Matiu 26:53 - U Bulunagana U Niga

⁵³ Tsi alö ma atei silemi alia e antunan rangategu e Tamar eni tuun ba nonei te hala nanama a maloto na huol tara man angelo te para bala rer u ami ba nori temi taguhe riou lia.

Matiu 26:53 Iomraidhean Croise

Matiu 25:31

Be Iesu e ranga lenina me poeiena, “Alia tu butun Katunuma e la guma romana bate heregi a king, u angelo hoboto e la gono has meri mou lia romana. Na nonei a pöata teka, alia e gum goa turu gumgum u göagono i tar.

Matiu 4:11

Be Satan e laba nanen. Ba u angelo e la rima memi taguheier e Iesu.

U Bulungana u Niga tere Iesu Kristo te kolotein e Mak 5:15

Pöata ti butuien tere Iesu ba nori e tarer a katuun te kamei a liliahanei e gum bate kamena u hasobö na u hakhakats i tanen e niga pouts. Ba nori e matoutur.

U Bulungana u Niga tere Iesu Kristo te kolotein e Mak 5:9

Be Iesu e rangate nen, “A solo mölö esi?” Ba nonei e ranga palisenen, “A solor e Ami, taraha alam e param.”

U Bulungana u Niga tere Iesu Kristo te kolotein e Luk 8:30

Be Iesu e rangate nen, “Esi a solomölö?” Ba nonei e ranga palisina me poeiena, “A solor e Ami!” Taraha? Nonei e kamei a liliahanei a omi a para koru ti kaia i tanen.

U Bulungana u Niga tere Iesu Kristo te kolotein e Jon 10:18

E möa ta katuun ga antunan atung hamate naiou lia turu ngil i tanen. Alia peisa te hala nagou a peisar tara tou mate. Alia e ka megu a nitagala tego haniga uu lia ba u katuun te atung hamatie riou lia, na lia e ka has megu a nitagala tego töatöa pouts uu lia. Nonei a ka te ranga mei lia e Tamar tego katoi lia.”

U Bulungana u Niga tere Iesu Kristo te kolotein e Jon 18:36

Be Iesu e poeiena, “Alia a töa king, kaba alia ema king uagi i puta teka. Sanena alia a kingina i puta teka, ba u katuun i tar temi hiatatung sile riou lia ba pal kapan turu Jiu tema antunan pile kap naroi lia. Kaba lia ema king uagina i puta teka.”

2 Tesalonaika 1:7

Alia e hatei ragou limiou hoboto te luemiou a kamits, e Sunahan e hahusa pouts ranou limiou na lam has, tara pöata te la pouts nama romana e Iesu a Tsunono. Nonei e butu nama romana i Kolö na u angelo u tagala has i tanen bate here roi u tula te kulupu hapan koruna.

U pas te kolotein e Jut 1:14

E Inok a hatohitina a katuun tara hun katuun tere Adam. E Inok e katoi u rangan propet me hatei mam nena u mar katuun u omi teka me poeiena, “Hengo iam. A Tsunono e la menama romana a parpara koru a angelo a göagono i tanen tegomi ona merien u katuun hoboto. Nonei emi kout rena romana u katuun hoboto te sigaler e Sunahan bate haröto nena te omi uaren, taraha nori e omier e Sunahan bate roron kato homir bate ranga hohomi naren.”