Matiu 23:37 - U Bulunagana U Niga

³⁷ Be Iesu e poeiena, “A tei Jerusalem, atei Jerusalem, alimiou e roron atung hamate ramiou u propet bate titi hatu ramiou u katuun te hala mera mei e Sunahan i tamilimiou! A pöata a para alia i ngilin gono mera mei limiou i tar bate hatongo kap ragou limiou, temar gono mena nei a keriou u tuna i kopina pakapakanen. Kaba limiou ema ngil mi!

Matiu 23:37 Iomraidhean Croise

Matiu 23:30

Ba limiou te poeiemiou, ‘Sanena ara ti kaia tara pöata turu tuburara i manasa, ara sane ma taguhu rari ien tegi atung hamate meraien u propet.’

Matiu 22:3

Ba king e hala ralala u katunun kui i tanen egina ngö rema u katuun tegi la uama tara kannouna tara hitöl, kaba nori ima ngilin la uamei tara kannou.

Matiu 5:12

Alimiou go sasaala koruiam, taraha alimiou ena lue mou u hamatana pan koru i Kolö. Nonei ti markato hohomi has merai u propet ti ka i manasa.”

1 Tesalonaika 2:15

U Jiu i atung hamatir u propet tere Sunahan i manasa, na nori i atung hamate hasi e Iesu a Tsunono. Na nori i kato homi has raioulam bate tsuga rariou lam. Nori e kato haraharaha koruer e Sunahan na nori e omi rer u katuun hoboto.

Matiu 22:6

Ba palai e pile kap rer u katunun kui tara king me kato hohomi raren, me atung hamate raren.

Revelesin 17:6

Ba lia e taregu a tahol teka e tutu mei u rahatsing turu katuun tere Sunahan, na e tutu has mei u rahatsing turu katuun ti atung hamate merai ti hamana uaien tere Iesu. Ba pöata tu tareia lia a tahol teka ba lia e asingoto korugu.

U Bulungana u Niga tere Iesu Kristo te kolotein e Luk 15:28

Kaba pien a hamua e raharaha koru me raman tasuna. Be tamanen e lakasa nama me ranga hatamina i tanen.

Matiu 23:31

Ba turu raranga i tamilimiou, alimiou e hatara marei nemiou te hatutubunei uami limiou turu katuun ti atung hamatir u propet i manasa!