Matiu 28:9 - U Bulunagana U Niga

⁹ Be Iesu e sabe ranen i maroro me hatsi bongbong ranen. Ba nori e la uarima i tanen, memi pile ria i mounen me hatsunone ren.

Matiu 28:9 Iomraidhean Croise

Matiu 14:33

Ba u katunun tsitsilo ti kaia tara tolaala e hatsunoner e Iesu me poeier, “U mana koru, alö a Pien Tson tere Sunahan!”

Matiu 23:7

Nori e roron ngiler u katuun egi hapan raien tara makumun töana, na nori e ngil haser u katuun egi ngö raien u Rabai.

Matiu 28:10

Be Iesu e poeiena i taren, “Ma matoutmi. La iam batena ranga meramiou a man hahatoulana i tar bate la uar i Galili, nori ena tare roa lia ili.”

Matiu 28:17

Ba nori e tareier e Iesu me hatsunone ren, kaba palai i tareien me hula hakatsir.

Matiu 28:8

Ba nori e la boroboro ba tuun ner a kiou, nori i matout kaba i ka noahas mei a nisasaala pan, me piata tunur tina hatei meraien u katunun tsitsilo i tanen.

U Bulungana u Niga tere Iesu Kristo te kolotein e Luk 1:28

Ba angelo e la uanama i tanen me poeiena, “O Maria, a Tsunono e ka gono meno lö na nonei e ngil korue noulö.”

U Bulungana u Niga tere Iesu Kristo te kolotein e Luk 24:52

Ba nori e hatsunone ren me la pouts mer a nisasaala pan i Jerusalem.

U Bulungana u Niga tere Iesu Kristo te kolotein e Luk 7:38

Ba nonei ena tuolna i rehina e Iesu i pal mounen ba nonei e tabena me hapuluse nei a man mouna e Iesu u sulunmata i tanen. Ba nonei e hapalake nei a man mounen a hulunen, me mutsie nen, me tsue nei a man mounen u uapi u soksoka.

U Bulungana u Niga tere Iesu Kristo te kolotein e Jon 12:3

Ba e Maria e luena a botolo uapi a soka hanigantöa a hihol i tanen te la sei koruna, ti kuiei u ka te ngöri u nat. Ba nonei e kis nanen i mouna e Iesu me sahe nei a mounen a hulunen. A luma e saputi a sokan masina turu uapi.

U Bulungana u Niga tere Iesu Kristo te kolotein e Jon 20:19

Nonei noahas turu lan, alam u katunun tsitsilo u matoutir u Jiu, me hapili raiem u tamana tara luma tu kaia lam. A pitala e tsiruku hakapa nonei turu lan tutuun turu wik teka, be Iesu e butuna me tuolna i gusu mulam me poeiena i tamulam, “A masalohana e tatei ka gono mera noulimiou.”

U Bulungana u Niga tere Iesu Kristo te kolotein e Jon 20:28

Be Tomas e ranga palis uana i tanen me poeiena, “O Tsunono na e Sunahan i tar!”

2 Korin 13:11

Matsi hahatoulana, alia e hakapa talegu u raranga i tar. Alimiou go torohana hatagala koruiam tego matskö koru uaiam limiou. Hengo taleiam u raranga i tar. Na limiou go hia tangtanganaiam bate ka haniga hobotomiou. Alimiou go markato uaiam teka be Sunahan te ka gono mera nou limiou, taraha nonei a mouna a markato te hiangilngil uaier na te hiakaka haniga uaier.

Revelesin 3:9

Na pal katuun tere Satan te gamor bate poeier nori u Jiu kaba ema Jiu ri, alia e kato ragoien, ba nori tena hatukun roua i matamilimiou bate tara marei riou alia e ngil koru ragou limiou.