Matiu 23:8 - U Bulunagana U Niga

⁸ “Kaba u katuun ema tatei ngö raroui limiou u Rabai (te poeiena a Tson Hihatuts) taraha alimiou e ka memiou a töa puku a Tson Hihatuts, nonei a Tsunono, na limiou u munmun toulana.

Matiu 23:8 Iomraidhean Croise

Matiu 10:25

E nigana te kato here mena nei a katunun tsitsilo a peisanen a tson hihatuts i tanen. Na e niga hasina te kato here mena nei a katunun kukui puku a peisanen a katuun pan i tanen. Alia a katuun pan tara pal katuun i tar. Na a palair u katuun e ngö tsipone rilia e Belsebul. Te markato tala uaren teka, ba nori te ngö raroui limiou u katuun u omi koru, taraha alimiou e pala uamiou i tar.”

Matiu 17:5

Tara pöata te ranga noaien, bu köasi u alesala koru emi hoho ranen ba u töa u raranga e butu nama turu köasi me poeiena, “Nonei a Pien Tson a tsomi koru i tar teka. Alia e haniga korue gen. Alimiou ego hengoe men!”

Matiu 23:10

Na u katuun ema tatei ngö has rari limiou u Hihatutus, taraha alimiou e ka memiou a töa puku a Hihatutus, e Mesaia.

Matiu 23:7

Nori e roron ngiler u katuun egi hapan raien tara makumun töana, na nori e ngil haser u katuun egi ngö raien u Rabai.

Matiu 26:25

Be Judas nonei a katuun te haröto nanoien e poeiena, “O Tsunono, esi nonei? Alia romana?” Be Iesu e poeiena i tanen, “Alö peisa has te ranga namen.”

Matiu 26:49

Ema pina töa ii be Judas te tukuna me la uana tere Iesu me poeiena, “A tsi bong, o Tson Hihatuts.” Be Judas e mutsi nanen i abuabunen.

U Bulungana u Niga tere Iesu Kristo te kolotein e Mak 10:51

Be Iesu e rangate nen, “Alö e ngilem alia go kato be ii lö aha?” Ba katuun a matakiou e ranga palisenen me poeiena, “Tson Hihatuts, alia e ngilin tara poutsugu.”

U Bulungana u Niga tere Iesu Kristo te kolotein e Mak 11:21

Be Pita e hakats sabe nena nonei u ruei me poeiena tere Iesu, “Tson Hihatuts, tara! U ruei tu ranga homin lö e lango hakapa.”

U Bulungana u Niga tere Iesu Kristo te kolotein e Mak 14:45

Bate tukuia e Judas ba nonei e la uana tere Iesu me poeiena, “Tson Hihatuts.” Ba nonei e mutsi nanen i abuabunen.

U Bulungana u Niga tere Iesu Kristo te kolotein e Mak 9:5

Be Pita e poeiena tere Iesu, “Tson Hihatuts, e nigana te ka uarara teka. Alam go kui a topisa a taluhu, a töa i tamölö na töa tere Mosis na töa tere Ilaitsa.”

U Bulungana u Niga tere Iesu Kristo te kolotein e Luk 22:32

Kaba lia u singo hakapa sileiou lö, o Saimon, tegoma hapolasa menai lö a nihamana i tamölö. Ba tara pöata te hakopis pouts muma lö romana i tar, ba lö te hatagala rem u toulamölö.”

U Bulungana u Niga tere Iesu Kristo te kolotein e Jon 1:38

Pöata te habirits ia e Iesu me tarena ti kukute uamen ba nonei e poeiena i taren, “Alimiou e sake miou aha?” Ba nori e poeier i tanen, “O Rabai, ime tena soho moa lö?” (Rabai e poeiena, tson hihatuts.)

U Bulungana u Niga tere Iesu Kristo te kolotein e Jon 1:49

Be Nataniel e poeiena, “O Rabai, alö a Pien tere Sunahan! Alö a katuun te hopö kap bin e Sunahan tego Kingia i Israel!”

U Bulungana u Niga tere Iesu Kristo te kolotein e Jon 11:8

Ba u katunun tsitsilo i tanen e poeier, “Tson Hihatuts, ema lehana nei ti katsin titi hate malö u Jiu, ba lö te ngilin la pouts lel uam nonei tara han teka?”

U Bulungana u Niga tere Iesu Kristo te kolotein e Jon 20:16

Be Iesu e poeiena i tanen, “Maria!” Ba e Maria e habirits uana i tanen me poeiena turu HaHibru, “Rabonai!” U mar ranga teka e poeiena, “Tson Hihatuts.”

U Bulungana u Niga tere Iesu Kristo te kolotein e Jon 3:26

Ba nori e lauarima tere Jon me poeier i tanen, “Tson Hihatuts, alö e atei silem nonei a katuun te ka gono meiou lö i hapalana ramun i Jodan, nonei a katuun tu rangein lö? Nonei e baptais rena u katuun, ba u katuun te la hoboton töa uar i tanen!”

U Bulungana u Niga tere Iesu Kristo te kolotein e Jon 4:31

Nonei tara pöata teka u katunun tsitsilo i tahulei e Iesu ega nou tatsi kannou.

U Bulungana u Niga tere Iesu Kristo te kolotein e Jon 6:25

Pöata tina sabieien e Iesu i hapalana a ramun, ba nori e rangatar me poeier i tanen, “Tson Hihatuts, alö u la uama teka i hangisa?”

U Bulungana u Niga tere Iesu Kristo te kolotein e Jon 9:2

Ba u katunun tsitsilo i tanen e rangatar, “Tson Hihatuts, esi te kato homi ba matanen e kiouna? Nonei, tsi e tsinanen tsi e tamanen?”

2 Korin 1:24

Kaba ema poeie nei alam go hatei rai limiou ime tego mar hatakui menai limiou u nihamana i tamilimiou. Alam e ngilin kui gono mera mou limiou ba limiou te saputu memiou a nisasaala, taraha, alimiou u ka hakapa meiam u nihamana te tuol hakarapoto mia limiou.

2 Korin 4:5

Alam ema habulungana nami a peisamulam. E möa. Alam e habulungana nem e Iesu Kristo nonei a Tsunono, na lam u katunun kui i tamilimiou e ka silem nonei e Iesu.

Pilimon 1:16

Kaba ema lupouts here namoi lö a katunun kukui puku. Nonei e toularara tara pala tere Kristo. Alia e ngil korue gen. Na lö e ngil koru hase moen, taraha nonei a katunun kukui puku i tamölö na limiou e hamana hoboto has mia tara Tsunono.

Jemis 3:1

A matsi hahatoulana, möa tu riri sileiam tegona hihatuts menami limiou a markato a nigana tere Sunahan. Taraha, e Sunahan ena tara hatagala koru noa romana tara pala te hatuts raier u katuun, tegi hihatuts homi uaien.

1 Pita 5:3

Alimiou goma kato here rami u katuun u kapan bate pita puta ramiou u katuun te taratara kap rami limiou. E möa. Alimiou go katoeiam a markato a niga te tatei kukutieren.

Revelesin 1:9

Alia e Jon, a hahatoulana i tamilimiou turu katuun te hamana ria tere Iesu. Alia e sagoho hasegu a kamits te sagohe milimiou, ba ra te pile hakarapoto ria tara Nipepeito tere Iesu. Alia i kitse iou mena hake ria tara tolo te ngöeri i Patmos, tu hihatuts naia lia u raranga tere Sunahan na manka a man mana te harötein e Iesu.

Revelesin 19:10

Ba lia e hopöe gia a peisar i puta i mouna angelo me katsin hatsunone gen, ba nonei e poeiena i tar, “E möa tego markato uu lö teka! Alia has a katunun kui tere Sunahan. Na ra u katuun hoboto te pala uara tere Sunahan te pile kap nera u ranga hamana te rangein e Iesu. Alö go hatsunonei e Sunahan. U ranga hamana te rangein e Iesu nonei a mouna a ka te haranga rena u propet tere Sunahan.”

Revelesin 22:9

Ba nonei e poeiena i tar, “Alö goma markato uai teka! Alia has a katunun kui tere Iesu, alia na lö na man hahatoulana i tamölö u propet, na pala hoboto te hengoeier u raranga turu buku teka. Ara hoboto u katunun kui tere Iesu. Alö go hatsunoni e Sunahan!”