Matiu 27:2 - U Bulunagana U Niga

² Ba nori e kitse rien a tsien me la menarien tere Pailat a gamman.

Matiu 27:2 Iomraidhean Croise

Matiu 20:19

Ba nori te hala lel naroa lia turu katuun tema Jiu ri, ba nori tena hahakos ria i tar bate lahuse riou lia, bate nila naria lia tara kuruse. Ba turu hatopisana u lan balia te takei pouts gia romana tara tou mate.”

Matiu 28:14

Na te hengo nanoa a gamman a ka teka, alam e tatei hale mien tu raranga tu niga, ba limiou te möa mou ta niomi.”

U Bulungana u Niga tere Iesu Kristo te kolotein e Luk 13:1

Nonei tara pöata teka, a palair u katuun ti ka, i hahatei e Iesu e Pailat e ha atung hamatir u katunura i Galili tara pöata ti haats uaien tere Sunahan.

U Bulungana u Niga tere Iesu Kristo te kolotein e Luk 20:20

Nori i tara kap nitöa nen me hol raier u katuun u gamogamo me hala hamous rari men tegimi tara kap menaien. U katuun teka i gamo me katoeier u harangata u parpara tere Iesu. Nori i ngil e Iesu ega kato tu ranga tegi kout meien bate hala naren tara nitagala tere gamman.

U Bulungana u Niga tere Iesu Kristo te kolotein e Luk 23:1

Ba u katuun hoboto e taker me la menari e Iesu i matana e Pailat.

U Bulungana u Niga tere Iesu Kristo te kolotein e Luk 23:12

E Pailat na e Herot i hiapalpal mam, kaba nonei turu lan teka nori i hiakaka haniga pouts.

U Bulungana u Niga tere Iesu Kristo te kolotein e Luk 3:1

Turu hamaloto na u tolima u hiningal te gamman pania e Taibirius i Rom, nonei has a pöata te tanian hihatutsia e Jon. Be Pontias Pailat te gamman na i Judia, na e Herot i Galili, be toulanen e Pilip te tara kap nena a provins i Ituria na i Trekonaitis. Be Laisenias te tara kap nena i Abilin.

U Bulungana u Niga tere Iesu Kristo te kolotein e Jon 18:12

Ba kapten turu ami na u soldia i tanen na u katunun taratarakap tara Luman Lotu Pan e pile kap ner e Iesu me kits naren, ba nori e piou mam narien tere Anas. E Anas nonei a halis a tson tere Kaiapas, a tsunono pan turu pris turu hiningal teka.

U Bulungana u Niga tere Iesu Kristo te kolotein e Jon 18:24

E Iesu e ka noa mei a kits, be Anas e hala mena neien tere Kaiapas, a tsunono pan turu pris.

U Bulungana u Niga tere Iesu Kristo te kolotein e Jon 18:28

Tara lunlan koru ba nori e laba ner a luma tere Kaiapas mena piou naria e Iesu tara luma tere Pailat a gamman. Ba u Jiu ema la sokö uari iahana luma, taraha a lo i taren e poeiena, a katuun te tasuna iahana luma tara katuun halhal turu Jiu ema antunan noue nei a kannouna turu Paska turu Jiu.

Aposol 12:6

Tara bong i mamina u lan tega la uu e Pita turu kout, e Pita e opöia i gusuna a huol a soldia. Nori i kitseien a huol a tsien, na u soldia i tuol hasia tara tamana bate tara kap ner a luman karabus.

Aposol 21:33

Ba tsunono turu soldia e lana tere Pol me pile kap nanen ba nonei e ranga merena u soldia i tanen tegi kits menien a huol a tsien. Ba nonei e rangatana, “Esi nonei teka, na ha te katoe lalen?”

Aposol 22:25

Kaba tara pöata ti kitseien a lete, be Pol e ranga mena a töa kapten te tuol ia i rehinen me poeiena, “A lo ema haniga nanei tego lahus menai lö a toun Rom tema la noa uaneien turu kout.”

Aposol 22:29

Ba pal tson ti katsin rangateien bate lahuse ren e la hatoumuri ba naren. Na tsunono e matout has tara pöata te sabe ien e Pol nonei a toun Rom, taraha nonei e kits hakapeia e Pol a tsien.

Aposol 24:27

U huol u hiningal e la hakapa, be Posius Pestus e palisena e Piliks tara toukui i tanen. E Piliks e ngilir u Jiu egi haniga uu i tanen ba nonei ema hapurese ba nanei e Pol tara karabus.

Aposol 28:20

Nonei a ka teka te ngö gögono sil mera gi lia alimiou bate ngilin ranga gono mera goulimiou. Taraha, nonei a nihamana te kame gulia tara katuun te hahaloser u katunura i Israel te kits sile gia lia tara tsien teka.”

Aposol 3:13

A Sunahan tere Abraham mere Aisak na e Jekop na u tuburara i hala sei a solona a katunun kui i tanen e Iesu. Nonei a katuun teka tu hala mena milimiou turu katuun ti paköeien. Na e Pailat a gamman e ngilin purese e Iesu bate lana, kaba limiou u tori tsuga namen i matana e Pailat.

Aposol 4:27

Na ka teka e butuia i Jerusalem. U mana koru, e Herot a King na e Pontias Pailat a gamman i gono hoboto mer a pal kapan i tamulam u Jiu na u katuun halhal. Nori i gono hobotoia tara taun teka tegi kato homi menaien e Iesu, nonei a katunun kui a Göagono i tamölö tu hopö kap mamin lö tego Mesaia.

1 Timoti 6:13

Alö go pile hakarapotein u raranga tere Sunahan batema kamenei tu korkoriana e antunana tena la pouts nama romana e Iesu Kristo te ranga hanigein u raranga u mana i matana e Pontias Pailat. Alö go hengo hanigei u raranga tere Sunahan, ba u katuun tema tatei ranga homi naroi lö. Alö go markato uu teka e antunana tara pöata te butu pouts nama romana e Iesu Kristo a Tsunono i tarara.

2 Timoti 2:9

U Bulungana u Niga teka te sagoho sila nagia lia a kamits tara luman karabus. Nori e kits here nari lia a kopkop, kaba u bulungana tere Sunahan ema tatei kits nari.

Hibru 13:3

Ma solopala rami u katuun te ka ria tara karabus. Hakats here rami alimiou e ka gono mera men tara karabus. Hakats sil has raiam u katuun te kato hakamits raier, kato here has rami u katuun e kato hakamits has rariou limiou.