Matiu 24:43 - U Bulunagana U Niga

⁴³ Kaba limiou go atei iam: sanena a katuun terena luma ega atei sil i hangisa tega lama a kopkop tara bong, ba nonei te kalkalatana bate hatu kap nena a kopkop tega tasu uaien i luma.

Matiu 24:43 Iomraidhean Croise

Matiu 14:25

Ba tara sukusukuna lunlan, be Iesu e la uanama i taren me tataala silanama ioluna u ramun.

Matiu 20:11

A pöata lahas ti lu hakapeien a moni i taren, ba nori te raharaha hamanaseier a katuun terena kuin grep, ‘U katuun te hagou kui lila e kui pukue lila a töa aua, ba hihol i taren te hihinatue tsipon mena a hihol i tamulam. Kaba lam e kui noa mula i bongbong me lana i gusuna pitala a hiski mena antunan töa nena a lahi, balö te hol tsipon ramule lam a mar hol te hol ramuleien lö!’

Matiu 24:42

“Taraha, alimiou ema atei silemi u sahu lan te la nama romana a Tsunono i tamilimiou.

Matiu 24:44

Te markato uanen teka alimiou go hanei hasiam. Taraha, Alia tu butun Katunuma e la pouts guma romana tara pöata, alimiou ema atei silemien romana.”

Matiu 25:10

“Ba pal touhaliou u tutu ena hol karasinir. Ba pöata ti tia noa men, ba tson tegi hahitölini e tukuna. Ba pala ti hahaloso e tasu gono mer a tson ti hahitöli tara kannouna tara hitöl, ba tamana e hapilie ier.

Matiu 25:13

Be Iesu e poeiena, “Alimiou go haneiam, taraha alimiou ema atei silemi u lan tsi a aua te butu nama romana a Tsunono i tamilimiou.”

U Bulungana u Niga tere Iesu Kristo te kolotein e Mak 13:35

Na limiou go tara kap hanigaiam, taraha alimiou ema atei silemi i hangisa tena la nama romana a katuun terena luma. Nonei e la toum menama a lahibong tsi a bong roto tsi a gusuna bong tsi a lunlan.

U Bulungana u Niga tere Iesu Kristo te kolotein e Mak 6:48

Ba nonei e tarena u katunun tsitsilo i tanen i lagi susua mei a lomolomo. Ba tara sukusukuna lunlan ba nonei e la uana i taren me tataala silana i ieluna u ramun. Ba nonei e katsin la karasa ranen.

U Bulungana u Niga tere Iesu Kristo te kolotein e Luk 12:38

Na tega la memen a gusuna bong, tsi tara pal bongbong koru, bate tarena nori e kalata noar bate hahalosor, ba u katunun kui teka te tatei sasaala korur.

U Bulungana u Niga tere Iesu Kristo te kolotein e Luk 12:39

Alimiou go hakats naiam a ka teka: Sanena tega atei sil mameia a katuun terena luma i hangisa koru tega lama a katuun a kopkop, ba nonei te hatongo kap nena a katuun teka bate ma heleie nei a luma i tanen bate tasuna.

U Bulungana u Niga tere Iesu Kristo te kolotein e Luk 21:36

Tara kap hanigaiam bate singo nitöa uamiou tere Sunahan, ba limiou te ka memou a nitagala tego hakarasa ba menami limiou a man nomi teka te butu nouen, ba limiou te tatei tuol has mia romana i matar, alia tu butun Katunuma.”

Revelesin 16:15

“Hengo iam! Alia e songotei la hasingoto guma romana. A katuun te kalatan töana ega sasaala. Alimiou go heremi a katuun te tara kap haniga nena u hasobö i tanen batema tatei beloso neia i matar u katuun.”

Revelesin 3:3

Hakats kap tala naiam a manka ti hatuts rai limiou na u raranga tu hengoe iam limiou. Kukute iam bate tori tsuga namiou a man markato a man omi i tamilimiou. Esi tema tagule nou ii, alia ena la hasingoto here guma romana a kopkop ba limiou tema atei sile moi a saha mar pöata tena la guma lia romana.