Matiu 24:44 - U Bulunagana U Niga

⁴⁴ Te markato uanen teka alimiou go hanei hasiam. Taraha, Alia tu butun Katunuma e la pouts guma romana tara pöata, alimiou ema atei silemien romana.”

Matiu 24:44 Iomraidhean Croise

Matiu 24:27

Taraha, Alia tu butun Katunuma e la here gumei romana u kanaha te kanahana tara mamana makum turu kolö.

Matiu 24:42

“Taraha, alimiou ema atei silemi u sahu lan te la nama romana a Tsunono i tamilimiou.

Matiu 24:43

Kaba limiou go atei iam: sanena a katuun terena luma ega atei sil i hangisa tega lama a kopkop tara bong, ba nonei te kalkalatana bate hatu kap nena a kopkop tega tasu uaien i luma.

Matiu 25:10

“Ba pal touhaliou u tutu ena hol karasinir. Ba pöata ti tia noa men, ba tson tegi hahitölini e tukuna. Ba pala ti hahaloso e tasu gono mer a tson ti hahitöli tara kannouna tara hitöl, ba tamana e hapilie ier.

Matiu 25:13

Be Iesu e poeiena, “Alimiou go haneiam, taraha alimiou ema atei silemi u lan tsi a aua te butu nama romana a Tsunono i tamilimiou.”

U Bulungana u Niga tere Iesu Kristo te kolotein e Luk 12:39

Alimiou go hakats naiam a ka teka: Sanena tega atei sil mameia a katuun terena luma i hangisa koru tega lama a katuun a kopkop, ba nonei te hatongo kap nena a katuun teka bate ma heleie nei a luma i tanen bate tasuna.

U Bulungana u Niga tere Iesu Kristo te kolotein e Luk 12:40

Na limiou has go hanei iam. Taraha? Alia tu butun Katunuma e la guma romana tara pöata alimiou ema hakats nami romana tego la uama lia.”

U Bulungana u Niga tere Iesu Kristo te kolotein e Luk 21:36

Tara kap hanigaiam bate singo nitöa uamiou tere Sunahan, ba limiou te ka memou a nitagala tego hakarasa ba menami limiou a man nomi teka te butu nouen, ba limiou te tatei tuol has mia romana i matar, alia tu butun Katunuma.”

Pilipai 4:5

Alimiou go kato hatami mia turu katuun hoboto. A Tsunono e sukusukun kopis poutsnama.

Jemis 5:9

A matsi hahatoulana, alimiou goma ranga memi a raharaha te ranga mia limiou tara tana katuun, be Sunahan tema ona has ranoui limiou. Taraiam, a Tsonun Hamou e sukusukun tukuna, e tuol na i matana a tamana.

Revelesin 19:7

Aragi sasaala koru bate soloseie ren. A pöatan hitöl tara Tunan Sipsip e butu hakapa, na tahol i tanen e lu hatolo hakapi a peisanen.