Matiu 26:10 - U Bulunagana U Niga

¹⁰ E Iesu e atei sil a saha ka ti ranga naien ba nonei e poeiena i taren, “Aha te ngena sile milimiou a tahol teka? Nonei e katoe lala a ka a niga koru i tar.

Matiu 26:10 Iomraidhean Croise

Matiu 26:11

Alimiou e ka gonon töa mera mou u katuun te moar ta moni. Kaba lia ema tatei ka gonon töa mera goi limiou.

Matiu 26:9

Sanena u uapi teka tegi haholin, bate lueri ta moni ta para bate hala rari u katuun ti möa ta moni!”

U Bulungana u Niga tere Iesu Kristo te kolotein e Mak 14:6

Kaba e Iesu e pei, “Haka ba naiam. Alimiou e ngena silemien aha? Nonei e katoe lala a ka a niga koru i tar.

U Bulungana u Niga tere Iesu Kristo te kolotein e Luk 8:49

Pöata te ranga noaia e Iesu, ba töa katununa tara luma tere Jairas e la nama me mi hateie nen, “A pien tahol i tamölö e mate hakapa lala. Alö goma hakui lelei a Tson Hihatuts.”

2 Korin 9:8

Be Sunahan te tatei hala ranei limiou a mamanaka a niga, ba limiou tema makmakum ba namoi ta ka. Ba limiou te ka memou a mamanaka te antunan kate moa limiou a mamana toukui a niga.

Galesia 1:7

E möa len tu taina tu mar hihatuts tega ka, kaba palair u katuun e ngilin kato hatutu tuun rariou limiou bate maman palis naier u Bulungana u Niga tere Kristo.

Galesia 5:12

Alia e ngilegu u katuun teka te kato hatutu rariou limiou egi hapolasa ba nitöa raiou limiou!

Galesia 6:17

Na lia ema ngil lenegi ta katuun ega hale ii lia ta nitiama. A man gahil tu lueia lia turu katuun ti omie ioulia e haröto nena alia a katunun kui tere Iesu.

Epesis 2:10

E Sunahan e kato raira u katuun u tsimus ti hamana uu ra tere Iesu Kristo. Nonei e kato hatsimus sil raira tegi kato menaira a man markato a man niga te hopö kap mam sil raien ra.

1 Timoti 3:1

U raranga u mana e poeiena, “A katuun te ngilin katoena a toukui tara katunun pepeito kap turu lotu e ngilena a toukui a niga.”

1 Timoti 5:10

Na nonei has a amoaba teka te kamena a solo a niga tara man markato a man niga te kato mameien. Hena, te hatuts haniga raien a galapien i tanen bate tara kap haniga ranen, a solonen e tatei kana tara man solo. Na te taguhu haniga raien u katuun ti tuku ti lama tara tana han, bate galus hasena a mour u katuun u kristen na te taguhu raien u katuun te ka mer a siki bate torohanan katoena a mamana markato a niga, nonei e tatei hakoloto nena a solonen tara man solo.

2 Timoti 2:21

Te luba nemia lö a markato a omi, ba lö te here moi a kaan hongo te ka mena a toukui pan. Alö e gogoso mou bate hahalosem a saha toukui a niga te hopö kap benoi lö a Tsunono.

Taitus 1:16

Nori e pei laser nori e atei siler e Sunahan, kaba a markato i taren te haröto nena nori ema atei sileri e Sunahan. Nori e hipus korur, na nori ema antunan kato has nari ta ka ta niga. Na u katuun ema ngil koru has rarien.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

Taitus 3:1

Alö go hahatei kap nitöar u katuun i tamölö, nori egi hahengoia tara gamman na turu katuun pan i taren bate hahanei siler tegi kato menaien a man toukui a man niga.

Taitus 3:14

Na u katuun i tarara egi kato sil tegi lu menaien a man markato a man niga, bate taguhu raier u katuun te makmakum ner a mamanaka. U katuun i tarara ena mots ka pinopinor.

Taitus 3:8

U raranga teka e manana. Na lia e ngileg alö go hihatuts hatagalein a manka teka, ba u katuun te hamana uaier tere Sunahan bate ka siler tegi kato menaien a man markato a man niga. A manka teka e niga koruna na e taguhu has ranou u katuun.

1 Pita 2:12

Alimiou go kato haniga koru las mia i gusur u katuun te hahamanar. Ba pöata te ranga homi rien i tamilimiou bate poeier alimiou e katoemiou a markato a omi, ba nori te tatei tarer a markato a niga tego katoeiam limiou, bate soloseier e Sunahan tara pöata te la namen romana.