Matiu 26:29 - U Bulunagana U Niga

²⁹ Na lia e hatei ragou limiou, alia ema tatei ua lele goi romana u uain teka e antunana tara pöata tena ua gono mera goa lia limiou u uain u tsimus tara Nipepeito tere Tamar.”

Matiu 26:29 Iomraidhean Croise

Matiu 13:43

Ba u katuun u matskö te alesala hereri romana a pitala tara Nipepeito tere Tamaren. Na lö a katuun te ka mem u talinga alö go hengo haniga!”

Matiu 16:28

Alia e hatei hamana ragou limiou, a palair u katuun te tuolur teka ema antunan materi, e antunana tegi tara menien Alia tu butun Katunuma ena la here gumei romana a king.”

Matiu 18:20

Na tegi gonoia a huol tsi a topisa a katuun tara solor, alia e ka gia i gusuren.”

Matiu 25:34

“Ba lia te ranga meragou u katuun tara pal matou i tar, ‘U katuun te kato hasasaaler e Tamar, lamuma batemi luemiou a Nipepeito ti kato taatago berai limiou i manasa noa te habuteia e Sunahan a mamanaka.

Matiu 26:28

Taraha, nonei u rahatsing i tar te kato hatagalenou u rangan kits tere Sunahan na te takis bera nou u katuun u parpara bate luba nanou a markato a omi i taren.

Matiu 26:30

Ba i murina pöata ti kömeien u köman lotu, ba nori e la uar turu Pokus tara Ruein Olip.

Matiu 28:20

Ba limiou te hatuts ramien tegi kukute menaien a mamanaka tu ranga merai lia limiou. Bate hakats namiou: alia e ka gono nitöa mera gou limiou e antunanoa tara kapakapana a pöata.”

U Bulungana u Niga tere Iesu Kristo te kolotein e Mak 14:25

Alia e hatei hamana koru ragou limiou, alia ema tatei ua lele goi u uain e antunana tara pöata te ue gia romana lia u uain u tsimus tara Nipepeito tere Sunahan.”

U Bulungana u Niga tere Iesu Kristo te kolotein e Luk 12:32

Be Iesu e poeiena, “Alimiou a matsi katuun i tar, alimiou goma matout mi. Taraha? E Tamamilimiou e sasaala mena tego hala meraien limiou a Nipepeito i tanen.

U Bulungana u Niga tere Iesu Kristo te kolotein e Luk 15:32

Aragi sasaala bate masa korura. Taraha? E toulamölö e here ii a katuun te mate, kaba e töatöa poutsuna! Nonei e tia kaba e la poutsuma!’”

U Bulungana u Niga tere Iesu Kristo te kolotein e Jon 15:11

Alia e hatei ragu lei limiou u ranga teka ba nisasaala i tar te kauana i tamilimiou ba nisasaala i tamilimiou te onoto hakapa nitöana.

U Bulungana u Niga tere Iesu Kristo te kolotein e Jon 16:22

Na e kato has uana iesana i tamilimiou. Alimiou e taatagi has mou, kaba alia e tara pouts ragou limiou. Ba limiou te töan sasaala koru mou, na e möa ta katuun tega antunan luban a nisasaala teka i tamilimiou.

U Bulungana u Niga tere Iesu Kristo te kolotein e Jon 17:13

“Na lia e la tala uagou i tamölö. Alia e katoegu u raranga teka i puta ba nori te sasaala nitöa has uar te sasaala uagu lia.

Aposol 10:41

U katuun hoboto ima tareien kaba alam tu tareien, taraha e Sunahan e hopö kap mam raiou lam tego tara menai lam a ka teka ba lam tena hahatei namen. Alam u nou gono meien na u ua gono has meien i murina te takei pouts ien tara tou mate.

Hibru 12:2

Aragi tara las uu tere Iesu. Nonei a mouna u nihamana i tarara na nonei te kato hamanena a manka te hamana sile rara. Nori i nila naien tara kuruse, na nonei ema rama ii. Nonei ema matsingolo rai u katuun tega mate here menaien a katuun a kopkop, taraha nonei e atei sil nonei ena sasaala koru nou. Na i romana nonei e gumna tara pal matou tere Sunahan noahas.

Revelesin 14:3

Ba nori e tuol ria i matana e Sunahan te gum nen turu gumgum u göagono, i matana a tohats a ka a töatöa, na i matana a pal tsunono. Ba nori e kömeier u töa u hets u tsimus tema tatei hetseri a palair u katuun. Nori u 144,000 tara katuun teka te sakahis ba ra ii e Sunahan a han i puta, nori peisa te tatei hetseier u hets teka.

Revelesin 7:17

Taraha? A Tunan Sipsip te taratara kap ranouen, nonei te kana i gusuna u gumgum u göagono tere Sunahan. Nonei e peigi mera noien tara man ramun te bututuna te hala nena a nitöatöa. Na e Sunahan e hasokolei nitöa ranouen.”