Matiu 23:13 - U Bulunagana U Niga

¹³ E Iesu e ranga lel me poeiena, “Alimiou u tson ateira tara Lo na limiou u Parasi, a nomi pan e butu noa i tamilimiou! Alimiou u gamogamo, na limiou te ron hatu kap ramiou u katuun tegi tasu uen tara Nipepeito tere Sunahan, na limiou pouts has ema antunan tasumi.

Matiu 23:13 Iomraidhean Croise

Matiu 23:16

“A nomi pan e butu noa i tamilimiou, alimiou u matakiou te haröto tsipon nemiou a maroro turu katuun bate poeiemiou, ‘Tega hamanaia ta katuun tara Luman Lotu Pan bate poeiena e manana iasa, a ka pinopino. Kaba tega hamanaia ta katuun tara goul tara Luman Lotu Pan bate poeiena e manana iasa, aa, nonei e tatei markato koru has uana temar ranga uanen.’

Matiu 23:23

“Alimiou u tson ateira tara Lo na limiou u Parasi, a niomi pan e butuna romana i tamilimiou! Alimiou u gamogamo! A mamana matsi kaan hasoksoka a matsi tetenei te kana tara kui, alimiou e roron patsike men ba limiou te halemi e Sunahan a man hamalotona a man makum. Na markato te hala menari a hamalotona makum tere Sunahan e nigana. Kaba limiou e totone miou a mar hihatuts a kapan tara Lo te markato uana teka: a markato te hamou hamatskö menari u raranga turu katuun, na markato te taatagi mera nei e Sunahan u katuun, na markato a mana.

Matiu 23:25

“Alimiou u tson ateira tara Lo na u Parasi, a niomi pan e butunoa i tamilimiou, u katuun u gamogamo! Alimiou e roron kato hagogosemiou a murina a kap na pelete, kaba iahanen e korkorianana, te kato has uana a torimilimiou te habutena a markato tara kop na te hagua be menami limiou u ngilngilina turu tuenrei.

Matiu 23:27

“A niomi pan e butunoa i tamilimiou u tson ateira tara lo na u Parasi, u gamogamo! Taraha alimiou e heremi u kioun mate te tara ha hiaka hanigan töana ielesala, kaba i iogana e saputena u tsinön mate na mamanaka a koreme.

Matiu 23:29

Be Iesu e ranga lenina me poeiena, “A niomi pan e butunoa i tamilimiou u tson ateira tara Lo na u Parasi, alimiou u katuun u gamogamo! Alimiou e roron kuiemiou u kahokaho u niga turu propet ti mate bate hake miou a manka a man tara hanigan töa turu kahokaho turu katuun u matskö.

Matiu 3:7

Be Jon e tara rena u Parasi na u Sadiusi u parpara koru i la silema tegimi habaptais uen, ba nonei e poeiena i taren, “Alimiou u katunura tara kökötsi a omi, alimiou u katuun u gamogamo! Alimiou ema antunan bus ba namoi a raharaha tere Sunahan te butu nou!

U Bulungana u Niga tere Iesu Kristo te kolotein e Luk 11:52

Be Iesu e poeiena, “A nomi e butu noa i tamilimiou u tson hihatuts tara Lo. Alimiou e rama namiou a maroro tega kalati a niatei hamana tere Sunahan. Alimiou ema lu bemi a peisamiou a niatei teka, na limiou e hapiou has ramiou u katuun te ngilin lue ren!”

U Bulungana u Niga tere Iesu Kristo te kolotein e Jon 9:22

U muntahol i mar ranga uu teka taraha nori i matoutir u katuun pan turu Jiu. A pal kapan i hatangana hoboto hakapein tegi tsuga mei ta katuun i luman lotu tego pei menaien e Iesu nonei e Mesaia te hala nema e Sunahan.

U Bulungana u Niga tere Iesu Kristo te kolotein e Jon 9:24

Nori i ngö hahuolema nonei a katuun te matakiou mam me poeier i tanen, “Alö go ranga hamana koruia i matana e Sunahan. Alam e atei silem nonei e Iesu teka a katuun a omi.”

U Bulungana u Niga tere Iesu Kristo te kolotein e Jon 9:34

Ba nori e ranga sisi naren me poeier, “Alö i poseia iahana a markato a omi koru! E möa koru tego hatuts merai lö alam!” Ba nori e kute halakasa ba narien a luman lotu.

Aposol 13:8

Kaba e Elimas ema ngil raien me torohanan habiritsena u hakats tere Paulus ba nonei tema hamana uanei tara Tsunono.

Aposol 5:40

Ba nori e ngö hatasu pouts raier u aposol me hasingata raren. Ba nori e ranga hatagala mera rien tegima kato lel menaien u ranga tara solona e Iesu, ba nori e hapurese raren.

Aposol 8:1

E Sol e hanigein te mate uu e Stiven. Nonei turu lan teka, ti tanian kato homi koru raia u kristen ti kaia i Jerusalem. I markato uu teka bu kristen hoboto e sata uaier tara man han iahana provins i Judia na i Samaria. U aposol puku ti ka noaia i Jerusalem.

2 Timoti 3:8

Ti markato uu ere Janis mere Jambris, nori ima hengoei e Mosis. U mar katuun teka u hakats i taren e omi hakapa, nori ema hamana lel ri.

2 Timoti 4:15

Alö go peito kap has naien, taraha nonei e rama hatagala korunena u raranga i tarara.