i taren.

U Bulungana u Niga tere Iesu Kristo te kolotein e Mak 8:15

Be Iesu e ranga hatagalana i taren tegima hengo menaien u hihatuts u gamo turu katuun me poeiena, “Tarakap haniga noaiam bate hanei silemiou u is turu Parasi na e Herot.”

U Bulungana u Niga tere Iesu Kristo te kolotein e Luk 16:14

U Parasi i hengoe a manka teka, ba nori e ranga hahakos ria tere Iesu. Taraha? Nori i ngil korui a moni.

U Bulungana u Niga tere Iesu Kristo te kolotein e Luk 18:11

A Parasi e tuol pepeisa me mar singo uana teka, ‘O Sunahan, alia e haniga uagu i tamölö te namala kato homi uagi lia te kato uaier a palair u katuun. Alia ema kopkop gi, nema gamogamo gi, nema tsikolo gi. Na lia ema kato homi has uagi te markato uana a lulu takis i tioum.

U Bulungana u Niga tere Iesu Kristo te kolotein e Luk 7:30

Kaba u Parasi na u tson hihatuts tara Lo i rama koruni u ngil tere Sunahan tima habaptais uaien tere Jon.)

U Bulungana u Niga tere Iesu Kristo te kolotein e Jon 1:24

Ba u Parasi ti hala rema

U Bulungana u Niga tere Iesu Kristo te kolotein e Jon 8:44

E tamamilimiou e Satan, alimiou e ngilin katoemiou a ka te ngile nen. Nonei a katunun a hihipuli noana i manasa, na ema tuol neia tara nimana, taraha e moa ta nimana i tanen. Na pöata te gamo nen, nonei e kukutiena a markato noahas i tanen, taraha nonei a gamogamo na nonei a mouna u mamana u gamo hoboto.

U Bulungana u Niga tere Iesu Kristo te kolotein e Jon 9:40

U Parasi ti ka hasukusukuia te kaien i hengo temar ranga uaien me poeier i tanen, “Alam be matakioum?”

Aposol 15:5

Kaba a palair u kristen tara pala turu Parasi i takei me poeier, “U katuun tema Jiu ri egi hapö bate kukutier a Lo tere Mosis.”

Aposol 20:31

Na limiou go hanei haniga nitöa iam. Alimiou go hakats sileiam a ka teka: turu topisa u hiningal nitöa, tara bong na tara lan, alia uma hanöa ii tu hatuts merai limiou hoboto a man tötöa. Alia u hatuts merai limiou a nitaatagi pan.

Aposol 26:5

Nori e solon atei siler tu ka uu lia turu Parasi, a pala te kukute hamatskö koruer u lotu i tarara. Nori e tatei hatei ner a ka teka turu ngil peisa i taren.

Aposol 5:17

Ba tsunono pan turu pris na u katuun ti ka gono meien, a pala turu Sadiusi, e hiomi koru ria turu aposol.

U pas te koloto menai e Pol turu kristenira i Rom 1:18

E Sunahan i Kolö e haröto nena nonei e raharaha rena u katuun hoboto te kato homir, u katuun te hatu kap ner u raranga u mana na man markato a man omi i taren, e Sunahan ena hahuna ranouen.

U pas te koloto menai e Pol turu kristenira i Rom 5:9

Ga ha te pei milimiou? E Iesu e kato berai ra a ka teka tara pöata ti omi noaia ra. Na nonei e kato hamatskö has raiara i matana e Sunahan tara tou mate i tanen. Na te kato beraien ra a manka teka, ba ra te tatei atei silera nonei e hatongo ranoua ra tara raharaha tere Sunahan.

1 Tesalonaika 1:10

Nori e hatei has rari lam, alimiou e hahalosemiou a Pien Tson i tanen, tena kopis pouts namen romana i Kolö. Nonei e Iesu, e Sunahan te hatakei poutseien tara tou mate i tanen. Nonei te hatongo kap ranoua ra romana tara pöata tara nihahuna, te butuna romana a raharaha pan tere Sunahan.

Hibru 11:7

Te hamana menai e Noa e Sunahan te ranga menaien a pöata a omi tega lama tema tara noei e Noa, e Noa e hengöe e Sunahan me kuiena a tolaala, te niga sila gono meraien a galapien i tanen. Ba nonei e haröto nena te hahuna merai e Sunahan u katuun i puta ti hahamana uaien, be Sunahan e ngöe neien a katuun a matskö te hamana uaien.

Hibru 6:18

Na u huol u rangan hamana teka ema tatei palis nei, na e Sunahan ema tatei gamo has naneien. Na ka teka e hatagala koruena a torirara, ara u katuun ti la uu tere Sunahan tego hatongo kap meraien ra, bara te pile hakarapoto nera a markato te hamana sil mena rei ra a nihitaguhu tere Sunahan.

1 Jon 3:10

A ka teka e haröto nena a katuun te pien uana tere Sunahan na katuun te pala uana tere Satan: a katuun tema kato haniga nei ema pien uanei tere Sunahan. Na katuun tema ngile nei a hahatoulana i tanen ema pala has uanei tere Sunahan.