Matiu 23:18 - U Bulunagana U Niga

¹⁸ Na limiou e poe hasemiou, ‘Tega hamanaia ta katuun tara makumun haats, a ka pinopino. Kaba tega hamanaia ta katuun tara manka te kana tara makumun haats, aa, nonei ega markato koru has uu temar ranga uanen.’

Matiu 23:18 Iomraidhean Croise

Matiu 23:16

“A nomi pan e butu noa i tamilimiou, alimiou u matakiou te haröto tsipon nemiou a maroro turu katuun bate poeiemiou, ‘Tega hamanaia ta katuun tara Luman Lotu Pan bate poeiena e manana iasa, a ka pinopino. Kaba tega hamanaia ta katuun tara goul tara Luman Lotu Pan bate poeiena e manana iasa, aa, nonei e tatei markato koru has uana temar ranga uanen.’

Matiu 23:17

Alimiou u katuun u matakiou u tutu! Saha ka te panina, a goul, tsi a Luman Lotu Pan te hagöagonena a goul?

Matiu 23:19

Alimiou u katuun u matakiou! Aha te panina, a manka te kana tara makumun haats? E möa. A makumun haats te hagöagonena a manka te kana i tanen, nonei te panina.

U Bulungana u Niga tere Iesu Kristo te kolotein e Mak 7:11

Kaba alimiou e poeiemiou, sanena ta katuun ego pei tere tamanen ne tsinanen, ‘Alia e taatagi korugu, a ka tego halei lia lö, alia e haka begien e Sunahan.’

Galesia 5:3

Alia e ranga lel pon gia i tamilimiou, a katuun te poeiena nonei ega hapö ega kukute hakapa nitöa talein a man Lo hoboto turu Jiu.