Matiu 26:26 - U Bulunagana U Niga

²⁶ Tara pöata ti nouien be Iesu e luena a beret me haniga uana tere Sunahan ba nonei e posepose nen me hala raneien u katunun tsitsilo i tanen. Ba nonei e poeiena, “Lueiam ba limiou te nou miou. Nonei teka u tuenrei i tar.”

Matiu 26:26 Iomraidhean Croise

Matiu 14:19

Ba nonei e ranga merena u katuun egi gum ia turu garas. Ba nonei e luena a tolima beret na huol a iena, me tara sei uana i Kolö, me haniga uana tere Sunahan. Ba nonei e posepose iena a beret me hala raneien u katunun tsitsilo, ba nori e molamola rarien u katuun.

Matiu 26:27

Ba nonei e luena a kap uain me haniga uana tere Sunahan me hala ranen. Ba nonei e poeiena, “Alimiou hoboto go ua mia tara kap teka.

U Bulungana u Niga tere Iesu Kristo te kolotein e Mak 6:41

Be Iesu e luena a tolima a beret na huol a iena me tara sei uana i Kolö me haniga uana tere Sunahan. Ba nonei e posepose iena u beret me hala ranei ien u katunun tsitsilo i tanen egi molamola raien u katuun. Ba nonei e molamola haseiena a huol a iena i taren hoboto.

U Bulungana u Niga tere Iesu Kristo te kolotein e Luk 22:17

Be Iesu e luena a kap uain me haniga uana tere Sunahan me poeiena, “Lueiam a kap teka ba limiou a man tötöa te ua mia i tanen.

U Bulungana u Niga tere Iesu Kristo te kolotein e Luk 24:30

Ba nonei e gum gono mera nen ti katsin nou uaien me luena a beret, me haniga uana tere Sunahan. Ba nonei e poseiena a beret me hala raneien.

Aposol 2:46

Turu mamana u lan nori i la hoboto uu tara Luman Lotu Pan tina singo hoboto uaien na nori i nou hoboto mei u hakats u niga na nisasaala pan.

Aposol 20:7

Turu Sandei alam u gono sil tego nou hoboto uu bate kato hasem a Komunio. E Pol e katsin la turu hamahö ba nonei e rangana turu katuun me pile kap ranen e antunaia tara gusuna bong.

1 Korin 10:4

Na nori hoboto i ua hasia turu töa puku u ramun te hala sila naia e Sunahan turu lapo. U lapo teka nonei e Kristo, na e Kristo e la gono has meraien.