Matiu 3:12 - U Bulunagana U Niga

¹² Nonei e katsin kato hamanasena a toukuin hamou turu wit. Nonei e lu kaakata ranou u katuun u niga na u katuun u omi. Nonei e haka ranoa u katuun u niga tara han a niga, ba nonei te tsuga mera noi u katuun u omi turu tula tema antunan hoso nari.”

Matiu 3:12 Iomraidhean Croise

Matiu 13:30

Hakeiam u wit na u pulung u omi egi pan hoboto antunana tena tangoho noa u wit. Ba lia te ranga meragou u katuun tena gone riou a kannou a tangoho, pate mam meiam u pulung u omi bate kits ramen batena lapo ramen turu tula. Ba limiou te töan gone miou u wit batena haka ramen tara luman haputu kannou i tar.’”

Matiu 13:41

Alia tu butun Katunuma e hala raguma romana u angelo i tar, ba nori temi luer romana a mamana katuun te roron kato homir na u katuun has te tuke rer a palai bate kato homir, bate luba raria romana tara Nipepeito i tar.

Matiu 13:42

Ba nori te lapo merari romana turu pannen u tula. Ba nori te tabe hohomi ria romana turu tula teka bate har hasir.

Matiu 13:43

Ba u katuun u matskö te alesala hereri romana a pitala tara Nipepeito tere Tamaren. Na lö a katuun te ka mem u talinga alö go hengo haniga!”

U Bulungana u Niga tere Iesu Kristo te kolotein e Luk 3:16

Be Jon e poeiena i taren hoboto, “Alia e baptais ragi limiou u ramun tuun, kaba a töa katuun te pan bala nanou lia ena la nama romana. Alia ema antunan hakoul has nagoi u sendol i tanen. Nonei te baptais ranoui limiou romana u Namnamei u Göagono na u tula.

U Bulungana u Niga tere Iesu Kristo te kolotein e Luk 3:17

Nonei e katsin lu kata rena u katuun u niga na u katuun u omi, temar hapiraka menari a pem na ngal. Nonei e haka ranoua u katuun u niga tara han a niga, ba nonei te tsuga mera noui u katuun u omi turu tula tema antunan hoso nari.”

U Bulungana u Niga tere Iesu Kristo te kolotein e Jon 15:2

Nonei e luba nena a man hikalanin grep i tar tema hua nei. A mamana hikalan te huana nonei e kato hagogoso sile neien tego hua hapara lel uen.