Matiu 27:19 - U Bulunagana U Niga

¹⁹ Tara pöata te gum noaia e Pailat turu kout, ba tahol i tanen e hale neien u raranga me poeiena, “Alö goma katoei ta ka tara katuun teka. Alia e tare gulen turu sinasoho i tar i bong, balia e toku korugu. Taraha nonei e möa ta töa taka ta omi i tanen.”

Matiu 27:19 Iomraidhean Croise

Matiu 1:20

E Josep e hakhakats noa hasin a ka teka, ba töa angelo tara Tsunono e butuna i tanen turu sinasoho me poeiena, “O Josep, a hatutubunei tere Devit, alö goma matout ii tego lu menai lö e Maria a tahol i tamölö. Taraha, nonei e pikana turu Namnamei u Göagono.

Matiu 2:19

I murina te mate hakapaia e Herot, ba töa angelo tara Tsunono e butuna turu sinasoho tere Josep i Itsip.

Matiu 2:22

Kaba e Josep e hengoen te lu menai e Akelaus a makum tere tamanen e Herot, me king nena a provins i Judia. Be Josep e matout koruna. Na turu tana u sinasoho e Sunahan e hateien nonei goma la uai i Judia, ba nonei e la uana tara provins i Galili.

Matiu 27:18

Nonei e atei sil a saha ka tina hala sileien e Iesu i tanen, taraha nori i hiomi.

Matiu 27:24

E Pailat e atei sili nonei ema antunan kato len nai taka, na u katuun i tanian hiagetageta hamanasa. Ba nonei e luena u ramun me galusena a limanen i matar u katuun hoboto, me poeiena, “Alia u möa ta ka ta omi tego ha atung hamate sil mei lia a katuun teka! A ka peisa i tamilimiou.”

Matiu 27:4

Ba nonei e poeiena, “Alia u kato a markato a omi koru ti hala menai lia a katuun tema kato homiei ta töa taka, ba nonei tena mate nou!” Ba nori e poeier, “Ema ka uanei i tamulam. A ka i tamölö pepeisa.”

U Bulungana u Niga tere Iesu Kristo te kolotein e Luk 23:41

Taraha? E palisena a markato a omi ti kati ra. Kaba a katuun teka ema katoe ii ta ka ta omi.”

U Bulungana u Niga tere Iesu Kristo te kolotein e Luk 23:47

Ba katuun pan turu soldia e tarena a manka teka, ba nonei e soloseiena e Sunahan me poeiena, “U mana koru, nonei a katuun a niga!”

U Bulungana u Niga tere Iesu Kristo te kolotein e Jon 19:13

Pöata te hengoeia e Pailat u ranga teka banonei e lu halakasa mena nei e Iesu ielesala me gumna turu gumgum tara tson onuna turu raranga tara makum ti ngöei turu HaHibru i Gabata.

Aposol 12:21

Be Herot e hopö kap nena u töa u lan, ba turu lan teka ba nonei e hasogeiena u hasobö u ngahangaha tara king, mena gumna turu gumgum u göagono, me katoena u ranga u ngahangaha i taren.

Aposol 18:12

Kaba tara pöata te gamman ia e Galio i Gris, ba u Jiu e takei hobotor mena luerima e Pol. Ba nori ena piou narien turu kout me poeier, “A katuun teka e roron hatuts ranei u katuun tegi kato menaien u mar lotu tere Sunahan tema matskö neia tara Lo i tamulam u Jiu.”

Aposol 18:16

Ba nonei e tsuga ba ranen turu kout.

Aposol 18:17

Ba nori hoboto e pile kap ner a tsunono tara luman lotu turu Jiu, a solonen e Sostenis, ba nori e singsingate rien i rehina makumun kout. Kaba e Galio ema tara sile ii a ka teka.

Aposol 25:10

Kaba e Pol e pei, “A luma teka te tuol gia lia i romana nonei a luman kout tara gamman pan e Sisa. A luma lasi teka nonei a makum te tatei hengoe ria u kout i tar. Alö u atei hakapa, alia uma katoe ii ta töa ta ka ta omi turu Jiu.

Aposol 25:17

“Ba tara pöata ti gono hobotoien teka ba lia e haseseigu turu hamahö ba lia e gum gia turu gumgum tara tsonun hahamou turu ranga be ngö regu u soldia tegi la mena meien e Pol i tar.

Aposol 25:6

Pöata te ka hakapa gono meraien e Pestus u töal tsi u maloto u lan, ba nonei e töan gala uana i Sisaria. Ba u hamahö ba nonei e gumna tara luman kout, ba nonei e hangö na lala e Pol.

1 Pita 2:22

“Nonei ema katoe ii ta markato ta omi. Na e möa tu töa tu gamo tega butuma i rungnen.”

1 Jon 2:1

A matsi galapien koru i tar, alia e koloto menagi a man raranga teka i tamilimiou, taraha alia e ngilin taguhu ragou limiou ba limiou tema tatei kato homi mi. Kaba te kato homina a töa katuun, ara e kamera a katuun te matsköna, e Iesu Kristo te ranga bera noura tere Tamarara.