Matiu 3:2 - U Bulunagana U Niga

² Ba nonei e poeiena, “Alimiou go palis ba naiam a man markato a man omi. A Nipepeito tere Sunahan e sukusuku hakapa.”

Matiu 3:2 Iomraidhean Croise

Matiu 10:7

Ba limiou tena habulungana namiou u raranga teka: ‘A Nipepeito tere Sunahan e sukusukuna!’

Matiu 11:20

Be Iesu e tanian ranga sisi rena u katuun tara man taun te katoe men a man mirakol a man parpara. Taraha, nori ima tori polasa banai a man markato a man omi i taren.

Matiu 12:41

Pöata te butu noa u lanin hahuna, ba u katunura i Ninive te tuol roa turu kout bate hatei ner a markato a omi turu katunura i romana. Taraha, a tei Ninive i hengoe u raranga tere Jona me hapolaser a man markato a man omi i taren. Na töa katuun te pan bala nena e Jona e kana teka.

Matiu 13:11

Be Iesu e ranga palis ranen, “Alimiou e atei silemiou u ranga momous tara nipepeito kapanina i Kolö. Kaba nori ema ateiri.

Matiu 13:24

Be Iesu e ranga mera nei u katuun u taina u haharuei me poeiena, “A Nipepeito tere Sunahan ega herei a katuun te tsihasein a ngalin wit a niga tara kui i tanen.

Matiu 13:31

Be Iesu e hatei raneien u taina u haharuei me poeiena, “A Nipepeito tere Sunahan e here nei u ngalin mastet, te tetenei koruna. Ba katuun e lue nen bena tsihasa nanen tara kui i tanen. Ba tara pöata te pan ien, e pan bala koru lenin a man kaan leba hoboto, bate butu here nei u ruei. Ba u apena te la rima batemi katoeria a man suhana tara man kalan ruei i tanen. Na Nipepeito tere Sunahan e tania hatetenei hasina batena töan pan susuluna.”

Matiu 13:33

Be Iesu e ranga mera neien u taina u haharuei me poeiena, “A Nipepeito tere Sunahan e here nei u is te luena a tahol bate sohale neien a töa taram palaua, ba i murinen ba palaua hoboto te la seina.”

Matiu 13:47

E Iesu e ranga lel me poeiena, “Na Nipepeito tere Sunahan e here nei a abe te lapo naria i tasi bate soohena a mamana mar iena.

Matiu 13:52

Ba nonei e poeiena i taren, “U tson hihatuts hoboto tara Lo, na limiou u katunun tsitsilo has i tar tara Nipepeito tere Sunahan, alimiou e heremi a katuun terena luma te lue nama a manka a man tsimus na manka man toutounei tara makumun haputu i tanen.”

Matiu 18:23

“E markato uana teka, a Nipepeito tere Sunahan e herenei a king te katsin hakapena a haroho turu katunun pepeitokap i tanen.

Matiu 20:1

Be Iesu e poeiena, “A Nipepeito tere Sunahan e here nei a katuun terena kuin grep te la bongbong silena tegona sake menaien ta katuun tegona kui ia tara kuin grep i tanen.

Matiu 23:13

E Iesu e ranga lel me poeiena, “Alimiou u tson ateira tara Lo na limiou u Parasi, a nomi pan e butu noa i tamilimiou! Alimiou u gamogamo, na limiou te ron hatu kap ramiou u katuun tegi tasu uen tara Nipepeito tere Sunahan, na limiou pouts has ema antunan tasumi.

Matiu 25:1

Be Iesu e ranga lelna turu katunun tsitsilo i tanen me poeiena, “Pöata te butu nama romana u lan tego la pouts ma a Tsunono, ba Nipepeito tere Sunahan te here namei romana a maloto a tahol a kukubei ti lui a man lam i taren bate la siler tegina tara menaien a tson tego hitöl.

Matiu 25:14

Be Iesu e poeiena, “A Nipepeito tere Sunahan e here hase nei romana a katuun te katsin laba nena a han i tanen bate lauana i lehana. Ba nonei te ngö gögono rena u tson pepeito kap i tanen bate hataratara kap raneien a mamanaka i tanen.

Matiu 4:17

Nonei tara pöata teka, e Iesu e tanian habulunganein a man raranga i tanen ba e poeiena, “Alimiou go palis ba naiam a man markato a man omi! Taraha, a Nipepeito tere Sunahan e sukusuku hakapa.”

Matiu 4:23

E Iesu e hula laia tara man han hoboto i Galili, me hihatutsna tara man luman lotu turu Jiu. Nonei e hihatutsin u Bulungana u Niga tara Nipepeito tere Sunahan bate kato haniga pouts has raiena u katuun ti ka mei a mamana mar siki.

Matiu 5:10

Na u katuun te kato hamatskö ria i matana e Sunahan ba palair u katuun te kato homi raren egi sasaala. E Sunahan e ngö ranoien u katunun sasaala, taraha a Nipepeito tere Sunahan e ka uana i taren.

Matiu 5:3

Ba nonei e poeiena, “U katuun te kato hateteneier a peisaren egi sasaala. E Sunahan e ngö raneien u katunun sasaala, taraha a Nipepeito tere Sunahan e ka uana i taren.

Matiu 6:10

Alö gomi tsunone rilam. Alam go maniata uu i tamölö i puta te maniata has uar i tamölö i Kolö.

Matiu 6:33

Kaba limiou go hakats mam naiam a Nipepeito tere Sunahan na manka te matsköna i matanen. Ba mamanaka hoboto teka, te hala hanigan töa raroui limiou.

U Bulungana u Niga tere Iesu Kristo te kolotein e Mak 1:15

Ba nonei e poeiena, “A pöata e sukusuku hakapa, a nipepeito tere Sunahan e sukusuku nama. Palis ba naiam a man markato a man omi i tamilimiou bate hamana mia turu Bulungana u Niga.”

U Bulungana u Niga tere Iesu Kristo te kolotein e Mak 1:4

E Jon a tsonun baptais e lama tara makum a palaka memi habulungana nena u rarangana tegi baptais merai u katuun me poeiena, “Habirits ba naiam a man markato a man omi i tamilimiou bate habaptais miou, be Sunahan te luba nanou a man markato a man omi i tamilimiou bate tara pouts ranou limiou.”

U Bulungana u Niga tere Iesu Kristo te kolotein e Mak 6:12

Ba maloto na huol a katunun tsitsilo e lar mena hahatei ner tegi palis menai u katuun a man markato a man omi i taren.

U Bulungana u Niga tere Iesu Kristo te kolotein e Luk 1:16

Nonei e habirits pouts mera noi u katuun u parpara ri Israel tere Sunahan a Tsunono i taren.

U Bulungana u Niga tere Iesu Kristo te kolotein e Luk 11:20

Kaba te tsuga ba ragia lia u liliahanei u omi tara nitagala tere Sunahan, ba ka teka te hatara nena a Nipepeito tere Sunahan e la hakapa uama i tamilimiou.

U Bulungana u Niga tere Iesu Kristo te kolotein e Luk 13:3

E möa koru lasi. Ga lia e hatei ragi limiou, tema palis ba namoui limiou a man markato a man omi i tamilimiou, ba limiou hoboto te mate has mou!

U Bulungana u Niga tere Iesu Kristo te kolotein e Luk 13:5

E möa has. Na lia e hatei ragou limiou, tema palis ba namoui limiou a man markato a man omi i tamilimiou, ba limiou hoboto te mate has mou!”

U Bulungana u Niga tere Iesu Kristo te kolotein e Luk 15:10

Be Iesu e poeiena, “Na lia e ranga mera goulimiou, e markato has uana iesana, u angelo tere Sunahan e sasaala koru has meriou a töa katuun a omi te palis banena a man markato a man omi i tanen.”

U Bulungana u Niga tere Iesu Kristo te kolotein e Luk 15:7

Be Iesu e poeiena, “Na lia e ranga mera goulimiou, e markato has uana iesana, i Kolö e sasaala koru has meriou a töa katuun a omi te palis ba nena a man markato a man omi i tanen. Na nisasaala teka e pan bala nanou a markato te sasaala mena rouien a 99 tara katuun a niga.”

U Bulungana u Niga tere Iesu Kristo te kolotein e Luk 16:30

Ba tson moni e poeiena, ‘O Tamar, e möa tegi kato menaien romana a ka teka. Kaba tega töatöa poutsia a katuun te mate bate la uana i taren, ba nori te töan hakape riou a man markato a man omi i taren.’

U Bulungana u Niga tere Iesu Kristo te kolotein e Luk 21:31

Na e kato has uana iesana, pöata te tare mia romana limiou a manka teka, ba limiou te atei sil hase mou a Nipepeito tere Sunahan e susukun butu nama.

U Bulungana u Niga tere Iesu Kristo te kolotein e Luk 24:47

Na ka teka i koloto hasiin: u bulungana egi hatei la naia turu hun katuun hoboto i puta bate taniana i Jerusalem. Ba u katuun te palis ba ner a man markato a man omi bate hamana uaier tere Mesaia, e Sunahan e tatei luba nena a markato a omi i taren.

U Bulungana u Niga tere Iesu Kristo te kolotein e Luk 6:20

E Iesu e tara uu turu katunun tsitsilo i tanen me poeiena, “Sasaalaiam, alimiou ti möa ta ka. Taraha? A Nipepeito tere Sunahan e ka uana i tamilimiou!

U Bulungana u Niga tere Iesu Kristo te kolotein e Luk 9:2

Ba nonei e hala mera neien tegina hihatutsla menaien a Nipepeito tere Sunahan na tegina kato haniga pouts meraien u katuun.

Aposol 11:18

Pöata ti hengoien u ranga tere Pita, ba nori e haniga korue ren. Ba nori e soloseier e Sunahan me poeier, “U mana, e Sunahan e haniga hasir u katuun tema Jiu ri tegi habirits ba menaien a man markato a man omi ba nori te töatöa has riou!”

Aposol 17:30

E Sunahan e tara hahalongolo tunir u katuun tara pöata i manasa ti tutu ien. Kaba i romana nonei e hatei renei u katuun tara man han hoboto egi hakapa korui a man markato a man omi na u hakats u omi i taren.

Aposol 2:38

Be Pita e poeiena i taren, “Hapolasa ba neiam a man markato a man omi na man hakats a man omi i tamilimiou ba limiou tena habaptais mia tara solona e Iesu Kristo ba man markato a man omi i tamilimiou te luba nariou ba limiou te lue miou u Namnamei u Göagono i tanen.

Aposol 20:21

Alia u hatei hatagalein u ranga tara pal katuun i tar u Jiu na i tamilimiou has u Grik, tego habirits uaiam limiou tere Sunahan, na tego hamana has uaiam limiou tara Tsunono i tarara e Iesu Kristo.

Aposol 26:20

Alia u la mam uu i Damaskus mena hatei ragi u katuun tegi hakapa menaien a man markato a man omi na man hakats a man omi i taren bate habirits uaier tere Sunahan, na tegi kato menaien a manka te haröto nena ti hakapa koru menaien a markato a omi na u hakats u omi i taren. Na lia u kato has uu iesana i Jerusalem na tara man han hoboto i Judia na turu katuun has tema Jiu ri.

Aposol 3:19

Paliseiam u hakats i tamilimiou bate habirits ua miou tere Sunahan, be Sunahan te luba nanou a man markato a man omi i tamilimiou.

2 Korin 7:10

A nitaatagi na nimatsingolo te roron halanena e Sunahan e kato rena u katuun bate habirits ba ner a markato a omi be Sunahan te lu pouts ranen. A nitaatagi teka ema kato homie nei a katuun. Kaba a nitaatagi na i puta turu tsiktsiki teka e habutena romana a tou mate.

Kolosi 1:13

Taraha, nonei e luba raiara tara nitagala turu kuhil me haka renara tara nipepeito tara Pien Tson i tanen te ngil korue nen.

2 Timoti 2:25

Bate tuatami merena u katuun te tori tsuga ner u raranga i tanen bate hamatskö ranen. E Sunahan te tatei haniga nanou tegi palis uen bate atei siler u raranga u mana.

Hibru 6:1

Aragi hatakui talei a man hihatuts pan bate hapolasera a markato te taatate tuun menari a man hihatuts tutuun tere Kristo. Ara i solon atei sil hakapi a man hihatuts tutuun teka, hena: Aragi habirits ban a markatona i tarara i manasa tema la gono menei a nitöatöa tere Sunahan, na aragi hamana uu tere Sunahan, na aragi kukute u hihatutsina te lu menari a baptais na te hatakopo menari ualima tara katuun, na ragi kukute u hihatutsina te takei pouts uaria tara tou mate na u hihatutsina te lu menari a nihahuna te ka nitöana. Kaba, ra gima tatei kaan töa mei a man raranga tutunina i manasa. E möa.

2 Pita 3:9

A Tsunono ema hamokomoko nei tega kato menaien a manka te ranga hamana naien tega katoeien, temar hakats uaier a palair u katuun. E möa. Nonei e hahaloso ranou limiou, taraha nonei ema ngile nei ta töa ta katuun ega taia, kaba e ngilena u katuun hoboto egi habirits ban a man hakats na man markato a man omi i taren.

Revelesin 2:21

Alia u haleien a pöata tego palis ba menaien a markato a omi i tanen, kaba nonei e rama.

Revelesin 2:5

Hakats kap tala naiam a markato a nigana i manasa tu rus ba naiam limiou. Paliseiam a man markato a man omi i tamilimiou bate markato haniga pouts uamiou tu kato uaiam limiou i manasa. Te möa nen, alia e la guma romana batemi luba ragi limiou u lam tara makum i tanen.