Matiu 24:15 - U Bulunagana U Niga

¹⁵ Be Iesu e poeiena, “Alimiou e tare miou romana a ka a omi koru te rangein e Daniel a propetina i manasa, te tuol ien tara makum a göagono.” (A katuun te ritena u raranga teka ega atei.)

Matiu 24:15 Iomraidhean Croise

Matiu 24:16

“Ba pala te karia i Judia te bus uar romana turu pokus.

U Bulungana u Niga tere Iesu Kristo te kolotein e Mak 13:14

Be Iesu e poeiena, “Alimiou e tare mou a ka a omi koru e tuolna romana tara makum te hagöagono ba narien.” (A katuun te ritena u raranga teka ega hakats hanigein te mouna uanen.) “Ba pala te ka ria i Judia egi bus uu tara pokus.

U Bulungana u Niga tere Iesu Kristo te kolotein e Luk 19:43

A pöata e la nama, ba u katuun te pakö rariou limiou temi ololo hahis rariou limiou ba nori temi hatukap rariou limiou romana tara mamana makum.

U Bulungana u Niga tere Iesu Kristo te kolotein e Luk 21:20

E Iesu e ranga lel me poeiena, “Pöata te tara romana mia limiou u soldia u parpara e gono hahiser i Jerusalem, nonei te atei sila namoa limiou a pöata hamanasa tegi kato homi hakapa menai a taun teka.

U Bulungana u Niga tere Iesu Kristo te kolotein e Jon 11:48

Tema hapiou naroien ra, ba u katuun hoboto te hamana uariou i tanen. Ba u ami ri Rom temi kato homie riou a Luman Lotu Pan i tarara na u han hoboto i tarara!”

Aposol 21:28

Ba nori e ku hapanir me poeier, “U katunura i Israel, mi taguhu ramou lam! Nonei lasi a tson teka te hatuts rena u katuun tara man han hoboto tegi tori tsuga ba menai u katunura i Israel a Lo tere Mosis na Luman Lotu Pan teka. Na tana ka lel has, nonei e piou hasir u katuun tema Jiu ri iahana Luman Lotu Pan ba nonei e kato habahi hakapena a makum a Göagono teka!”

Aposol 6:13

Ba nori e hatuol rer u katuun tegimi gamo uaien bate poeier, “A katuun teka e roron ranga homi nena a luman lotu a Göagono i tarara na Lo has tere Mosis.

Hibru 2:1

Nonei tegi pile hakarapoto beira u raranga u mana ti hengoen ra. Ara ena mots hapolasa susul ba naren.

Revelesin 1:3

A katuun te ritena u raranga teka na u katuun has te hengoer a manka ti koloto naia turu rangan propet teka bate kukutie ren, egi sasaala. E hatei nena a manka te butu nou, na pöata e sukusuku nama te butu hamana noua a manka teka.

Revelesin 3:22

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo.”