Matiu 28:2 - U Bulunagana U Niga

² Ba nun a tagala e songots gasina, taraha a angelo tara Tsunono e lama i Kolö me hategele ba nena a hatu, me gumna ielunen.

Matiu 28:2 Iomraidhean Croise

Matiu 27:60

Mena hakeie nen tara kiou hamatskö i tanen te hakaho naien turu lapo. Ba nonei e hategele tupe nei a matana kiou a töa hatu pan me lana.

Matiu 27:66

Ba nori e lar, mena harokoto kap ner a hatun pilpili na tara kiou, ba nori e haka rer a palair u soldia tegi taratara kapiin a kiou.

U Bulungana u Niga tere Iesu Kristo te kolotein e Jon 20:1

Tara bongbong koru turu lan tutuun turu wik te kuhil noaia a ka, be Maria Matalina e la uana tara kioun mate. Ba nonei e tarena a hatu ti hapili kap nai a kiou i lubana ii a matana a kiou.

Aposol 16:26

Ba töa nun a pannen koru e songots butuna me gas hapanena a luman karabus me tagas hanöa nitöa nama i kopina u tul tara luma. Ba man tamana hoboto e takalatar, na u tsien i tapurese ba hasir a mour u karabus me rusur.

Aposol 5:19

Kaba tara bong ba angelo tara Tsunono e kalatena a tamana tara luman karabus me halakasa rena u aposol me poeiena i taren, “Na tuol mia iahana Luman Lotu Pan bate hatei rami u katuun u raranga hoboto tara markato a tsimus teka.”

1 Timoti 3:16

Na ra hoboto e hia hanhaniga ner u lotu i tarara e ka mena a mamanaka a niga koru te haröto halakasa ner: E Kristo e butun Katunuma. U Namnamei u Göagono e harötein te matskö uanen. U angelo i tareien. U katuun i habulungana naien turu han hoboto. U katuun e hamana uaier i tanen. E Sunahan e lu pouts menaien i Kolö.

1 Pita 1:12

E Sunahan e haröto raien a toukui i taren, kaba egoma ka sile ii tega taguhu pouts meraien, ega ka sil tega taguhu meraien limiou. Na manka teka i habulungana has menai i tamilimiou. E Sunahan e haleiema u Namnamei u Göagono bate haranga rena u katuun ti habulunganen u Bulungana u Niga i tamilimiou. Na u angelo has e ngil koruer tegi atei sil menaien a manka teka.

Revelesin 11:19

Ba pöata ti ranga hakapa ien, ba Luman Lotu Pan tere Sunahan i Kolö e kalater, ba lia e taregu a bokis te ka mei u rangan kits. Ba u gururu na u kanaha na nun e butu nama na man palaina manka te olongo hasima, ba aisina tara langits a tiama e rus uana i puta.