Matiu 26:74 - U Bulunagana U Niga

⁷⁴ Be Pita e ranga homi nena a peisanen me poeiena, “E Sunahan e tatei hahune noulia tegoma ranga hamana uai lia. Alia ema atei silegi a katuun teka!” Ba keriou e kekeretskö hamanasana.

Matiu 26:74 Iomraidhean Croise

Matiu 10:28

Na limiou goma matout rami u katuun te atung hamateier u tuenrei, nori ema atung hamatieri u namnamei. Kaba limiou go matouteiam e Sunahan, nonei te antunan kato homi nitoeiena u tuenrei na u namnamei i hel.

Matiu 26:34

Be Iesu e poeiena tere Pita, “Alia e hatei hamana korue goulö, i mam te kekeretskö noa a keriou a tson i bong teka, balö te holis namou tego atei sil menai lö alia tara topisa a pöata.”

Matiu 26:73

Ema pinai ba u katuun ti tuol ia i sukusuku e la uarima tere Pita memi poeier, “Alö has a töa katuun tere Iesu, taraha u ranga i tamölö e haröto nena tu la malö.”

Matiu 26:75

Be Pita e hakats pouts nena u raranga te hateien e Iesu, “I mamina te kekeretskö noa a keriou alö e holis topisa namou tego atei sil menai lö alia.” Ba nonei e lakasana mena tabe hohomi koru mena a nitaatagi pan koru.

Matiu 27:25

Ba u katuun hoboto e hatanganar me poeier, “A nihahuna tara tou mate i tanen e tatei la uana i tamulam na tara galapien i tamulam!”

U Bulungana u Niga tere Iesu Kristo te kolotein e Mak 14:30

Be Iesu e poeiena tere Pita, “Alia e hatei hamana korue goulö, i mam te kekeretskö hahuol noua a keriou i bong teka, ba lö te holis namou tego atei sil menai lö alia tara topisa pöata.”

U Bulungana u Niga tere Iesu Kristo te kolotein e Mak 14:68

Kaba e Pita e holis me poeiena, “Alia ema atei silegi a ka te ranga nemu lö.” Be Pita e lauana tara tamana tara ololo, ba keriou e kekeretsköna.

U Bulungana u Niga tere Iesu Kristo te kolotein e Luk 22:60

Be Pita e ranga palisina, “Alia ema atei silegi a ka te ranga nemölö!” Tara pöata noa has te rangaia e Pita, ba keriou a tson te kekeretsköna.

U Bulungana u Niga tere Iesu Kristo te kolotein e Jon 18:27

Be Pita e holis lenina me poeiena, “E möa!” Ba keriou a tson e kekeretskö hamanasana.

1 Korin 16:22

Esi te rama nena a Tsunono, egi korupakö ni. O Tsunono i tamulam, lama!

Revelesin 3:19

Te kato homi roua u katuun te ngil regu lia, alia e hapiou ragouen bate hamatskö ragouen. Alimiou go ngil hatagale iam a Tsunono bate tori tsuga namiou a markato a omi.