Matiu 3:11 - U Bulunagana U Niga

¹¹ “Alia e baptais ragi limiou u ramun tuun, e hatara nena alimiou u habirits ba hakapa naiam a man markato a man omi i tamilimiou. Kaba a katuun te la hamurimuri nama romana i tar e pan bala koru nanou lia. Nonei a tsunono pan, na lia a katuun papala koru ema antunan söata nagi u sendol i tanen. Nonei te baptais ranoui limiou u Namnamei u Göagono na u tula.

Matiu 3:11 Iomraidhean Croise

Matiu 3:6

Ba nori e pokeier a man markato a man omi i taren, ba nonei e baptais ranen tara ramun i Jodan.

U Bulungana u Niga tere Iesu Kristo te kolotein e Mak 1:4

E Jon a tsonun baptais e lama tara makum a palaka memi habulungana nena u rarangana tegi baptais merai u katuun me poeiena, “Habirits ba naiam a man markato a man omi i tamilimiou bate habaptais miou, be Sunahan te luba nanou a man markato a man omi i tamilimiou bate tara pouts ranou limiou.”

U Bulungana u Niga tere Iesu Kristo te kolotein e Luk 1:17

Ba nonei te mam nanou romana a Tsunono bate ka menou a markato na nitagala te ka mei e Ilaitsa a propet. Na nonei ena nolo pouts ranou a man munmun tamana, bate habirits ranou u katuun u hihipus ba nori te töan hakats hanigar temar hakats uaier u katuun u niga. Na nonei e kato hamatskö ranou romana u katuun i mam tegona lama a Tsunono, ba nori te hahalose rouen.” A angelo e mar ranga uu teka.

U Bulungana u Niga tere Iesu Kristo te kolotein e Luk 3:16

Be Jon e poeiena i taren hoboto, “Alia e baptais ragi limiou u ramun tuun, kaba a töa katuun te pan bala nanou lia ena la nama romana. Alia ema antunan hakoul has nagoi u sendol i tanen. Nonei te baptais ranoui limiou romana u Namnamei u Göagono na u tula.

U Bulungana u Niga tere Iesu Kristo te kolotein e Luk 3:3

Be Jon e lauana tara mamana han i rehina Ramun i Jodan me mar hihatuts uana teka, “Palis ba naiam a man markato a man omi bate habaptais miou, be Sunahan te luba nanou a man markato a man omi bate tara pouts ranou limiou.”

U Bulungana u Niga tere Iesu Kristo te kolotein e Jon 1:15

E Jon e ku hatei naien turu katuun me poeiena, “Nonei a katuun teka tu rangein lia tu pei menai lia, ‘A töa a katuun e kukute nama romana i murir nonei a katuun te pan bala koru nanou lia, taraha nonei e ka mam noahas naiou lia tara Tantania.’”

U Bulungana u Niga tere Iesu Kristo te kolotein e Jon 1:30

Nonei a katuun teka tu rangein lia bate poeiegu, ‘A töa katuun e kute nama romana i tar, nonei te pan bala nanou lia, taraha nonei te tuhana mam naiou lia.’

Aposol 1:5

E Jon e baptais ria u katuun u ramun, kaba ema lehana noi ba limiou tena habaptais moua romana turu Namnamei u Göagono.”

Aposol 19:4

Be Pol e poeiena, “Pöata te baptais raia e Jon u katuun ba nonei e poeiena, ‘Habirits ba naiam a man markato a man omi i tamilimiou.’ Ba nonei e hatei raneien tegi hamana uaien tara katuun te kute nama i tanen, nonei e Iesu.”

Aposol 8:36

Pöata ti la noaien i maroro ba nori ena butu ria tara töa ramun, ba tson pepeito teka e poeiena, “Röto, a ramun teka. Aha te hatu kap na noulia tego habaptais uu lia?” Be Pilip e poeiena, “Te ka memialö a nihamana i torimölö, alö e antunan habaptaisim.” Ba nonei e ranga palisina me poeiena, “Alia e hamanegu e Iesu Kristo nonei a Pien Tson tere Sunahan.”

Aposol 8:38

Ba nonei e hagumena a karis, be Pilip na nonei a tson pepeito e koul uaier tara ramun, be Pilip e baptais nen.

1 Korin 12:13

Na u töa u Namnamei ti habaptais iara hakapan töa me katoeiera u töa u tuenrei. U Jiu, na u Grik, na u katunun kukui puku, na u katuun tema kukui puku has ri. Ara hoboto i haua raia turu töa u Namnamei tere Sunahan.

Epesis 3:8

Alia e ka puta koru gia turu katuun hoboto tere Sunahan. Kaba e Sunahan e taatagi naiou lia me hale ne lia a toukui tego hahatei merai lia alimiou u katuun tema Jiu ri a manka a man kapan te nigana tere Kristo, bate haröto has ragi u katuun hoboto temar butu hamana uanou u raranga te hamouseier tere Sunahan. E Sunahan te habuti a mamanaka, e hamous u raranga teka tara man pöata i manasa noa.

Taitus 3:5

ba nonei e lu pouts ranou ra. Nonei ema lu pouts meraira tegi kato menaira ta markato ta matskö. E möa! Kaba tara nitaatagi i tanen ba nonei e lu pouts ranoura. Nonei e galus ban a man markato a man omi i tarara ba u Namnamei u Göagono e hala ranera a nitöatöa a tsimus.

1 Pita 5:5

Na e markato has uana iesana, alimiou u katuun u hitots ego hala puteiam a peisa milimiou turu katuun u kapan. Na limiou hoboto ego hateteneiam a peisa milimiou bate hiatagtaguhumiou. Taraha, u Buku u Göagono e poeiena, “E Sunahan e tokitoki rena u katuun te hangiser, kaba nonei e taguhu rena u katuun te hateteneier a peisaren.”